《覆沒‧香港》 - (少甜+喪屍)
無音響子
278
回覆
17 Like
4 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
無音響子
2020-06-11 17:18:43
多甜就要再等下
無音響子
2020-06-11 17:52:41
《覆沒‧香港》 【六十五】
大門被打開,我地全個拘留室既人都大驚,我相信大家都認為係有喪屍入黎。
「唐SIR!」係一個扎馬尾身型瘦削既女仔走入黎。
「雯女!」同我同倉既強悍男回應。「出便咩事?」
「唐SIR出面有喪屍啊。」雯女拎住鎖匙準備打開我地度門。
「點會咁? 突然有喪屍攻入黎既?」唐SIR問雯女。
「唔係出面攻入黎,係尋日有兩條女唔知點走左入黎,之後有伙記捉左諗住去搞,但突然變左喪屍咬班伙記啊,依家出面好多伙記變左喪屍。」
鐵門被打開,我地可以出去。
「喂…放我地出去啊….唔該…」其他倉既人見我地被放,立即叫我地幫手。
「…. 雯女放晒佢地啦…」唐SIR似乎係高級過雯女,可以點佢做野。
「係…」
一被打開門,全部人立即走晒出去。 包括同我地同倉既兩個文員同譚伯。
我冇跟佢地立即走而係問雯女:「你話變左喪屍果兩個女仔… 係唔係同我一齊黎果兩個…..」
「你係同佢地一齊既?」雯女立即提起手槍指住我:「你係咩人,點入黎依度做咩要放喪屍入黎!!!」
「喂….冷靜一D! 我都唔知做咩事會有喪屍,我之前係合和果面行山路過到黎架,我真係唔知做咩事同我一齊黎果兩個女仔做咩會變左喪屍………」咁大過人第一次比人用槍指住,我立即高舉雙手。
「雯女,應該真係唔關佢事,我同佢困左成晚,佢應該真係唔關事。」唐SIR制止雯女:「我地離開左依度先算。」
唐SIR同雯女離開拘留室。
心中有一個疑問,點解Bella 同 Jolie會突然變左喪屍? 明明前幾日我都同佢地一齊,佢地冇比喪屍咬到架….唔通唔係被咬就會變喪屍,而係仲有其他傳染方式?
我心中不禁有個可怕既想法…. 我同Bella做左愛,咁我會唔會有事….
我抱住依個疑問,趕上唐SIR雯女。
即是咁
2020-06-11 22:46:55
就咁就將兩條女變咗喪屍啦?
今朝JJ痕
2020-06-12 02:00:32
有文出!好感動!
今朝JJ痕
2020-06-12 02:00:56
屌,都仲未屌Jolie
無音響子
2020-06-12 18:03:08
《覆沒‧香港》 【六十六】
「喂,拎住。 記得用既時候要開保險制。 重點!!! 槍口唔好對住我同雯女。」唐Sir入左一個office拎左幾把槍出黎。
估唔到岩岩先比人用槍指住,轉過頭自己會拎轉支槍係手。 咁大個人第一次拎住槍…
我地行到出去大堂,發現好多喪屍係出面,岩岩係拘留室幾個人已經比喪屍咬梗。
我地唔可以從正門離開。
「退返去後面。」喪屍們正愉快開餐之中,我地當然唔好打攪到佢地。
「唐Sir我地得一條路可以通到落地面…」雯女面色一沉。
「我地係廁所窗口爬落去啦。」唐SIR比較上係會變通既人。
沿路都冇喪屍,似乎喪屍仲未殺到黎依面。
「請問我兩朋友…. 你肯定佢地變左喪屍?」我問雯女,因為我怕自己都會中招。
「我冇親眼見到,不過係聽上面D伙記咁講,話係尋日兩條女突然變左喪屍,」雯女回頭望一望我:「你會唔會都變…」同時佢立即舉起槍。
唐SIR:「唔會啊… 係變佢一早變左啦。喂你叫咩名?」
「我叫羅大舟。」好彩唐SIR信我。
「好,大舟你去推開廁所門,我係後面backup你。
我屌… 原來搵我笨….
走到廁所門前,將耳貼近門聽入面會唔會有喪屍係入面叫。似乎安全,我輕輕推開門,透過廁所則面既鏡向內望:「安全!」
入到去廁所,我地lock左門之後拆左隻窗準備爬落去。
就係我地準備出去時,喪屍大軍已經殺到去地下,十幾個警察跑到出露天停車場,後面有幾隻喪屍將跑得慢既幾個差人撲倒地上。
「啊………幫我啊…」 當然其他走出黎既人冇一個打算幫手。
警察最後被幾隻喪屍壓倒咬死。
「大舟,我地依度圍晒鐵欄,天台又有人看住。你係點入黎架?」雯女問我。
「我係停車場上黎,停車場有地下通道可以離開。」
「停車場……?唔,咁我地爬出去走去露天車場果面,有梯可以走到去地下停車場。」
我望一望,要沿住水渠爬出去再捉住窗框過去。 話遠唔遠,大約30米左右遠。 我相信我可以去到。
e到奥巴馬
2020-06-13 00:49:31
Push
即是咁
2020-06-13 07:35:15
會唔會撞得返阿ben同文仔
今朝JJ痕
2020-06-13 08:29:21
pish
雙餸飯
2020-06-13 11:58:48
無音響子
2020-06-15 15:23:06
《覆沒‧香港》 【六十七】
唐SIR一馬當先爬出去,佢身手非常靈活,轉眼間已經從廁所去水渠爬到1/F窗邊。
雯女:「到你啦,我最後出。」
我知道我要帶佢地出去,佢地唔會放棄我,起碼依一刻唔會。 我小心翼翼地爬出去,身處4層樓高既我從水渠往下爬,水渠可以比我雙腳作支撐點既位置唔多。
爬到落3樓時一個踏空,我失去重心。「嘩…..」雙腳失去支撐位,我只好雙手苦苦捉緊水渠。
「嗚..呀…」下面一群喪屍聽到四處張望,似乎冇留意到我正正係佢地上方。
「唔好向下望,捉實水渠。」唐SIR係1樓窗邊細聲講。
「好….」有驚無險地我爬到去1樓,我地沿窗邊既小小空位往前行,仲有20米左右就去到可通向停車埸既樓梯位。
雯女都好快地爬到黎1樓,我地三個人一步一步側身慢慢行,仲有10米左右就去到。係地面既喪屍專注咬食剛才既人。
「呼…..」我輕輕呼一口氣,似乎好順利。
突然我同雯女之間既窗被打開:「大舟…」
係Bella!!! 「Bella!,你冇事?」
「喂…屌…你咁大聲做咩事…..」
地面既喪屍被我同Bella既聲音吸引,立即台頭望實我地張牙舞爪。
「我地入去先啦,係依度走唔到去停車場。」雯女灰晒咁講。
------------------
「Bella你冇事嗎? 我以為你已經….」我冇諗到Bella原本一D事都冇。
「我冇事,冇受傷…… 你有冇事啊? 有冇比喪屍咬到?」Bella同我攬實對方。
「咳….」唐SIR同雯女同時發出咳嗽聲。
「啊… 佢係Bella! Bella你係唐SIR另一位雯女。唐SIR都同我一樣比人困左係拘留室,雯女岩岩襯亂放我地出黎。
「…. 啊…」Bella望一望唐SIR雯女:「你地係差人?」
「係啊。」雯女爽快地答。
Bella好似唔太鐘意唐SIR同雯女一樣。
「點解得你一個Jolie呢?」依個時候我先發現唔見Jolie。
「…我同Jolie都被人困左係房入面,但岩岩Jolie突然變左喪屍,之後將房內幾個阿SIR咬傷。 我襯亂走左出黎,我聽到出面好多人慘叫同有槍聲……..」Bella越講越心慌。
我攬住Bella安撫佢「唔洗怕,有我係度。」
明顯地,Jolie突然變成喪屍將差人咬傷,喪屍病毒慢慢傳染開去,變成依家既環境。
晏晝起身瞓晏覺
2020-06-15 20:25:17
有追緊呀,鄰家少婦一出就追緊啦,加油,加速
oO醉愛乂左膠Oo
2020-06-15 22:46:38
又會突然變既
即是咁
2020-06-16 07:16:29
仲有Bella喺度就有得甜啦 只係未屌過Jolie有啲可惜
無音響子
2020-06-16 17:43:30
會解釋!
無音響子
2020-06-16 17:44:15
今日好忙,又要兩邊出文,所以今日依度出唔到。
無音響子
2020-06-17 17:48:12
《覆沒‧香港》 【六十八】
「我地先係度等一下,依一層好多喪屍。」雯女同唐SIR查看房外情況後。
「我想了解一係依家情況,你叫Bella?」唐SIR問:「你講果個Jolie點解會突然變左喪屍?」
「其實我都唔知咩事….我同佢依幾日一齊都冇見到佢比喪屍咬到或受傷。」Bella回憶依幾日既過情。
「我都係同佢地依幾日一齊,我留意唔到佢手腳有任何傷口。我親眼見到,如果冇比喪屍食左,比喪屍咬既人大約會係幾分鐘變喪屍‧唔…過不過佢好似前日開始發燒,Bella佢係唔係一直發燒燒到剛剛為止?」我細想一下幾日既情況後問。
「係啊,佢尋晚燒到好勁,一直係度訓。 訓到今朝…果班死黑警…」Bella止住望一望唐SIR雯女。
我留意到佢兩個面色一沉。
Bella亦立即改口:「有班差人入黎….佢地想搞我地…Jolie就係果時抽搐之後就變左喪屍咬班差人,我就立即逃走出黎跑到黎依度啦。。。。」
「咁你地依幾日有冇接觸過D人或者食左咩奇怪野啊? Jolie會唔會食毒品?」雯女問。
「佢唔食毒品架。」
依個時候我記起一個人:「Bella你記唔記得胡忠停車場果個男人? 佢又係好耐先變喪屍。」
「…係我記得。 佢好似比喪屍爪傷左,我地見佢冇變喪屍就以為佢冇染喪屍病。」Bella說。
「咁果個男人既係比爪傷後,最後都被感染到? 我可以咁假設吧?」唐SIR立即推敲出來:「咁你朋友Jolie同果個人有接觸所以都染左病?」
「…」Bella想了一下點頭同意。
「咁你又有冇同果個人有接觸啊?下!!?」雯女不客氣地問:「睇你同果個Jolie都唔似正常人啦…係唔係做PTGF啊你地?」
PPTGF!? 我聽到後覺得有點震驚。。。 我望住Bella
Bella低住頭冇比任何反應。
佢既反應已經表明一切。
「哼~睇你地個樣就知你地做雞啦。 點啊? 你有冇同佢做咩啊?」雯女舉槍指向Bella
「冇啊!! 我真係冇啊。 係Jolie有同佢打茄輪同口交出野,我真係冇…」
「冇? 你對我地黎講係一個危機! 唔殺唔得。」雯女似對Bella特別冇好感。
我立即企到槍口同Bella之間:「唔好開槍。。。。 佢一定冇事,如果有事一早發左燒好似Jolie咁變左喪屍啦!」
』哼~ 佢係你條女啊? 做咩咁保佢啊?」雯女看出我對Bella有意。
東京百貨
2020-06-18 02:55:52
G持響巴
無音響子
2020-06-18 14:52:37
《覆沒‧香港》 【六十九】
「雯女放低槍啦。」唐SIR制止衝動既雯女。「如果照Bella所講,只要係經體液傳染係會發燒發到不醒人事,我地冇可能唔發現。」
雯女不太服氣地將槍放下,我暗暗鬆一口氣。
「多謝你信我地。」雖然我都有手槍係手,但要反抗兩個差人真係冇可能,唯有扮下死狗。
為左轉變一下緊張氣氛我就問:「唐SIR請問一下點解你會同我一齊係拘留窒入面?」
「既然同你地算係坐同一船就同你地講啦。 我地一Team人一年前係查梗一單毒品交易案,係大單野黎。
本身已經可以話係人贓並獲,就只差拉人一步。 不過上頭突然阻止我地拉人。 你地有咩睇法?」唐SIR坐到辨公椅上問。
「你上司係無間道?」Bella搶答。
「合理推測~ 咁大舟你認為呢?」唐SIR咀角上揚偷笑一下。
「正常都係咁諗,似係你地高層收左黑社會錢要放生班毒犯。 但你咁問我,似乎事情唔簡單! 唔通D毒品係同上面有關?」我指既上面當然係指內地。
「你都幾叻下。 就係一年前,我上司制止左我地行動。 我就私下暗中調查毒犯同我上司。 雯女係我最信任既下屬,依一年我地發展原來不單上係上司出左問題,而係整個政府高層人員都有古怪。」
「整個政府?」我同Bella想唔到毒品會同政府高層人員有關係。
「其他我地搵到個批唔係毒品咁簡單,當中有大陰謀。」唐SIR講到依度停左。
「唔好吊人引啦。」Bella真係夠膽。
「之後既事係有關成個世界既大陰謀! 如果你地要知道,可能返唔到轉頭。」唐SIR詢問我同Bella係唔係要知道更多。
「反正出面咁多喪屍,我地都唔知有冇命出到去….」我望一望Bella。
Bella 點頭同意。
「我地查到政府係青山醫院度做梗一D野,但因為我同雯女入唔到去青山醫院,所以冇辨法知道當中有咩秘密。」
青山醫院!!! 估唔到真係同青山醫院有關係! 唔通依場喪屍危機同外國有關係? 但岩岩唐SIR講係同內地有關。
我先唔將我所想講出:「同政府有關我可以肯定,因為我地誤打誤撞入左禮賓府發現秘道通到黎警總依度。 我地入到禮賓府發現入面冇晒人,連一個工人都唔見。 照道理出面咁亂冇理由唔留係禮賓府內。」
「唔…照你咁講,某一D人真係好大機會早知道會出事而提早離開左。」唐SIR同意我既睇法:「起碼我地警方有好幾過高層都係出事果日唔見左人。」
「冇錯!」雯女依個時間插入:「我聽返黎,事發前一日一哥佢地下令要將你困去拘留室度,係因為佢地知道你暗中查佢地。 而到出事果日,佢地一班高層都冇返黎總部。 我都係因為當心你出事而想黎搵唐SIR你,點知入到黎冇耐出現就出現喪屍。」
「唔!! 」唐SIR細思一會:「咁成件事可能係我地高層一早知政府暗中進行梗某D計劃,而果件計劃好可能就係研究喪屍!!!」
「頂…. 我地成班高層自己就走佬,由得我地一班做細既係度自生自滅!!! 可惡!」雯女似乎依家依一刻先驚覺自己係高層眼中係一隻可有可冇既棄卒。
“冇錯,你地只係Condom黎架,用完即棄啦。 唔通知會出事仲會咁好人同你一齊走人咩? 又唔係同你有親!!!” 當然係我心諗,我講左出黎雯女都會唔聽我入耳,因為佢早已受警隊訓練所洗腦,只會識聽上司既聽令行事。 睇佢依家亂世中都仲咁聽唐SIR話就知道雯女中毒有幾深。
即是咁
2020-06-18 19:47:20
響巴寫得咁白 遲吓會唔會俾人用國安法拉你㗎
e到奥巴馬
2020-06-19 08:27:35
再推
無音響子
2020-06-19 16:24:28
頂.... 咁唔打落去啦
即是咁
2020-06-19 17:55:51
響巴唔好啦
無音響子
2020-06-19 18:06:38
《覆沒‧香港》 【七十】
一直留意住室外情況既我說:「我諗我地係時候走人啦。」
喪屍因為唔鐘意陽光,係中午時份都走到屋底下或樹蔭下避開陽光。
「好。 你地都準備好?」唐SIR確保我地都READY就一齊出發。
次序係雯女第一, 我第二之後到Bella唐SIR最後,我地照由窗爬出去,到最近梯口門既位置跳到地面再跑到梯口。
我地4人好安靜好小心一步一步沿窗邊步行,至近梯位時我地4人互望大家後就跳下去3米多既地面去。
「噠」「噠」兩聲落地聲,雯女同我都已經安全落到地面。
「….」 Bella冇跳落黎。 而唐SIR就正正係佢身邊:「快跳啊,喪屍見到佢地啦。」
同一時間係室內既數十隻喪屍已經望實我同雯女兩件肥肉,準備要來攻擊我地。
「Bella快D跳啊,唔係好高架冇事。快落黎。」
同時雯女已經跑到梯口將門拉開:「Clear! 」
「哇….」 Bella未有任何準備之下被唐SIR大力推下來,我早有準備的將Bella接住。
「快走。」我將Bella放到地上拖住佢走。
唐SIR亦隨即跳到地面向梯口。
Bella跑得比較慢,幾隻喪屍已追到來。
「嘭嘭」兩發子彈射中追來兩隻喪屍既頭,隨即倒在地上抽搐。
「雯女射頭!」唐SIR打倒兩隻從樹底跑來既喪屍後再發一槍「嘭」打中另一方向從警總跑出既喪屍。
「嘭嘭嘭」雯女槍法冇咁好,打左3槍先成功制止一隻。
但已經足夠我同Bella走入梯間,我同Bella入到樓梯立即跑到停車場,雯女同唐SIR且戰且退地從樓梯退到停車場。
槍聲吸引左大批喪屍從警總出黎,我走到數十米外地道入口時見到幾十隻喪屍從樓梯擁來停車場。 「唐SIR依邊。」
數量太多,唐SIR兩人已經放棄阻止喪屍。
「快D走啊。」兩人極速跑來,喪屍緊追其後。 眼見佢地兩人如果跑到入黎,喪屍都會緊隨其後殺入地道。
我同Bella如果立即走入地道,我可以選擇將門關上,我同Bella可以安全離開。
東京百貨
2020-06-20 00:35:38
幾時再有得同Bella獨處
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞