《覆沒‧香港》 - (少甜+喪屍)

《覆沒‧香港》 【序二】

<2019年3月29日>

到達葵青貨櫃碼頭控制站去等隻菲律賓黎既船泊岸! 我地故意避開去海關大樓，因為我地今次係暗中行事，同時我亦唔希望比海關搶功。

控制站中係員工唔太了解我地警察做野既流程，只要出示警察證件佢地就乖乖地比我地係控制站內逗留。

船隻泊岸後，我地目標既4隻貨櫃被送上貨櫃車後就送出。

「架貨櫃車睇黎唔係一般既司機黎，你睇下4架都係一式一樣既。」仲未好返既華仔用沙啞既聲音講。

「我跟係後面跟。」我要捉既唔係運貨既魚毛，而係背後既黑手。

我地一行5人緊緊的跟係4架貨車尾，由荔景轉上3號幹線向荃灣方向駛去。 阿城開車保持同最尾一架貨櫃車7-8架車位距離。

由於4架一式一樣既大貨車實在太顯眼，我地完全唔擔心會跟失。 就係駛至荃灣西站時，我收到張SIR電話!

「唐震中! 我咪叫左你唔好再查!!! 你仲係要出去跟! 你依家快D同我返黎差館!!!」 張SIR係電話中大聲責備我。

「我地已經跟到去佢上左岸，就快知道背後係咩人操控批貨啦。 阿SIR! 你信我啦。」

「我屌你。 你唔好要我難做啦。 立即返黎。 如果唔係我會炒晒你地5個人。THIS IS AN ORDER!!!」

「唐SIR… 我未見過張SIR咁惡，不如返去啦。」聲沙既華仔對我說。

「唉…收隊啦…」對於上司既要求，我確實唔可以反抗。「我地都係拉返D艇仔啦….」 我苦笑一下。

人生就係不停地被上層壓制，低層只要如奴隸般服從就足夠。

《覆沒‧香港》 【序三】

<2018年4月23日 9AM>

「太太，我係街市買梗餸，之後就會上你屋企啦，請問你今日想食咩?」我係電話中問岩岩生左BB未夠一個月既產婦今日想食咩。


我係一個專業既陪月員，已經係依個行頭做左幾年。 講到做陪月，最重要既並唔係要湊到個BB有幾肥肥白白。


反正BB仔頭幾個月身體都好好，基本上都唔會病，加上BB飲人奶身體會有抗體對抗病菌。 只要夠鐘就餵奶同換片就可以了。陪月最重要係湊好個產婦! 因為產婦先係我老闆!!!


個BB只係老闆一個好緊張既生命。 佢係唔會識講感受既，唔會同到自己阿媽講我依個陪月做得幾唔好湊得幾唔舒服!


做咗幾年，我已經好了解依一行要點做。 只要好好巴結話到事既真老闆，就可以好舒服咁做，之後仲好大機會可以有介紹去做第二個產婦既陪月。


我已經單接單連做左幾個BB，真係好辛苦! 不過人工係好吸引，可以搵成兩萬幾有多，對於我依種冇高學歷又年老既女人黎講真係好吸引! 再加上我同相熟既街市舖頭開大D單又可以打斧頭!


接生意方面，我一直都只會接有工人既家庭做，因為真係做少好多野，可以點個工人幫我切野同煲湯炒菜，自己就可以好好地同老闆溝通搞好關係!


同時我又會叫個產婦餵人奶，一來有益唔會係我工作果短餖一兩個月內病，同時我又冇咁困身要限時限刻要自己餵個BB!


客揀我同時我都揀梗客。 我揀最後一個重點係個客一定會係第一胎。 因為第一胎咩都唔識，我就可以好好調教到佢地跟我果套做。 D家長唔識野做會當我神咁拜!!! 就好似果個馬生咁講:「我話OK就OK啦！」 個客真係唔識分OK唔OK。


當然，4大長老仍然有好多野會講，會係背後同產婦講我做得唔岩。


依個就更容易解決! 只要我同太太講一句，我讀過陪月課程，係專業人士! 以前果套其實唔太正確，會對BB有D咩影響! 只要老闆聽到”專業””佢地果套唔正統”同”對BB有影響” 基本上老闆就會聽晒我果套。


如果老闆都係要聽4大長老話，我只要離間兩個家庭既長老，佢地自己2班人鬼打鬼我就可以平平安安咁做落去。 只要氹掂真正既老實就可以啦。


「哎呀…. 霞姨你快D上黎啦…BB係咁喊唔知做咩事啊…」太太打來求助了。


「得得得。 放心啦太太! 我好快就到，就快買完菜。」我坐係茶餐廳內嘆梗奶茶，餸其實係早一晚係自己屋企附近買定咗，仲要係揀咗靚果D餸自己尋晚食左，留左D冇咁靚既比佢食。


望一望手表已經9點半鐘，都差唔多要上去老闆屋企啦。 上去之前唔好唔記得去麵包舖買個麵包扮野，拎到上去老闆屋企就要扮好忙成朝都唔得閒食早餐，大約中午飯前扮晒野食先左麵包就岩。 一般我都會叫工人煮多一D，因為產婦要做新鮮野，飯菜唔會留下一餐，咁老闆自然就會叫我唔好浪費一齊食。


一份工又食又拎唔太洗做仲想點??? 只要好好地氹老闆等佢有錯覺以為自己好掂好專業就OK!


「多謝$13啊。」 一個菠蘿包要13蚊，真係貴。


我同包店員工講:「信用卡比啊唔該。」信用卡可以賺積分，梗係用信用卡比啦。


袋返張卡同銀包仲有個麵包入去手袋度，邊行邊放仲要拎住幾大袋餸，真係幾煩下。


突然一個黑影將我撞倒地上:「哇…. 撞死人咩… 痛死我。」 我回頭一望，係一個身形同四肢扭曲面色蒼白眼神空洞既後生仔將我撞到。


個死人頭撞到我仲要唔道歉:「你個衰仔，撞到我好痛啊…」


佢仲係唔理跌倒地上既我，仍舊係前面扭動身體發出低嗚:「嗚…哇….」


「阿婆…你…你冇事下….」店員見我被撞，立即跑出黎扶起我。


我巴不得比個死仔包撞倒:「你個死仔，有冇家教架下，撞到人仲要唔道歉。」


個男人望住指罵梗佢既我:「…嗚….」


突然一下噬咬，咬住我左手，立即流出鮮血來。


「哇…..」我同店員同時大叫，一齊將個咬人既痴線佬推倒。


痴線佬倒地後四肢仍然扭曲著，係地上想爬起身。 臉上滿佈我既鮮血，咬牙切齒的開合血盤大口想再咬向我。


「哇…」 我隨手一推將女店員推向個痴線佬頭也不回的立即走人。後面傳來店只既慘叫聲:「呀…..」


慌亂之下我一宜走向老闆既屋苑內。 我望一望自己隻手，只係輕微的有個牙齒咬既傷口，可能係流到血管所以流左好多血但傷口唔深應該唔影響我工作! 同時我又諗到，反正人都到左老闆屋苑，係唔係到要上去露一露面吧，佢見到我咁都唔會要我點做野。


如果我好彩，分分鐘可以叫我回屋企休息，佢應該唔會扣我一日人工吧?


不經不覺我已經去到老闆棟樓，管理員認得我自動開左門比我入去。 可能係耐冇做運動，岩岩比個痴線佬嚇一嚇又咬左一下加上跑得好急，個頭有少少痛手腳有少少疲倦乏力。


「一則特別新聞報導，係香港多處地方突然發生咬人時件。警方呼籲市民盡量避免逗留係街道及公眾地方。 留係屋企或者係安全既地方。 如果已經出左門返工既人士請留係公司內唔好外出。 留意警方進一步既消息。」 大廈大堂既電視播出一段新聞。

《覆沒‧香港》 【二】

〈2019年4月23日 1:30PM〉

「…冇啊。 邊度有比人咬，你講咩啊!!」外賣仔帶點吞吐的回答素食男。


「我見到你背脊好似有少少怪，雖然你著左黑色衫見唔到血跡，不過我見到你好刻意隱藏自己背部。 講! 係唔係比人咬左。」 素食男雙手持木棒慢慢走近外賣仔。


「…. 冇… 都話冇咬….」外賣仔表現得比剛才更心慌:「你…你地想點啊… 唔係想殺死我下話…」


「唔係下話。屌啊，佢會唔會變成喪屍架… 屌我地同人留左係公司咁耐，會唔會由空氣傳染架…」奶茶男知道外賣仔擔心自己會變喪屍。


「點啊… 係唔係要殺左佢… 一陣佢咬我地，我地都可能會變喪屍啊…」 咖啡飯男提起另一塊木棒到手，跟上素食男並站於其左方。


外賣仔見佢地3人相討要點處理自己，大為緊張的彈起身並雙手拎起本身坐住嘅辦公室椅揮動:「喂…屌你，你地想點啊!? 唔好亂黎，我都話我冇被咬，有咬我都變喪屍啦… 你地都見到下面條女遲過我被咬都係岩岩先變喪屍….」


「仆街!」3人齊到後大為緊張!


奶茶男係裝修物料中拎起一個拆牆用既長柄錘:「你地壓佢落地下，等我一野打爆佢個頭。」奶茶男將沉甸甸嘅長柄錘錘身擱於右膊上。


「…喂…喂…你咪亂黎啊….」外賣仔見到奶茶男拎起大錘立即起勢揮舞手上有一定重量既辦公室座椅。


「等等… 大家都冷靜少少先…」素食男係劍拔弩張之下說:「我地唔係要殺你。」


「屌你啦。 你班仆街拎晒架生仲話冇野，你呃我讀得書少啊?」外賣仔越講越激動。


「你冷靜先… 我都留意到你無變到，可唔可以大家都冷靜一下先。」素食男為表誠意先將手上木棒放到旁邊一張木工枱上:「你地都先放低武器。」


另外2人見素食男先放下，都跟隨將手上木棒及長柄錘放下。


「你地唔好過黎啊…」雖然形勢有點緩和，但外賣仔沒有半分鬆懈下來。


「冷靜D!」素食男攤開兩手慢步上前:「你好似唔係被咬到，我留意到你件衫上破爛既位置唔似被咬爛。」


從外賣仔揮動座椅時素食男見到其衣服上嘅破口位似被人撕破，估計係被懷疑係喪屍既怪物所傷。


「…」外賣仔思考了一下:「係! 好似係。 我岩岩上黎時就係有個女仔好似用手爪我背8… 我回頭一望見有個女仔個口開到好大想撲過黎咬我。 好彩我反應快閃開左，個女仔就跌咗係地下，我冇理佢就上黎啦! 怕比大廈D保安話我推跌個女仔，阻住我開工。遲返去會比老細扣人工架…屌… 講起老細我走得未? 」


外賣仔慢慢走去公司大門想試探一下有冇電到可以打開度門。


「咔…」大門都係開唔到。


外賣仔心想，一來依3個人隨時可能會殺咗自己，心急希望可以盡快離開依間辦公室。 二來外賣仔希望可以盡快返公司同老闆報到，希望唔會比人扣人工。「唉呀…. 再唔返餐廳老闆就會扣我人工啦….」


「屌… 你條友係咪返工返傻咗? 出面咁亂，梗係命仔要梗。 你老闆隨時變咗喪屍啦~ 仲話要返去，你係唔係痴架?」奶茶男恥笑著外賣仔。


「啪啪….嗚…..嗚…..哇….」突然公司大門外升降機大堂傳來嘈雜嘅聲音:「嘩……..唔好啊…」


4人望向大門外，由於大廈停電關係，升降機大堂外漆黑一片佢地都睇唔到外面發生梗咩事。 只係不停傳來人們慘叫聲求救嘅聲音。


「哇… 啊….救命啊唔好哎我…」 「嗚….嗚….」


「呠…」一攤鮮血灑到公司大門上。


「哇…」 企最近門口嘅外賣仔被嚇得大叫起來。


「屌… 你咪燃…出聲…」奶茶男壓低聲線責備外賣仔，希望制止佢吸引外面喪屍既注意!


可惜已經太遲…


「嗚…」 一張面貌猙獰雙眼空洞嘅面緊貼著公司玻璃大門。 門外喪屍望實近在眼前嘅外賣仔發出有如野獸見到獵物般的鳴叫:「呀…嗚….」


「哇…」外賣仔被一門之隔面貌可怕嘅喪屍嚇得跌在地上:「啊……呀….」


倒在地上既外賣仔除了叫喊外在只有在叫喊，佢已經被嚇到失去冷靜同逃跑嘅能力。


外賣仔嘅叫聲除了喚醒咗狂辦公室中央的素食男、咖啡飯男及粗口奶茶男外，更加吸引咗在大堂外嘅喪屍。


玻璃門外一隻又一隻扭曲了的人形身影慢慢增加，一幅幅怪異嘅面孔貼近玻璃門在往辦公室內看。


「啊…..哇….」外賣仔終於回過神來爬起身打算離開大門。


看到獵物打算逃走，玻璃門外嘅喪屍們開始變得更瘋狂的拍打及撞擊玻璃門。


「劈哩趴啦」玻璃大門係喪屍撞擊之下出發碎裂紋…

《覆沒‧香港》 【三】

〈2019年4月23日 1:50PM〉


「劈哩趴啦」玻璃大門係喪屍撞擊之下慢慢的碎裂。


「喂，快D黎幫手!!!」素食男同外賣仔講。


外賣仔終於回過神來，走到素食男及奶茶男旁幫手將裝修用木鋸床搬到玻璃門前，打直放置於門口將大半度玻璃門覆蓋上。


「趴啦」剛放置好木鋸床同時就響起玻璃碎裂跌在地上嘅聲音，鋸床被門外喪屍拍打推撞而準備外內倒下。


奶茶男反應奇快的用全身力量加上自身重量頂住木鋸床；「我地頂唔到好燃耐架…點燃算好啊!!!?」


一隻一隻滿佈青筋而蒼白嘅手從鋸床左右兩邊空隙伸入辦公室內亂爪一通，木鋸床後傳內重重的撞擊震動「砰磅砰磅…」喪屍低鳴聲比撞擊更是令人心寒:「嗚嗚…嗚…哇」。


奶茶男邊頂著木鋸床，想起了《閃靈》中經典的一幕，積尼高遜將妻子逼到旅館的浴室，並用斧頭劈開浴室的門:「喂….幫手啊…..」


素食男及外賣仔正將辦公室內幾張椅及桌搬到門口來，將空隙蓋上後一同用背脊頂著這個被喪屍包圍的門口。


「喂…. 屌你啊。 死仔阿BEN去咗邊? 奶茶男問。


「唔…知啊…」素食男剛才忙於搬運重物，沒有留意阿BEN去向。


「仆你個街…. 你地個朋友自己食左…..咁賤…」外賣仔邊頂住雜物邊咒罵離開嘅阿BEN。


「…唔會嘅…阿BEN唔會唔理我…哋!」素食男苦苦支撐著背後嘅沉重壓力。


「哈~ 你真係了解我~~ 快D跑過黎依面。」阿BEN正推著一架放滿裝修廢料嘅手推車從大門一則會議室旁嘅走廊向大門方向。「你哋數3聲一齊跑過黎走廊依面，走去後樓梯可以走到，班裝修工人貪方便去倒廢料所以打開咗度門，所以冇被自動鎖上，應該可以通到地下。」


「屌…嚇死人啦仆街…….」奶茶男知道仲有退路，差點哭出來。


素食男對著阿BEN微笑著。


外賣仔二話不說的立即動身跑到阿BEN處身嘅走廊，則身通過了被手推車阻塞的通道往後樓梯逃去。


冷不防外賣仔有此一著，素食男及奶茶男同感背後傳來的壓力大大加重。


「喂…屌…頂唔順啦，3聲即閃…」奶茶男對素食男說。


「阿BEN你ready未? 你OK就你數….」素食男問。


「OK!! 1…2…3…」BEN緊握手推車準備。


素食男及奶茶男同時衝向走廊。 由於位置上奶茶男比較近走廊加上體能上亦比較有優勢，素食男比奶茶男落後了兩個身位左右。


「哇…嗚…」失去支撐的雜物即時被推撞開，前排的喪屍被地上的地上的木材絆倒，同時後方的亦被絆倒，但一切無阻喪屍對獵物的欲望，如同山洪暴發般的湧入辦公室內。


估計數量有數十隻。 面貌及手腳扭曲，滿身鮮血的喪屍終於攻入了辦公室內。當中幾隻男性喪屍行動力比較快的，看到跑動中的素食男便緊緊的追來。


距離只有幾個身位，素食男頭也不回的一直走向十米距離外的走廊。 九米….八米…..五米…..


眼看喪屍那條扭曲而蒼白的手快要觸及之際，阿BEN大叫:「大舟~快D閃開!」


大舟往右退開一步，同時阿BEN已經大力一推將放滿重物的手推車推向走廊外追著大舟的喪屍群。


「啵…」手推車正中跑在最前的一隻喪屍上，喪屍應聲跌在地上，緊緊追上來的喪屍亦被撞倒。


大舟把握時機跑入走廊，阿BEN緊跟其後的跑向後樓梯。 手推車只能阻礙一下喪屍的推進，一下子已經有幾隻繞過手推車向阿BEN追來。


「快啊…快啊………」奶茶男正在後樓梯門口等著大舟及阿BEN。


大舟阿BEN跑出後門，奶茶男立即關上門，並將一條廢棄木材攝入後門兩度木門的門柄上。


「啪…」「嗄…..」才將後門關上，一隻喪屍已追到門前，隔著後樓梯木門的玻璃小窗張牙舞爪。


「走啦…文仔…..」 大舟跑到立即往下層走去。

《覆沒‧香港》 【四】

後樓梯有後備電源關係，仍然有燈亮起。


大舟跑到後樓梯後:「文仔，快D走啦。」大舟望向樓下層數:「條外賣仔係下面，樓梯應該安全。」


有外賣仔做先鋒，大舟認為後樓梯應該無喪屍存在。


文仔及阿BEN緊隨大舟之後跑下來，去到16樓時，上層傳來後樓梯大門被打開嘅聲音:「嗄….嗚….嗚…」喪屍嘅鳴叫聲於後樓梯迴盪。


「屌…佢哋殺到啦…」最後的文仔大叫。


阿BEN將一部份違規放係後樓梯既雜物推倒樓梯間，試圖阻擾喪屍追上。


「喂…. 外面係唔係有人啊….?」走到13樓時，大舟聽到後樓梯旁貨Lift傳內一把男人聲。


「係…」大舟上前查看，發現貨Lift門打開了半尺左右，一個大廈保安被困在內。「你知唔知發生咩事?」


「唉… 我都唔知啊。 係唔係停電啊? 我用lift同自己個對講機都搵唔到人，冇人應我機啊。 你可唔可以幫我出去搵我D同事幫下手?」保安似乎一無所知。 唯一可以肯定係大廈內既保安員唔係全部走晒就係變晒喪屍。


「喂…仲唔走，追到黎啦….」阿BEN已經走到大舟身後強行拉走大舟。


「嗚..哇….」幾隻喪屍從上層梯間轉角跌出來，後便再有數隻喪屍仆下來撞在地上:「啪…」


但跌倒並無阻礙喪屍，倒下來又爬起身再試圖追上獵物。


「喂屌…佢哋唔識落樓梯架…」文仔大見。


「係啦...係啦… 見到啦…嗄…嗄….. 走快D啦你，阻住我地啊…」阿BEN催促文仔唔好企定定係梯間睇戲。


「嘩….. 咩…咩事啊…..嘩…….」被困於貨Lift 中嘅保安吸引了喪屍們嘅注意。喪屍們將貨Lift們團團圍著。


大舟將食指輕放於咀巴，示意文仔阿BEN不要發出聲音。3人將腳步放輕，慢慢退去下層。


10樓… 8樓….6樓…. 快要去到胡忠大廈升降機大堂，上層仍舊傳來陣陣保安員及喪屍的叫聱。


「似乎安全啦….」阿BEN壓低聲音說。


可惜一波未平一波又起，樓下傳來外賣仔慘叫聲:「啊……」


3人從6樓向下層望去，幾隻喪屍將外賣仔壓在梯間瘋狂的噬咬:「嘩…..啊…..」 外賣仔出盡奶力希望可以逃出，可惜一切已經太遲，佢嘅叫聲吸引了更多的喪屍由2樓升降機大堂吸引來。看到血腥一幕，一片片人肉被喪屍咬下，3人呆若木雞的站於6樓梯口。


「死… 下面大堂好似好多喪屍!!」大舟先打破沉默。


「嗚…啪啪….」更可怕嘅係上層同時傳來喪屍向下層仆倒下來的聲音，似乎原本於13樓被保安員吸引的喪屍聽到外賣仔的慘叫而轉移目標往下進迫。


「死….」阿BEN面色一灰:「我地被夾中間上下夾擊…..」


「屌… 不如去停車場睇下。」文仔指向5樓停車場，胡忠大廈停車場位於3至5樓，車入口正於3人面前。 3人二話不說逃到5樓。


文仔把停車場門輕輕拉開，查看停車場外情況。 「安全!」


3人順利走到胡忠大廈5樓停車場。


「似乎冇喪屍係度。」阿BEN仍然壓下聲音，恐怕太大聲會引起附近喪屍既注意。


「我咃睇下停車場四周再決定下一步點走。」大舟說。


3人放輕腳步圍著停車場走，轉了半個圈後聽到轉角位後有聲音發出!!!

《覆沒‧香港》 【六】

大舟3人從斜坡走到位置胡忠大廈3樓停車埸最低一層查看環境。 胡忠大廈停車埸車輛出入口位置胡忠及合和之間，出入口連接皇后大道東及春園街。


皇后大道東之上堆積住唔少嘅車，正好擋在胡忠車場出口馬路上，阻隔了在皇后大道外嘅喪屍，另喪屍不能輕易的走上停車場內。


但皇后大遁上卻是另一個世界! 馬路上行人路上亦充滿著喪屁。 2點多本應充斥著剛食完飯趕回公司的人士，現在卻變得佈滿喪屍。


「屌啊…. 成街都係喪埸啊…. 我諗我哋要離開依度唔係咁燃容易…」文仔被街上幾十隻喪屍嚇一跳。


幾十隻喪屍徘徊於馬路上，在拍打汽車的車窗，車內的人在絕望地慘叫。 但慘叫卻吸引著喪屍更興奮地用頭或手撞擊。


「嘩…. 真係仆街啦。 」阿BEN左顧右盼的走到近地面位置發現40米有4隻喪屍企在胡忠大廈一邊行人路旁，4隻喪屍可以直接走來攻擊大舟3人，好彩嘅係4隻喪屍都面向路上一架車輛，它們被車上的人吸引著。3人立即蹲下身怕被4隻喪屍見到。


大舟從停車場出口斜坡指向合和中心:「我哋再行去合和睇下，合和同胡忠之間幾部車撞在一起，正好形成一道屏障阻礙到行人路上的4隻喪屍嘅視線及追來嘅去路。唔知胡忠果會唔會冇咁多喪屍?」


「你咁燃肯定D喪屍唔會繞過出口部車再追我哋? 如果合和度有喪屍，我哋隨時被夾攻。」文仔說。


「我同意文仔。 我諗合和入面都一家有喪屍，我覺得唔好入好少少。」阿Ben唔同意再行。


「我都知道合和好大機會有喪屍，但入而同時有間超市啊，依個時勢食物比其他野重要!! 」大舟希望去超市中拎食物。


「唔…. 咁我都明你諗法，就好似岩岩5樓個阿叔咁，用食物去引果兩個靚女…. 唉…話時話，會唔會真係好似果個C奶所講咁，兩條女為左野食就同果個阿叔…..」


「C奶有話咩? 好似係你咁諗兩個女仔會為咗食物出賣自己…」阿BEN沒好氣的說:「你D人思想真係污糟….」


「屌你啦仆街。 好，大舟我哋去拎野食啦。」文仔同意大舟說法一同入合和。


「好啦。 我哋要小心一D。」但阿BEN亦同意大舟所講:「雖然危險，但依一刻食物真係最重要! 我咃就係則門入去合和睇睇。


3人小心地向前走到泊在停車場出口斜路前的一架車作掩護。才走到司機位車門附近，走在最頭的大舟叫了出來:「哇…屌…」大舟叫了出來同時雙手掩住口。 可惜已引起30多米外4隻喪屍嘅注意。


「嗚….」同時係身邊響起了喪屍獨有嘅叫聲，來自3人作掩護嘅車上。 一隻男喪屍發現大舟3人行近車輛旁突然興奮地鳴叫及用頭撞向車窗。


「…」3人爬在地上，一來希望離開車上喪屍視線令4隻喪屍不再被聲音吸引到前來停車場斜坡來。另一邊3人爬在地上看那4隻喪屍動向。


「嗚…嗚….」除了車上喪屍久不久發出輕微的鳴叫外，就再冇其他動靜。


「Sorry….」大舟被嚇到大叫，差點吸引到喪屍前來感到一陣內疚。


「冇事。 OK!! 佢咃4隻野冇走過黎，安全」阿BEN觀察4周後安慰大舟。


「屌…. 冇事就快D爬走，車上隻喪屍都唔知會唔會撞爆玻璃出黎。」文仔一馬當先半蹲身走到合和中心春園街的則門。


3人半蹲走到合和門口向內望「嗚嗚…嗚」內裹污黑一片，卻傳出眾多喪屍低鳴。


「喂…入面好似同胡忠一樣，大堂有唔少喪屍咁… 我咃點啊…入唔入?」阿Ben問大舟及文仔。

《覆沒‧香港》 【七】

「咔」 大舟打開合和側門，光線透入室內立即傳來喪屍們的嚎叫:「嗚哇..」


「仆街…」大舟立即將門合上，面色如死灰回頭對2人說:「入面好多喪屍…. 我見到HSBC入面有好多隻…. 佢地一見到光就望過黎… 可唔可以幫手頂一頂度門…」大舟用背頂住大門恐怕喪屍會因為剛才既舉動而跑出來攻擊。


「屌…. 真係唔燃好貪心….. 」文仔喃喃自語:「唔好走出黎啊…唔好啊….」


「喂! 你嚇傻咗啊，唔好出聲啦，一陣聽到你把聲D喪屍出黎咬9你啊。」阿BEN壓低聲音責備文仔。


3人用背脊頂住貼上貼紙的玻璃門良久，門上沒有傳來推壓，似乎喪屍剛才沒有發現3人。


「喂…. 有條樓梯上去，條梯應該上到M記果層，搏唔搏多次? 可能M記有野食。」文仔見情況穩定下來問大舟及阿BEN。


「唔… 我諗都係唔好啦，岩岩我見HSBC都好多喪屍，依個食飯時間，M記果層一定聚咗唔少人，加上連住升降機大堂，我諗情況一定比度門入面更差…」唯一見到門後情況嘅大舟堅拒入合和探索。


人於恐懼之下，那會再去進行冒險的決定?


阿BEN明白大舟的想法:「我哋不如先返去胡忠停車場再討論一下啦，唔知會唔會有喪屍係皇后大道東果便走過黎。」


3人身處嘅位置於合和中心春園街轉角位置，左手方正正係皇后大道東，外面傳來零星嘅喪屍叫聱。


「好。 有決定就行啦屌!」文仔偷偷望出向大道東情況，確保附近無喪屍望向自己方向後便蹲下跑回胡忠停車場斜坡上。 3人經過停泊於斜坡上的汽車時，汽車上的喪屍又在嚎叫，但3人沒有理會，急步走回停車場內去。


「嗄….屌…點算啊依家? 出面周街都係喪屍，D大廈似乎仲多，想去超市果D拎野食都唔得….仆街。」文仔坐在地上嘆氣。


「… 大舟你冇事嘛?」阿BEN一時間都做唔到決定。


「唉…合和真係有好多…我諗胡忠大堂都係好多。 食飯時間四圍都係人，我相信出面好多地方D人都已經被咬而感染變咗喪屍啦….」大舟再說:「不過我最擔心係…屋企人…」講起屋企，大舟就好激動…


「大舟…我明白!」阿BEN撘著大舟膊頭安撫大舟:「我哋一齊過海先啦，可能九龍果面冇事呢…」


「屌…咪係!! 我都陪你一齊過去啦。 反正我老豆老母去左旅行唔係香港! 我都唔係一時三刻可以聯絡到兩老。 阿BEN你又同大舟住同一屋苑，就一齊去九龍先啦。」文仔本身住西貢，但由於屋企冇人，所以都決定跟隨大舟阿BEN兩人一齊出發。


「不過我發現一D野想證實一下。」大舟走向停車場的後樓梯門，從玻璃向內望。


樓梯裹有後備燈光所以大舟仍可以睇清入面嘅情況，樓梯中有唔少喪屍嘅身影走來走去，大舟唔敢將頭伸得太出去望。


「唉… 條梯好多喪屍啊…，我諗可能係頭先追我哋果批喪屍走晒落黎。 數量唔少… 比街外仲密集。我有少少懷疑…街上嘅喪屍比室內少…」大舟說。


阿BEN同文仔亦偷偷透過後樓梯小窗口望入3樓梯間。 「哇…有成十幾廿隻…屌…，」


「我哋先上去同佢哋傾下先，我希望佢哋都會一齊走，叫有個照應都好。」阿BEN提出。


另外兩人亦認為有離開嘅必要! 3人一同回到4樓同5人商量。


但4樓中竟然空冇一人，反而5樓卻傳來陣陣嘈雜嘅聲音。


「喂… 你個死咸蟲… 快D將野食拎出黎平分啊。」 係肥女人嘅聲音。


「我屌你啦，野食係我買，係我架。 你哋唔可以食我嘅野。」中年男人回應。


「喂! 你同兩個賤女人分就得啊? 你有冇搞錯架咁自私…..」高貴女人加入，希望中年男人分發食物!


「阿媽… 你唔好咁講人啦… 咪開口埋口講其他人，人地女仔黎架….」比較冷靜同中立嘅年青人夾係3個師奶同中年男人之間。


兩個年青少女及中年男人嘅工人站在一旁。


「挑~ 小朋友你出世幾耐啊? 一睇就知道依兩個女人唔係好人3啦，你睇佢兩個人著到條裙幾短，個心口領又低打出個心口黎。 都唔知係唔係做雞架姐…… 你咪比佢兩隻雞引到你啊小朋友…」 細粒師奶把口最賤，不停說兩個少女係妓女。


「喂… 師奶，你把口唔好再賤D! 你痴架? 亂咁話人!!」 被人話係妓女，比較矮的一位少女反擊。


「唉….Jolie… 算啦… 唔好同人嘈….」 較高的一個少女拉著叫jolie的少女在勸交。


「屌你班仆街! 總之野食係我嘅，我鐘意比邊個就邊個係我自由!!! 你哋咪理。」中年男大聲怒罵3師奶。「你哋信唔信我打你啦!」


中年男舉高手打算一巴打下最細粒果個師奶面上。 中年男人唔係蠢人，不選擇打母子及肥婆而係打勢力最弱的一人。


「喂停手。」此時大舟文仔及阿BEN趕上阻止中年男人。


中年男力氣好大，先將大舟一腳撐開。


「啊….」大舟被中年男踢飛滾到地上。


「大舟…」阿BEN見大舟被踢到地上立即上前扶起大舟:「冇事嘛你……」


文仔冇理會其他，一心野眼前中年男人打低。 文仔避過中年男大動作右勾拳閃身走進男人肥腩前一記上勾拳正中男人下巴位置。


中年男中拳後，腦袋被拳勁震動搖晃著立即「啪」的一聲暈倒地上。


「多…謝……」一切發生卡幾秒之間，差點就被打了一巴的細粒師奶向文仔道謝。


「挑你~ 多咩閪啊! 你個賤咀女人都唔係好人，我唔應該幫你。 快D去同兩個女仔道歉!」 文仔可能出現私心，又可能非常討厭眼前嘅中年師奶，決定出口幫兩位美少女。


「你都痴痴地嘅，你理得我點啊? 我鐘意話咪話!我係要叫佢兩個做臭雞啊。吹啊?」 女人有時真係可以好討厭!!!


文仔大力握緊加拳，打算對女人出手2好好地對人展示多年習泰拳嘅成果。


』喂…文仔….由佢啦…. 算啦…」 Ben認為多一事不如少一事，立即上前制上，將文仔拉後。


「我屌你老尾…..」 被拉開嘅文仔不停爆粗。


「屌咩啊屌~ 我屌返你老母閪啊…屌屌屌! 咁叻屌你除褲我比你屌呀! 屌呀~~ 屌呀….」師奶
有耻冇孔的反擊。


「冷靜…冷靜….」大舟似乎冇受太大傷害，自己企起身輕拍身上灰塵。「你哋做咩事嘈起上黎啊?」


「啊… 依位太太話想食野…」年青人指住肥婆:「咁阿媽咪同另一位太太(賤咀女人)同我一齊上黎，打算問果位先生傾下可唔可以分少少野比我哋食。」


「哼~~ 個咸蟲只係比個兩個女仔食，哼! 男人都係賤人。」 富貴太太暗示大舟等3人都係偏幫兩個美少女。


「屌你! 你又想講咩啊?」文仔當然都聽得明白。


「喂…你唔好亂黎，咪想打我阿嫖啊!」 年青男子似乎好緊張自己阿媽。


「一人少句先…..」大舟行到眾人之間:「佢哋嘅食物係邊? 我地不如先分咗佢。」為左安撫大家，大舟決定用食物安撫大家。


「係得咁少…」Jolie拎起剛才打架時中年男人放到地上的袋。「得2支有汽水、薯片兩包。 岩岩我哋兩個分左個包同可樂… 冇其他啦。」


「仲有!」中年男人嘅工人係主人身上拎出車匙走到後樓梯旁一輛黑色SUV寶馬車尾「卡…」車尾打開，車廂上放了3大袋購物袋。


工人手快地拎咗兩袋上膊就立即走遠去。 肥婆身型雖笨重，但食物當前卻如像一架林寶堅尼般由原地到10米外嘅車尾只需2.5秒就到達，爆發力何奇驚人，一手將最後一袋環保袋奪去。


細粒師奶當然唔會放棄，追上肥師奶:「喂~ 阿肥~~ 分比我啊。」


「你咪過黎啊…! 我自己拎返黎架，你哋咪黎。」肥婆提起環保袋於停車場內四處亂走。 工人姐姐當然亦唔會好過，富泰師奶正死命的追著工人:「阿仔… 快D幫手一齊捉住個高人。」


年青人在猶疑著應唔應該上前幫自己媽媽手。


大舟3人和兩位美女位在一旁看著4人追逐。 任你於平常的地位如何教育水平如何，於亂世中已經不會再注意自己嘅行為人格變得有多有多麼醜惡…


「嗚…嗚….啊…嗚…」於眾人後方突然傳來一陣喪屍嘅叫聲。

《覆沒‧香港》 【八】

中年男人竟然將樓梯門打開，喪屍從梯口走入停車場內。


「屌你個閪，搶咗你嘅野食姐，洗唔洗玩咁大放D喪屍入黎啊!!!!?」文仔大叫怒罵中年男人。


「喂…屌…果個中年男人都變咗喪屍… 佢一放入黎比野咬到就立即變咗嘅……….唔通喪屍病對每個人都有唔同嘅感染速度…?」大舟想得發呆。


阿BEN立即拉走大舟:「走啦，仲企係度…」


眾人見大舟3人向斜坡走落4樓，發醒覺要逃走。 年青人立即拉住自己阿媽跑，Jolie反應亦唔慢，立即拉走朋友跟隨大舟3人跑去4樓。 細粒師奶亦放棄追逐肥婆轉身走去斜坡。


工人及肥婆因為走到轉角位置，未察覺到喪屍已經走入停車場內。


「喂…你哋仲事走啊….」肥婆才開口一問，一隻喪屍就出現於眼前向佢張牙舞爪。


「哇…. 唔好過黎。」肥婆大叫卻吸引了更多喪屍注意，轉角位再有幾隻喪屍跑出來撲向肥婆。


肥婆將手上放滿食物嘅環保袋打向張開血盤大口嘅喪屍「啪」喪屍面額被重重的擊中，可惜功效似乎不大，因為袋中嘅食物都係薯片、公仔麵等等輕飄飄。


「啊..唔好咬我啊…」肥婆打算轉身走，可惜身型關係，跑了數米已經被喪屍從後撲倒地上噬咬，肥婆只能發出悲鳴…


「啊…..help me….help….」手拎兩大袋環保袋既工人看著肥婆被喪屍咬碎血腥畫面令佢雙腳發軟跌在地上只懂哭泣。


喪屍可沒有一點可憐工人，十數隻從樓梯走出來的喪屍將工人圍堵，工人只有抬著頭望著喪屍迫近…「HELP ME…HELP………」


大舟三人及母子二人及美少女二人組合已經不理會後方發生嘅事情，工人既叫聲慢慢離去慢慢的變得細小，到最後消息去了。


「嗄…嗄….我哋要過海… 但成條春園街都好多喪屍… 嗄…我哋點走啊….我諗我哋冇可以全部人安全走到….嗄….」阿BEN邊走邊問大舟。


「屌…走得出去電車路果邊都唔知出面點架…… 」文仔走在大舟及阿BEN後面。


「嗄…. 嗄…. 電車…路果度…好多好多喪屍啊… 我哋岩岩就係果度過黎…. 嗄….」 跟在文仔之後嘅係兩位美少女中叫Jolie的說。


兩人3吋多的高跟鞋邊跑動邊和石屎地磨擦發出「咯咯咯」的聲音，本來高跟鞋發出嘅聲音係好動聽的，但此一刻卻變成了引領喪屍們的聲音。


帶頭私喪屍正是那個中年男人，後方有十多隻喪屍跟上來。 喪屍的速度不算太快，與正常人跑步的速度相差不遠，或者可以講係慢半拍的。


但兩位美女穿上高跟鞋不能走得太快，轉眼間已被母子過頭了。


文仔回頭除了看到兩女生跑動時胸口兩團肉在上下震盪嘅同時亦見到兩人與喪屍距離越拉越近:「喂… 你兩個除鞋跑啦屌….」


「下…唔得啊… 嗄…我哋咪冇鞋著…..嗄…. 赤腳跑隻腳會唔靚架…….嗄……」Jolie說。


「屌…你哋要靚家要命啊? 仆街!」 文仔沒好氣的回頭一手一個的將兩個美少女抱起放在膊頭上逃跑。


逃到3樓出口位置時，斜坡上停泊的車上嘅喪屍見到眾人出現又開始嗚叫。 「嗚…哇…..」 邊拍打玻璃邊嚎叫。


「哇….老公……嗚….」係緊張關頭富貴師奶竟然走到車旁大叫。


「阿媽…. 走啦…佢已經唔係老豆啦…走啊……… 再唔走我哋就會比喪屍咬….」


富貴師奶嘅喊聲加上眾人跑動及後方大群喪屍引起嘅聲音吸引到在皇后大道東上嘅喪屍們，眾人正被前後夾擊走投無路。


「死…大舟佢地走過黎啦…. 我哋點算….?」阿BEN問大舟。


「屌…阿師奶快D走啦….」文仔揹著兩人同時伸手幫年青人拉走佢阿媽。「屌…大舟點算啊喂…. 」


阿BEN企係胡忠大廈及合和中心之間拉住大舟手臂:「地鐵果面一定好多喪屍，出面食飯時間加上會展有展覽，我哋冇可能突破到出去灣仔碼頭或者紅隧過海架…」


「邊個話要去果面?」大舟背著皇后大道東身後已經有多隻喪屍試圖越過撞在路旁的汽車襲來。

《覆沒‧香港》 【九】

大舟高舉手指，指向胡忠大廈同合和中心之間一條長樓梯。


長達百多級的石屎樓梯，由春園街直達灣仔半山區 – 堅尼地道。


「快D跑上去!」大舟叫阿BEN先跑，同時幫文仔手雙手橫抱身材較高的一位美少女:「文仔，我幫你手。」


文仔右膊托著Jolie，左手拉著富泰師奶:「喂，你老公變咗喪屍啦… 佢唔係人黎架啦…. 快D走啦。」

富泰師奶一無所動，只係深情地望住車內對佢狂嚎叫的”老公”:「抵你死啊。 你咁鐘意玩女人，哼…哈哈哈… 睇你變左喪屍以後仲點玩女人! 哈…哈…..」


「阿媽….走啦… 佢已經唔係阿爸! 再唔走，後面嘅喪屍要追到我地啦，走啊….」年青人雙手拉著自己媽媽，試圖拉走佢。眼看停車場嘅喪屍已經走到車尾位置，皇后大道東上喪屍亦已突破了撞上的汽車正跑來要享用午餐。


「喂….你想點啊!?」文仔驚覺富富師奶大力甩開自己的左，跑向車門。


「卡嚓<\ 師奶將車門打開:「衰佬… 你話過要同我永遠係一齊架，當年結婚係我阿爸阿媽面前應承咗唔會唔理我架。 嗚…..」車門被師奶打開，車上喪屍立即衝出來咬向師奶….


「嗚…. 衰佬…….」師奶被”老公”咬著左手手臂，手臂傳來一陣痛，血液隨即噴出:「…衰佬…. 我都係神父係主面前答應咗… 無論有病定生活幾苦，我….我都唔會離你而去….嗚…..」


師奶不理會左手手臂的痛楚，身體前傾右手將”老公”抱緊:「老公…..」


「阿媽……..唔好啊…..媽…..」青年看著喪屍阿爸咬住自己阿媽，一度呆著，青年感到一陣絕望。 同一日之內，兩個親人前後離開了自己…


「阿仔…嗚…你要好好活下去……..嗚….」師奶口中流出鮮血。


同時從停車場追來嘅喪屍亦走到師奶身邊，團團把師奶圍著噬咬。


「唔好啊….嗚….阿媽………」青年看著喪屍將自己阿媽同”阿爸”覆蓋了，青年亦失去了意識當場暈倒下。


「屌…. 唔係下… 你暈…..」站在青年身邊的文仔眼明手快的一手拉著青年，馬步一沉將青年托到左膊上。


「哇….走啊….快D走….」 被文仔放到膊頭上的美女Jolie看到大道東的喪屍快要走到來，準備要咬自己。


「嗄啊….」文仔亦不是一個大意嘅人，一直有留意著喪屍同自己嘅距離，一將青年拉起上膊運氣開步就衝向樓梯。


文仔一直有練泰拳及做運動，有自信背後嘅數十隻喪屍唔可以追上自己! 可惜現在身上背著兩個人。


』喂….跑快D啊……佢哋追到黎啦….」Jolie在文仔膊頭上，正正面向從後追來嘅喪屍。


近十隻從皇后大道東追來嘅喪屍，臉露饑餓的追近，距離Jolie只有兩個身位。 「嘩…..」Jolie被嚇得花容失色的慘叫…


「啊… 我冇力啦……..」文仔經過多次追逐打鬥，開始露出疲態。


「唔通我要放開個地是但一個人先可以有命走到?」 文仔內心突然有依個想法…

《覆沒‧香港》 【十】

「仆街…」文仔回頭一看驚覺已經有幾隻喪屍迫近，喪屍蒼白怪異嘅手幾乎可以觸碰到自己。 只怪自己太英雄次氣，要將一個穿高跟鞋行動不便嘅女生擱上膊同時又要搬多個後生仔上來。


依一刻文仔好想放棄英雄主意，係依個世界上真係有需要有英雄咩? 就係有英雄，真係要自己做咩!? 做咗都未必會有人知道吧? 方方鐘一時拯英雄而賠上小命…


要放棄背在身上的人了，唔係放棄其中一個，而係放棄晒兩個。


私然好自私好仆街，但只係為自己生命要負責有問題嗎? 依一刻放下兩人自己絕對可以逃出生天。


「吼!」 喪屍嘅鳴叫近聽原來更可佈。


文仔心中閃過，2個人死好過3個人一齊死。


「對唔住啊…」文仔向Jolie說。


「啊…… 唔好停啊….跑啊….」美少女Jolie似乎冇聽到文仔講對唔住，只感到文仔步速慢下來。


「唔好放棄啊!!! 文仔!! 走啊。」 大舟早已走到樓梯之上，向文仔身後嘅喪屍投出拳頭般大小嘅石塊。


大舟係最先一個走到山坡樓梯的人，大舟一直往上走到山坡上去水渠位置拾起了較大的石塊，打算作為攻擊喪屍的道具。


「係唔係要用依一D石打向喪屍呢? 佢地都係生命….」大舟心中沉思著。


大舟經歷過唔少事情，心中對佛教嘅信仰堅持異常的重。那管面對嘅係野獸還是殺人犯，大舟都唔希望傷害別的生命。 因為大舟唔希望自己雙手會染血，心態上佢已經接受唔到自己會再殺任何一個生命。


「哇…」美少女Jolie的叫聲驚動了沉思的大舟。


「你可唔可以救Jolie啊….? 佢係我好朋友黎….我唔可以冇咗佢…」另一美少女就在大舟低幾級樓梯次下，向大舟求救希望大舟可以幫佢朋友。


「…」朋友…冇錯，文仔都係自己朋友! 大舟想起自己嘅朋友! 其中一個生命中最重要嘅人。


「唔好放棄啊!!! 文仔!! 走啊。」大舟快速跑回去同時向喪屍投擲石塊。


文仔聽到大舟的叫聲，回過神來努力支持身體及兩人體重向前出盡奶力的跑去。 只差幾步就到樓梯! 只要走上樓梯喪屍就會慢下來，因為剛才從停車場後樓梯已得知喪屍並不良於上落樓梯。


四聲「嗦嗉嗉嗉」聲，三大塊石頭先後高速從文仔身旁飛過，文仔意識到係大舟向喪屍投擲的石頭。


四下石塊破空嘅聲音，卻只看到三塊石飛過!? 當文仔感到古怪的同時「啪」的一聲，傳來一下石塊命中了目標的聲音。


但聲音並不是來自後方，而係來自身上…


「唔…」的一聲。

《覆沒‧香港》 【十一】

「唔….」的一聲，一塊石從文仔左上方跌下。


「我…屌…你差D打中我….」文仔意識到大舟又再次用飛行道具但落空了。 (點解用又，請參考小弟另一個故。)


「…」大舟無言以對。


「仆街啦。」 就在文仔3人快要被咬時阿BEN從旁及時將身上嘅西裝褸抛到最接近文仔一隻喪屍面上。


喪屍在高速追逐之下視線被阻，用手去拉扯臉上的衣服同時失去平行，跌在地上。


「嗚…哇…」第一隻喪屍倒在地上，從後追來的喪屍一時走避不及一個接一個的倒在地上。


「快D比個男仔我，我抱佢上去。」阿BEN見喪屍倒地後立即上前幫文仔手，接過年青人。


壓力大減的文仔，右膊托著Jolie同阿BEN一齊向山走去。


「好… 我諗我地安全啦…..嗄….」大舟拖住Jolie的美女朋友走在最前，回看在樓梯底層。


喪屍們似不懂上樓梯般，一隻一隻手腳並用的往上爬，但已經冇可能追到佢地。


「屌你…死人羅大舟你條PK! 差少少打到我。」文仔將Jolie放下。


「哈…嚴格上佢係打中左人，不過係打中左依個年青人…嗄….」年青人仍在阿BEN膊頭上。


「大舟真係好燃屎….」文仔邊行邊投訴。


「啊 咁耐都未介紹自己! 我叫羅大舟，依兩個係我朋友，阿BEN同文仔。」大舟為轉移話提，向身邊嘅美少女作自己介紹。


「你好… 我叫做Bella….」身材較高的一位女生叫Bella。「佢係我好朋友 Jolie」


「你地好。」Jolie主動向大舟3人打招呼:「多謝你地3個啊，如果唔係我地兩個可能就比D喪屍食咗…」


「唔好客氣!」大舟禮貌地回應:「你地有咩打算? 」


「我地? 冇啊，冇咩打算。」Jolie加入對話中。


「你地住邊架? 要唔要搵返家人?」大舟問。


「我一個人住美孚，冇家人…」 Jolie冇家人? 大舟覺得有點古怪，不過亦冇追問。


「我住沙田，都想返去。 不過依家周圍都係喪屍，點過海?」Bella似乎亦唔太介意返唔返到屋企見家人。


「哦… 但你家人呢，佢地都唔係九龍果面做野?」大舟邊行上山邊搵下野講，了解下大家。


Bella平淡地回應:「係啊。」


「咁你地3個呢? 要去邊?」Jolie問。


「我地要過海。」唔知幾時開始，阿BEN將青年交左比文仔抱「大舟，我地上左堅尼地道之後點? 離九龍仲遠左。」


「係啊，但灣仔會展果面有展覽會，一家好多人係果面，我地直接走去灣仔碼頭果面都可能會見到好多喪屍。」大舟答。


「係啊係啊，我地兩個岩岩就係會展果附近，我地見到會展果面一片混亂，沿路跑返黎合和依面發現有唔少喪屍四圍咬人，去到電車路時見到銅鑼灣方向都有唔少喪屍係街上。」Jolie插入我地對話之中。 Jolie係一個比較多野講既人。


Bella則連連點頭表示同意。


「哦!? 咁你地都好好野，可以安全跑到黎合和依面。」阿BEN走在Jolie旁。


大舟知道阿BEN唔太信任兩個女仔。


「係啊，我地四圍避，走下停下咁去到合和。」Jolie冇看出阿BEN對佢地嘅不信任。


「小心。」 文仔行到最前方，已經到達堅尼地道將青年放在樓梯級上，自己則小心翼翼地探頭觀察堅尼地道四周環境。

《覆沒‧香港》 【十二】

「好似安全!」文仔環顧四周後向樓梯下方傳話。


堅尼地道係一條位置灣仔半山嘅山路，灣仔的低密度的高尚住宅區。 人流少，平日都只有汽車往來。


「都估到依度係安全嘅，不過我地都要小心。」大舟走到堅尼地道的車道上看著:「依道應該唔會有喪屍，我地可以安全地行去中環果邊，之後再搵路去西隧口果面。」


「吊你~ 又有道理，堅尼地道真係少人行，應該冇喪屍。 不過去到中環我地都係死，中環都好多人，喪屍咪又係勁燃多!?」文仔遲疑了一下說出自己嘅睇法。


「唔…到時先算啦。 其實我想去一去某個地方! 」大舟細聲地說。


「去邊?」 企係大舟旁嘅阿BEN聽到。


「去一去睇下外國勢力!」大舟拋下一句。


「你意思係突然爆出喪屍係外國政府搞出黎?」阿BEN多年來相處，好了解大舟想法。


「屌，真係做戲咁做?」文仔拍打青年人:「喂醒下啦，唔好訓啦， 我地抱唔到你啦。」


「啊….好痛…」青年人慢慢清醒過來:「啊… 我個patpat好痛….」青年一手按著自己肛門位置輕轊按普。


大舟看在眼內不禁轉身避開同青年有眼神接觸:「岩岩逃走時撞到….」


眾人沒有將實情說出來。


「啊… 阿爸阿媽…」青年回過神來，記起自己父母在合和那邊:「阿爸….阿媽….」


「喂! 你咪落去啊….. 你父母已經….已經…. 唔認得你…」文仔忍著口不將青年的父母已經變成喪屍嘅實情說出口。


「嗚….哇…..阿媽….媽…阿爸…….. 嗚嗚…」年青人當然知道自己父母已不再認得自己，只有大哭著…用哭泣聲告別自己父母。


「佢地都希望你可以平安活下去…」大舟走過來輕拍青年的膊頭:「唔好灰心，可能仲有方法可以變返以前咁。」


「….? 你唔好當我傻仔…. 點會有可能變返以前… 我親眼見到…. 見到阿爸已經唔認得我… 我親眼見住佢咬阿媽啊!!! 佢點會…. 佢地仲點可能會變返正常人??? 你答我啊….」青年人說擺又再大哭起來…


「喂，屌你， 你咪咁大聲喊啦，下面仲有一大班喪屍，佢地聽到你喊好似好興奮咁…. 屌你一陣佢地上燃晒黎就大家一齊食啦….收聲。」 文仔霸氣的命令青年人收聲。


「…. 係….」青年人亦唔係唔明事理嘅人，看到樓梯下一團黑壓壓的喪屍正在不停向上爬來，立即雙手掩著咀。


「好啦，我地快D走啦。」大舟見青年已經回復平靜，立即提出要起行:「依家就快4點啦，我地再唔行可能要係山道露宿。」


大舟帶頭向中環方向走，阿BEN及文仔亦跟著走。


青年人回望合和呆著。


「行啦… 唔好再望啦….」Jolie一手拉著青年左手:「我叫Jolie 佢係我朋友Bella，你叫咩名啊?」


Bella微笑點頭。


「你地好。 我叫亨利! 22歲讀梗港大。」 青年回答。


「我同Bella都係26啊，大你小小! 好啦… 我地快D跟上去啦，人多一齊行動安全一D!!!」 Jolie拉著亨利追上大舟。


一行6人從堅尼地道往中環方向走去。

《覆沒‧香港》 【十三】

沿途6人在山道上執拾樹枝及石塊作為自衛之用。


一路上亦沒有任何喪屍出現，亦沒有汽車行駛，十分安靜。 眺望山下灣仔，平日LED廣告顯示屏沒有刺眼的光芒，商廈中亦渡有應有的辨公室光管燈光透出，香港變得死氣沉沉。


山道上轉來陣陣鳥類鳴叫，令緊張嘅氣氛和緩不少。


「喂….屌呀。」文仔追上行最前的大舟及阿BEN細聲說:「果兩條女睇真少少身材真係好正。大舟你睇Bella幾正，身型高眺對腳又長，對波又大幾動盪!!! 係你杯茶啊~」


大舟不禁望了一眼青春可人身材火辣嘅Bella ，穿上高跟鞋走起路來發出「咯咯咯」的聲音配合上那圓滑豐滿的胸部在上下跳動著，真的異常令人看得出神。


係依個環境之下，大舟亦不禁看得出神。


「…..」阿BEN看了一眼在10米外的兩女一男後說:「你地3個行快少少啦，一陣有咩事我地幫你地唔到啊。」 說擺白了文仔一眼。


「BEN少… 屌你! 你咪咁COOL啦，你睇下另一條女 Jolie! 佢都好索呀，雖然冇咁高但都叫中等高度，嘩你睇佢對波，比較上仲大過Bella唔知會唔會有E咁大! 屌…大舟我地公司應該要請多少少咁既女仔返工，你睇下Jolie件衫領口低到~ 條事業線走晒出黎。」


大舟又不禁偷看了一眼…「唉… 花花公子，都叫左你唔好咁咸啦… 你咁好易出事。」


「屌~ 我都聽你話唔會搞出人命，已經係風流不下流啦。」文仔輕佻地說。


「唉… 依家咩環境! 你仲掛住女人….」大舟沒好氣地說。


「屌! 咪係! 仆街文仔，依個時候仲咁咸濕! 你小心果兩條女，我直覺兩條女唔係咁簡單!!!」阿Ben板著臉告誡文仔。


「你地傾梗咩啊?」 Jolie追上大舟3人。


「傾梗你地兩個著對高跟鞋會唔會好辛苦啊行得。」文仔快速回答Jolie。


「你好細心啊! 我好痛啦行到…」Jolie嬌滴滴地向文仔說。


Jolie的嬌柔可以說帶著一種魔力，一種令男人著迷的魔力。配上美麗而青春嘅外表，相信有不少男人拜倒Jolie裙下。


「唔~ 不如我地試下去果D大廈度睇下，睇下有冇人啦，我已經好餓啦。」亨利同Bella都追上來，指著右前方幾層大廈。


「係啊… 我都想休息一下。」比較有點冷艷的Bella同意亨利的提議。


「唔… 入去大廈….」大舟看著不遠處的住宅:「唔係唔可以試，不過大家要有心理準備入面會有好多喪屍，岩岩我地係合和同胡忠發展喪屍似乎比較集中係室內! 」


「….」Bella 及Jolie聽完被嚇得臉色發青。


「但我地要諗一下，大多數喪屍都係集中係人多嘅地方。 我諗依度都叫係有錢佬地方，係住宅內嘅人口都比較少，而且依個時間好多人都係出左去返二，係入面嘅人應該唔會太多。」阿Ben講出自己嘅睇法。


「我好燃同意阿BEN講嘅野，而且我覺得大家應該要補充一下食物!!! 之後幾日我地可能冇晒野食，依家去人地屋企補充下啦，搏一搏上去。」文仔同意上樓。


「補充… 唔… 都好，我都想要補充一下。」亨利說補充時有點唔好意思。


「好… 去借少少野食啦，我地都想睇下會唔會有波鞋可以換。」Bella亦同意上樓。


「去啦，我地去借啦。」 Jolie亦唔反對。


「… 你班友，去偷就偷啦… 又借又補充咁…」大舟沒好氣的說。


「大舟… 如果你唔太同意我地去人地屋企偷野，我地就唔好去啦。」 Ben了解到大舟信佛，對於偷竊比較反感。


「唉….非常時期….. 依一刻我地做左壞事都唔可以話係一個變壞左既人….」大舟無奈地說。

《覆沒‧香港》 【十四】

6人行到堅尼地道聖方濟書院，打算搵方法入學校小食部借食物。 可惜冇功而還，學校因為復活節關係冇開門，大閘內一個校工提起掃把大聲怒罵:「你地想點啊? 做咩事係出面鬼鬼鼠鼠!!」


「我地想你比少少野食我地啊….」Jolie不等大舟3人開口已搶先向中年男校工答話。


「你地咪亂黎啊!學校停電，你地唔好襯亂黎搞事啊!!!」校工一副戒備模樣的。


「算啦…我地走人。唔好意思，打搞你..」大舟拉著Jolie走人。


「下… 做咩就咁走…. 」Jolie細聲講:「我地人多，最多搶佢D野，唔洗怕啊。」


大舟邊拉走Jolie邊說:「你冇見到佢身上有血跡咩? 仲有隻手收係背後，都唔知佢係唔係拎住武器係後面，加上我地又唔知學校入面仲會唔會有其他人，我地都係唔好硬搶。 前面有唔少住宅，我地偷入去人地單位啦，風險冇咁大。」


「哦….」Jolie恍然大悟的以一個仰幕表情對大舟說:「大舟你好叻啊…」


「呃…哈…」大舟有點唔好意思。


「哼… 行啦。 咪自己亂黎啊小姐。」阿BEN冷冷的拋下一句就向前面的住宅行去。


「啊… 好對唔住啊… 我唔會再亂黎架啦…BEN哥….」Jolie急步追上阿BEN係一個身位距離向阿BEN道歉。


「唉… 阿BEN你咪對Jolie咁惡啦…屌你，嚇死人啦….」文仔立即上前安慰Jolie:「Jolie唔好唔開心啦，阿BEN份人就係咁不解溫柔…. 你咪理佢。」


「文哥… 對唔住啊…我搞到BEN哥唔開心，我係唔係做錯D咩啊… 文哥你同我講啦….」Jolie見阿BEN冇理會自己，楚楚可憐地問文仔自己係唔係激嬲左阿BEN。


「唔… 唔洗理佢啦。 總之你跟係我後面啦，我會保護你地。」文仔以肯定的眼神對Jolie說。


「嘻… 有文哥同大舟哥保護我地就安心啦…Bella係唔係啊?」Jolie笑著說。


「係啊…真係麻煩晒你地啊….」Bella跟在大舟身邊對大舟微微一笑。


「…唔好客氣….」大舟赧以一個微笑。


亨利走在最後跟大隊行。


「喂… 依度好似唔係咁易入去。」阿BEN已經走到學校對面的皇朝閣四周觀察。


皇朝閣地面一層係大廈大堂，大堂的門由強化玻璃組合而成，阿BEN用手上的石塊扔向強化玻璃上，但玻璃沒有任何破裂。


「我諗依度樓底咁高，我地好難爬上1樓人地屋企度，不如再向前行啦。」大舟看著皇朝閣大堂樓高有近3米多的高度，如果要偷入1樓住宅單位需要人疊人再疊人先可以上到1樓單位!


「喂，我印象中前面有個油站啊。 唔燃好係度浪費時間。」文仔提出再向前走。「我記得有次揸車經過，好似前多幾十米有油站便利店。」


「係，我都有印象!我地快D走。」大舟同意後一行人急步再向前走。


大約5分鐘左右已經到達文仔所講嘅油站:「停…. 」


阿BEN突然叫停眾人，之後閃身走向路旁大樹偷望前方油站。 後方嘅5人立即跟著文仔躲藏於路旁樹下。


「咩事…係唔係有喪屍….」在最後的亨利輕聲問前面的Bella及大舟。


大舟縮一縮膊表示不清楚，之後慢步走前到阿BEN身邊:「咩事?」


「殊…」BEN食指放咀示意大舟安靜。


此時文仔叫Jolie及Bella停係較後的樹旁，自己亦上前查看:「WHAT……..」


文仔見到面前情況，驚訝地叫:「WTF….」

《覆沒‧香港》 【十五】

「啪!!!」 「啪!!!」



兩聲巨響劃破了寧靜的堅尼地道。


「啊~~~」巨響同時將大舟眾人嚇倒，兩美女Bella及Jolie更發出了驚叫聲。


大舟阿BEN及文仔立即將Bella Jolie及亨利拉下爬到地面上，大舟及文仔立即用手摭掩2女咀巴。


「邊個???」一聲雄厚嘅男人聲音從油站發出。「好行出黎啦下。」


「…」大舟6人如熱窩上的螞蟻，不敢發出任何聲音。


「嚓嚓…」一下一下腳步聲走近來，再傳來一下手槍上膛的聲明「咯嚓」


「嚓嚓.. 嚓…」腳步聲越來越近，眾人心情越係心驚。


「死啦…. 係唔係要死啦….」亨利依一刻諗住自己將會被殺:「阿爸阿媽，我地好快會一家團聚啦…」


「做咩事…. 岩岩係唔係槍聲?」Jolie雖然見唔到前面發生嘅事，但大概估到前面有人開槍:「我同Bella可以點避開依次危機?」


「發生咩事… 我好驚啊… 我係唔係發梗夢? 一定係… 明明尋晚都未有job接，今朝突然比Jolie叫黎灣仔就發生咁多事…一定係發夢，我幾時可以醒啊?」Bella心中仍未接受到自己現在身處嘅環境係現實。


「屌…女人真係煩膠! 叫咩啊…仆街!」阿BEN怒視兩女:「依家點算? 係唔係應該推兩條女出去比左個警察，之後同大舟地立即退返去後面? 定係應該同佢地搏? 」


「FUCK! 係唔係應該同佢搏? 但佢有槍… 我就算有泰拳底子都冇可能打到佢。 就算我可以快速打開佢手上把槍，但佢係一個警察，應該接受過嚴格嘅訓練，我冇可能打倒佢吧?」文仔一邊觀察地上手持手槍嘅影子，一邊盤算如何是好。


「仆街! 死黑警! 屌，差佬真係冇個好!!! 佢岩岩打死油站便利店嘅人。 一定係搶資源，拎晒D野食!! 仆街!!!」


眾人心中各有所想，但可以肯定嘅係對方正一步步走過來，準備將眾人除去。


「嚓嚓…」腳步聲已經來到10米前。


「衝出去!? 走?」「 推兩條女出去比D死差佬叫佢放我地走?」「留係度可能佢只係殺左前面3個人就會走呢?」 各人有各人內心不同諗法。

《覆沒‧香港》 【十六】

四周冇任何聲音。


冇任何動靜聲音比剛才有腳步聲更加可怕，唔知道對方諗梗咩，下一步行動係點都唔知道。


大舟6人連呼吸亦唔敢，4月天氣濕焗加上緊張氣氛眾人汗流浹背的爬在地上，等待對方下一步行動同時思考著自己應該點做好。


「雄仔! 唔好節外生枝啦，拎晒野食補給就走人啦!」 一把女聲係較遠嘅地方傳來:「一陣有喪屍就煩啦，快上車。」


「….」大舟從樹葉間偷看前方10米距離一個軍裝年青差佬右手仍然持著槍在看著自己嘅方法。


「…」


「轟隆隆」引擎聲發動。


「雄仔仲唔上車!!! 」女性大聲說。


』係… 師姊!」 雄仔仍保持戒備慢慢向後退下。


慢慢雄仔退上警車去。「嗖…」雄仔上車後警車立即開動離開了。


「…」大舟6人久久未有行動，生怕警察會返回油站。


「應該…安全…」先係大舟開口，與阿BEN及文仔藏身於前方小樹後的大舟看到警車已離開了一段時間，汽車行駛的聲文亦慢慢遠去消失。


「-呂… 係。 應該走左。」文仔同意大舟嘅猜測。


「發生咩事…. 岩岩係唔係槍聲….?」亨利問。


「….係…」大舟回頭說。


「下…真係架…? 岩岩嚇死我地啦…」Jolie加手輕拍自己豐滿的胸部說。


「頂… 你兩個係傻定低能架…? 明知有槍聲仲大叫，你地差D累死我地全部人啊。」阿BEN再次怪Jolie及Bella兩女。


「咩姐…咁人地比槍聲嚇親嘛….咁大個女都冇遇過有人開槍…」Jolie一副可憐的表情反駁阿BEN。


「… 我地都唔想架…. 對唔住啊…人地真係好驚嘛….」冷艷的Bella亦有軟弱少女的一面。


「係啦… 其實大家依家都冇事啦… 算啦…」大舟為兩女說項。


「哼…屌你臭Ben咪燃咁惡啦。 嚇死佢地兩個啦。」文仔上前輕輕拍打Jolie同Bella膊頭以示安慰。


「…多謝你地兩個幫我地，但… 我地知道係我地唔好，阿BEN哥…你唔好怪我地啦…」Jolie態度又再改變，一邊以感恩態度向大舟及文仔道謝，另一方面向怪罵自己嘅名BEN認錯。


「…」BEN一時間亦唔知仲可以講咩好:「下次唔好再大叫!!!」轉身就向住宅方向走去。


「好啦好1啦… Jolie Bella你地唔好太難過，我地行啦。」大舟安慰兩美女後亦急步追上阿BEN。


「喂…BEN 你唔好太緊張啦!!! 發生咁多事，大家都唔知點好，佢地女仔黎，遇到開槍梗係會驚!!!」大舟追上阿BEN細聲說。


「-哼… 我知道大家都係好擔心前路。 我只係感覺果兩個女仔好有心計好古惑姐，總之你同死文仔小心D!!」阿BEN回答大舟。

「我明… 唉! 依一刻我個心好擔心阿怡同個仔啊…. 果兩個女仔只係咁岩冇人睇住姐，我地搵個安全地方放底佢地啦。」


「哼~都算你有人性。 記得自己有老婆同個仔。」BEN邊說大舟仲有人勻，但另一邊卻想起自己想推Jolie同Bella出去，諗住個差人會因為有女而放過自己同大舟。 依一刻阿BEN感到自己非常矛盾!


到底人係唔係到左危急關頭就會自私起黎?


「啪勒」玻璃碎裂聲音。「好! 我地入去大廈大堂先。」文仔用石頭將油站旁萬茂臺地下大堂玻璃打碎，再慢慢除去仍然連在門框上嘅玻璃碎片後就進入大堂。


萬茂臺係一座50多年樓齡嘅單幢式大廈，一梯一伙共8層高。


「好，你地上去，我地就係大堂依度等你地。」大舟Jolie及Bella 三人係萬茂臺大廈地下大堂等候。


「唔好意思啊… 我同Bella都唔方便上樓梯…」「係啊… 文仔哥要辛苦你地冒險啦… 好對唔住….」 Bella同Jolie同時對文仔阿BEN及亨利道謝。


「唔好咁講啦，男士幫靚女係好應該嘅，你地係度都要小心D!! 大舟你條仆街好好地睇住佢地。」文仔準備上樓梯。


「你小心D啊…」阿BEN對大舟說。


「放心，我係大堂應該冇咩事。 你地上樓小心D!!!」大舟有點擔心上樓搜索嘅文仔阿BEN亨利三人。


「OK!!」阿BEN微微一笑回應大舟。


「啊.. 咁我上去啦，你地兩個著37同38號鞋嘛，我上去睇下有冇岩size嘅拎比你地換啦…」亨利企最後跟阿BEN尾上樓去。


』唔該晒你啊亨利!! 你好有心啊…搵到就拎比我地啦，搵唔到就算啦，我地著高蹭鞋都可以行到嘅…. 」Jolie又是一番客氣話。


被Jolie迷魂得一陣陣嘅亨利連連答覆:「一定搵到嘅，你地尺寸應該好易搵到。 放心啦，我會小心。一陣你地可以著平底鞋行啦。」


「你小心D啊。」Bella亦溫柔地向亨利作出鼓勵。


大舟六人分開兩隊人行動。


因為Jolie及Bella穿著高蹭鞋行動唔方便而留係大廈大堂等候，而大舟則留下陪伴2人。


而文仔阿BEN及亨利3人則上樓搜索有用物資及食物。

《覆沒‧香港》 【十七】


「好攰呀….」文仔、阿BEN及亨利上樓進行搜索後Jolie及Bella坐在樓梯上。


短短的連身裙，被Jolie及Bella坐下來而拉得更高，兩人露出了美白的大腿。四條白滑美腿什為吸引眼球。


加上4月天潮濕，Jolie Bella四處四動早已香汗淋漓的。 輕薄連身裙早已因香汗弄得濕潤了，本已薄身的衣服因濕汗而變得更為透視。 豐滿乳房在半透的衣服襯托得更及令人側目。


眼前並不單只係一對豐乳，而係有兩對! 四個大而幼滑的艾乳。 本已心如止水的大舟亦不禁偷偷的將目光停留於Jolie及Bella胸前。


兩美少女亦同時的察覺到大舟視線聚於自己胸前及白滑腿上。 兩女同時的用手輕輕拉高了闊大的衣領並將薄薄的冷外套拉扯，將半透的連身裙遮掩。


「呃…係啊… 被喪屍追要走真係好攰…」大舟知道自己的下流目光被見到了，胡亂的講野打算緩和一下氣氛。


「係啊…」Jolie拉高衣服後，將右腿撓到左腿上，露出一條白滑大腿回答大舟。「大舟哥你地三個係胡忠做野架?」


「噢…係啊…」大舟又唔小心的看了Jolie大腿一下:「我地自己搞生意，係胡忠開公司架。 岩岩租左office仲裝修梗。你地呢? 你地公司係邊?係做咩架?」


「我地…係電車路附近嘅商廈返工架。做金融。」Jolie想了一下回答。


「哦~ 金融? 咁我地都算行家。 我地炒股同炒樓，咩都做下。 你公司係做咩?」大舟難得搵到話題，就開展落去。


「我地做金。」 Jolie簡單的答。


「哦~~」大舟估計佢地係英皇返工賣倫敦金。 心中暗想:「姐係呃人啦…屌! 唔怪得又戴貴錶用名牌手袋。」


「啊… 點解無啦啦會有喪屍架….? 會唔會有人黎救我地走…?? 好恐怖啊。」Bella插入對話中:「大舟哥….點算?」


Jolie係一個好嬌滴滴，舉手投足都好吸引男人，係走可愛路線嘅女仔。 Bella表情神態比較COOL，但說話上黎聲線卻有一份嬌嗲，一副外冷內熱的感覺。


「唉… 我都唔太知咩事。 不過可以講嘅係D死差佬已經唔會幫我地… 岩岩油站發生嘅事你都知道啦。」大舟提及油站便利店嘅事。


「你地真係見到係差人開槍打死果個人?」Bella問。


「我同阿BEN仲有文仔都見到個軍裝死差佬開完槍之後走過黎我地果面。」大舟冇講因為Jolie 及 Bella叫聲被警察聽到一事:「D差佬為左野食，亂殺人啊。」


「都係… 差人都唔係好人，只係有牌爛仔! 依個時勢會搶野殺人一D都唔奇… 世界變成咁… 仲會有人理法律咩? 」 Jolie似乎好明白社會已經唔再係之前咁樣。


「下….全世界? 唔會吧…?」 Bella感到好怕:「咁我地咁去邊都係死路一條…… 又冇人會救我地….」


大舟嘆一口氣:「唉… 又唔一定嘅… 我諗可能好似沙士咁，唔知係邊傳左黎香港姐。 唔好太灰心，要勇敢生活落去啊。」大舟早已另有想法，只係無講出黎。


「…點解你可以咁淡定? 唉… 我都唔知道仲可以有咩目標生存落去….」Bella神情有點落幕。


「生存目標? 我有生存目標啊，我要過海返屋企搵家人。你都可以啊。 我地過左海就去返屋企搵家人。 你就用依個做目標啦!」大舟鼓勵Bella。


「家人… 哈… 我都唔知道點搵到佢地…..」Bella將漂亮的臉蛋埋到兩腿上哭泣。


「Bella…唔好咁啦… 你仲有我啊嘛。 我地要堅強啊。」 Jolie以一個姐姐的口吻安慰Bella，兩人關係似乎非常的密切。


大舟一時間亦冇話可說，呆呆的望著Bella因頭埋下而短裙被拉起而露出的裙下風光。 「白色Lace底褲…」大舟內心對自己說。


「WAIT!!! 我到底做咩事… 傻左… 我唔可以咁，念經念經….」大舟十分抗拒自己對Bella或Jolie生出淫意，但偏偏兩女仔卻異常的青春吸引。


「觀自在菩薩。行深般若波羅蜜多時。照見五蘊皆空。度一切苦厄。舍利子。色不異空。空不異色。色即是空。空即是色。受想行識。亦復如是…….」大舟走到管理處本應由看更坐著的座位上念起心經來，以斷絕無謂思想。

《覆沒‧香港》 【十八】


「咔….嗚…..嗚….啪啪」才離開1樓樓梯走到大堂，唯一單位內傳來了一陣疑似喪屍的低鳴。


「屌啊… 咁黑仔第一個單位就有喪屍!? 仆街!」文仔先開口。


「上面仲有幾層，總會有D單位冇喪屍或者人嘅，我地靜靜地去返樓梯再上啦。」阿BEN冇灰心推門上2樓。


從防煙門小玻璃窗看出去。 「!!!」一隻喪屍在2樓大堂外鳴叫遊走。


阿BEN立即縮下頭示意文仔亨利唔好發出聲音，文仔及亨利了解阿BEN意思，一同止步並藏身樓梯牆邊以免被喪屍看到。


「SHIT….」文仔輕嘆一聲:「度門係由大堂外樓梯推既，想封都封唔到! 」


「唉…點算….?」BENj都唔知點算好。


「… 唔知咁得唔得，我地將個垃圾桶平放係門後，個SIZE岩岩可以頂住個梯級同度門。 應該安全! 頂住度門之後我地再上去3樓啦。」亨利提出意見。


「…」緊張氣氛一度清靜下來。


「似乎可行… 搏一搏啦。」文仔望住阿BEN等候半蹲下頂住門嘅阿BEN回應。


阿BEN點頭示意，因為背後大堂就有隻喪屍係度，BEN唔敢出聲比反應。


文仔以極微細嘅動作將自己身邊嘅垃圾桶輕輕搬起再橫放地上，再慢慢滾向阿BEN腳前，BEN接過垃圾桶後將垃圾桶放於後樓梯門及梯級之間。 剛好將門頂實大門，從外推入樓梯應該只能推到4吋左右就會頂到垃圾桶。


「好…. 我地靜靜地再上一層。 但亨利可以返落去同大舟條廢柴講2樓大堂有隻喪屍嗎? 叫佢地唔好驚動到隻喪屁。」文仔吩咐亨利落去通報後回看2樓大堂情況後再對阿BEN:「我上去3樓睇下先，你等亨利。在我回來之前，不要做傻事。」


「我要答你” 你已經把傻事都做了。”??? 你先唔好做傻事，小心D!」 阿BEN回文仔。


等了幾分鐘笈，樓上樓下都冇動靜，反而係背後仍然傳來陣陣嚇人嘅喪屍鳴叫，滿叫一下都令阿BEN膽戰心驚。


「鳴….哇….」「窸窸窸…..鳴….」 喪屍聲音越走越近，像用鼻大力地嗉一樣。


「唔通係氣味?」阿BEN察覺到自己身上嘅汗味似乎吸引著喪屍，BEN立即走開離黎門口。


「BEN哥…」亨利係依個時間正好從下層上來。


「嗚….」門外喪屍叫了一聲，似乎察覺到樓梯有動靜。


亨利阿EBN被嚇得唔敢移動平分，怕有任何動靜會驚動喪屍。

《覆沒‧香港》 【十九】


「喂…」亨利從樓梯落黎，係地面層梯口遇到Jolie同Bella。


「咁快返黎嘅? 係唔係開到門可以入去人地屋企休息?」 Jolie 見到亨利返落高興地問。


「唔係啊，你地唔好咁大聲… 我地係2樓見到大堂有隻喪屍啊，我黎係叫你地唔好留係樓梯，如果唔好彩比隻喪屍走左係樓梯，起碼佢唔識拉開度門，你地都叫仲有度門頂住。」亨利解釋自己咁快落黎嘅原因。


「下… 我仲以為我地可以上去休息一下… 唉…. 咁我地係唔係要出返去地下大堂啊?」Bella問。


「係啊。 出返去啦。係外面可能安全少少。」亨利對有少少抱怨嘅Bella講。


「唔… 咁好啦… 你上返去都要小心啊……」Bella嘟起小咀說。


「啊… 好啊… 我會小心架… 你地兩個都係啊。 小心D!!!」亨利見到Bella的可愛樣，有點尷尬的回答。


「係啊… 你有咩時就立即返黎搵我地，唔好去搏啊知唔知啊….」Jolie亦同樣地向亨利表示關心。


「呃…. 放心啦… 我唔會有事嘅!!!」受到兩美女的刺激，亨利如差滿電的電話般半跳半跑的走上上層去。


「A… 記得呀… 我地隻腳呎寸….」Bella再提醒亨利。


「得，我記得架。」亨利從半層樓回望回應Bella同時唔覺意見到Bella同Jolie洶湧的波濤，對於一個大學生黎講實在太過刺激了，小亨利立即有了反應。


依個時候Jolie更以雙手手臂向內拖壓，令兩團肉濟壓得更加凶狠!「亨利~~ 你真係好細心~~~ 要加油噢~~~」 Jolie 竟然以台妹的口吻說著咁令人興奮鼓舞嘅對白，叫男人如何能不心動?


「亨利~~ 你冇咩事嘛….? 係唔係唔舒服? 如果係不過唔好上去啦，拎唔到鞋唔緊張~~ 我地可以著高躇鞋行架…..」Bella身體微微前傾，豐滿的雙乳如雪崩一般的傾瀉下來。


「啊…」 大哥眼睛食雪糕，小亨利立即用力向上一頂，頂向褲襠位置。大哥亨利立即感到一下痛楚:「冇事冇事… 放心，我立即上去搵…..」 亨利感到十分尷尬，因為Bella同Jolie好似見到自己老二醒覺了。


亨利化難一縷輕煙般向上閃去。


「嘻嘻….衰妹啊~ 引條0靚仔想點先?」 Jolie笑著對Bella說。


「呵? 你話我? 好似係你引人先啊~~~」Bella轉身走回Jolie身邊。


「唔~ Bella你係唔係想溝人先」Jolie問。


「挑~~ 你咪扮野啦，溝人? 係都係佢地溝我地啦~~~ 明明你就知我想點!!」


「呵~~~ 點會唔知? 我地要靠依4個男人保護，一定要有少少手段! 哈~ 話時話，你覺得4個男人邊個最得?」 Jolie問。


「唔…. 最得咪係出面果個。」


「大舟? 我都覺佢好似好特別!! 哈~~ 佢好似好cool好冷靜咁，個人都好似好正直。」 Jolie笑著說。


「係啊。 佢岩岩見到我地大腿望左眼就出去外面，都好正義咁。」 Bella同意Jolie所講。


「唔~ 男人都唔會有好人啦，哈…..你睇停車場果個男人就知。 」 Jolie提起停車場內手持食物既男人。


「唔… 係… 我明。 你小心D果個阿BEN，佢好似對我地好不滿。」 Bella提到阿BEN。


「哼。 果個人一係有病一係就係GAY佬，點會點惡對我地兩個靚女!?!?Jolie提起BEN有點火光。


「算啦，搞掂另外3個男人都保護到我地。」Bella說:「我地出返去先啦，一陣有喪屍落黎就死。」


Jolie說:「-係WOR~~~」拉門走出大堂外。


「…..」Bella跟在Jolie後出大堂。

《覆沒‧香港》 【二十】


BEN慢慢退到牆邊遠離後樓梯門，希望可以令氣味減輕。


但喪屍似乎冇放棄探索樓梯「嗉嗉嗉…」聲不斷從門的空隙傳來。「咯…咯…」喪屍推門令門和垃圾桶碰撞發出了聲音更令喪屍為之興奮。


「咯咯咯咯…」碰撞聲越來越快越來越重。


「啪…啪…」傳入阿BEN耳中係垃圾桶膠邊破裂嘅聲音，垃圾桶似乎頂唔住，就快要爛掉…


「….」BEN望住下層突出頭嘅亨利。


亨利似乎知道阿BEN嘅意思:「走……」


亨利同阿BEN立即向下跑。


「嗚…….」喪屍從小窗口見到阿BEN跑過，立即大叫並不停向後樓梯大門衝擊!


「啪啪啪…」垃圾桶不消一刻已被撞破，喪屍因太大力撞擊後門而整隻飛撞到樓梯去。


「哇………..跑快D啊。」BEN才跑到樓梯轉角位置見到喪屍經已突破大門嚇得大叫:「隻喪屍入左樓梯啊…..」


亨利荒不擇路的拉開了1樓門走入。


「喂…吊你ON 9仔做咩入1樓…梗係返地下…」阿BEN見住亨利走入去1樓，立即拉門叫亨利出返黎。


「係….」亨利入到1樓大堂先醒起自己走錯路，立即走出黎樓梯!


「哇…」阿BEN同亨利兩人撞個正著雙雙倒地。


亨利跌到1樓大堂內，阿BEN則跌回樓梯內頭部更撞到樓梯:「啊….」因頭部撞擊而大叫一聲後便失去知覺。


喪屍從2樓跌跌撞撞的滾下來，看到BEN倒地立即嚎叫一聲飛撲下來。


「阿BEN……」亨利從正在關上的後樓梯門看著阿BEN例下喪屍從轉角位置飛撲下來。


同時地下的大舟三人聽到阿BEN慘叫聲，三人大為震驚。

《覆沒‧香港》 【二十一】


「阿BEN….」大舟聲到撞擊聲及阿BEN大叫，立即跑去後樓梯想衝上去。


「喂…. 你唔好入去啊…. 有喪屍入上面叫啊….」Jolie拉著大舟阻止大舟開門上去。


「係啊… 好危險架… 你朋友大叫一聲…佢應該….」Bella趕緊上前幫忙阻止。


「點會啊…. 痴線佢地3個人點會有事………… 我要上去啊。」


「喂啊…唔好啊…」 Jolie出盡力拉實大舟。


「唔好上去啦!! 好危險架。」 Bella走到後樓梯門前捉緊大舟兩臂。「唔好上去….」


「唔得啊。 佢兩個係我兄弟黎架… 我唔可以比佢地有事，我要上去幫佢地。」


「如果佢地冇事自然會跑落黎，如果佢地唔好彩有事被咬，你上去又有咩用?」 Bella大聲的說。


「….」大舟冷靜下來一會:「唔得，我唔係親眼見到唔會放棄!!! 我唔可以失去兄弟!!!!」大舟發力將Jolie推開打算強行將Bella亦推倒走入後樓梯。


「哇..好痛啊…」Jolie被大舟蠻力一推跌在地上，腳踝扭傷了:「好痛…我隻腳…」


「…」大舟回望一眼在地上的Jolie:「對唔住…但我唔可以唔理佢地。」


「咁你就唔洗理我同Jolie? 你有冇過份D?」Bella說得澈動起來:「你上左去一陣死左點算? 我地兩個點算…..?」Bella兩眼通紅淚珠串串落下。


「…」大舟面對Bella的眼淚一時間心軟了:「對唔住….」大舟心裡明白眼前兩個女人只係識左唔夠幾個鐘，論關係點都唔及阿BEN同文仔兩個兄弟!


再加上自己從未來通過時光機來到現代後發生嘅事情，令到自己對阿BEN文仔嘅感情有著非比沉常嘅感受。兄弟長輩嘅雙重身份令大舟唔想失去兩人，但Bella所講亦不冇道理。


如果佢地冇事就會落黎，如果不幸被咬…自己上去亦無補於事…


「你唔係話仲要過海搵家人咩….? 咁你如果上左去有咩事點算? 仲點返去見家人啊?」 冷艷嘅Bella好少出聲，卻竟然可以如此冷靜的分析，令大舟另眼相看。


「….係…….. 我明…….」大舟轉身走向Jolie:「Jolie…對唔住…你隻腳點啊….?」


「好痛啊…衰人… 搞到我扭親…..」Jolie梨花帶雨的哭著向大舟抱怨!

《覆沒‧香港》 【二十二】


「啊… 好痛啊。 我行唔到啊。」Jolie對我說，因為我嘅衝動搞到Jolie扭傷腳。


「SORRY… 我幫你睇下。」 學過急救嘅我蹲下檢查Jolie足踝位置:「唔… 應該冇骨裂，只係扭傷。」


「唔… 但係好痛啊… 我諗我行唔到…」Jolie左腳屈曲為自己輕按足踝。


坐係地上穿短裙嘅Jolie將腳微微曲起，裙下春光完完全全的展露於我面前。 米白色的蕾絲底褲，一條白滑美腿，近看起來完全不被Bella的修長美腿比下去。


「咳咳….」Jolie乾咳幾聲。


【SHIT!... 被發現了。】我知道被Jolie留意到自己又偷睇了。


「啊…我扶你去坐係管員處度先啦…」我扮晒野。


「…好….」Jolie提起左手要我扶，同時Bella亦上前幫手扶Jolie右邊身。


「唔…痛啊。」Jolie起身試行，左腳一發力踏下就痛到大叫。


好衰唔衰，佢個身向左面嘅我壓來，我腹部先係被Jolie左手手肘重重一撞後心口再被一團軟軟的肉團壓來。


「嘩….」好耐冇試過被那種柔軟質感衝擊過，一時間我竟呻吟了一聲。「小心…」 我飛快的改了我的聲調叫Jolie小心。


「啊… 好痛啊….」Jolie講好痛…一邊呻吟一邊的說，令我有無限的遐想，在想像色色的畫面片段…


「最衰係你啊。 搞到佢受傷….」Bella責怪我嘅衝動:「Jolie行動不便，點算啊….」


「先比佢坐係管理員張凳先!」我認為講咩都冇用，索性比Jolie坐底先算。


「嗚…」 Jolie一坐下竟然又再喊起來…


「SORRY …. 對唔住啊Jolie….係唔係仲好痛….」我跪在佢腳旁，再輕輕按壓佢嘅足踝受傷處。 當然我將視線移開。


「少少啦…」Jolie抽搐地說。


「嗚….」突然轉來喪屍叫聲。


「哇…」Bella同Jolie又再大叫，叫聲震耳欲聾!


「冷靜…冷靜…」我先叫兩人安靜!


從後樓梯門口突然出現一隻喪屍…. 咁阿BEN同文仔佢地呢?


「喂….你唔好行過去啊…」Bella一手拉住打算行近樓梯嘅我。


「佢唔識開門嘅…放心!」我說。


「啪啪啪…啪啪…」 雖說喪屍唔會拉開度門，一下一下撞門嘅聲音卻令我感到極度恐懼!!!


我從地下大堂望入樓梯，只看到一隻喪屍張開口露出牙齒要咬我。 依一刻我先仔細的留意到喪屍，佢嘅牙齒唔係想像中尖銳不像野獸般，一D都唔似拍戲果一種。


如果要形容，喪屍只係神智不情，手腳扭曲抽搐嘅怪人。 面色有點青白同流好多口水。


「只係得一隻…文仔阿BEN地唔係度…」我說。


「咁你想講話你D朋友冇事???」Bella企在我幾呎之外離遠望去樓梯內:「又可能只係佢地被咬冇耐未變，又可能係佢地已經比喪屍咬死左，你點知啊?」


「唔知… 之前睇好多都係咬完等好耐先喪屍…不過我覺得有D怪，點解係胡忠停車場內果個中年男人會突然開左門比喪屍咬完就變? 你地見唔見到當時發生咩事?」


「我都唔知，我果時冇望果度。」Bella搖頭:「Jolie有冇見到變事?」


「嗚…我都….唔知…嗚…」Jolie 見到喪屍在拍打樓梯門，臉色變得青白。


「文仔~~~~~阿BEN~~~~~~~~~」我隔住大門叫，希望得到回應。


「嗚…..嗚….嗄……..」只有眼前喪屍嚎叫回應我。


「算啦…. 你唔好留係度啦… 我睇度門唔多頂到好耐……」Bella拉一拉我手臂:「我地不如離開啦….」


「唔得…佢地一定冇事嘅…..佢地唔會架….」我真係有衝動大力將門推開，將喪屍撞倒後上樓搵佢地。


但如果….如果真係….佢地已經死左或者變左喪屍呢….?


我跪在地上苦惱著….


「大舟哥…. 走啦。 依度不宜久留… 你仲要返去見你家人…. 唔係咩?」Bella隻手放在我膊頭上。


「唔…」係…. 我仲有家人…. 我仲有希望!!! 留係度都可能冇用!!!「好! 你講得冇錯，我地走，要快D過海!」


「咁就岩啦…. Jolie你得唔得啊….? 準備走人。」 Bella回頭回Jolie。


「我可能行唔到……..」Jolie的足踝有點腫脹。


「唔…. 你就坐係凳上，我推你啦。」 張凳係OFFICE果種有轆嘅凳:「張凳有轆，我可以推你。」


「好啊…..」Jolie滿意我嘅安排。


「好~ 咁快D走人。」Bella執起之前我地係外面拎嘅樹枝同石頭一馬當先爬上之前被爆開嘅窗走出外面。


我則抱起Jolie從窗口文比外面嘅Bella後再係管理處拎左張紙寫下。


【BEN 文仔，因為有喪屍我地要先離開! 中山公園見。】 我留下字條貼在大廈玻璃門上，希望阿Ben文仔真係可以睇到……