我哋兩個都唔理方向啱唔啱,走咗再算。
更恐怖嘅地方係,整片山區都有零仃嘅紅點出現。
嗰啲紅點,自然就係佢哋嘅「紅目」。
「點解...成座山都係......」毫無安全感嘅我,貼住一顆樹左望右望。
「可能......就係啱啱嗰下地搖嘅騷動,令到所有兔子人都聚集哂喺到。」
「所...所有...!?」
「我都係估......」
成段落山嘅路程,比想像中要困難。
如果要我講個情況俾你聽係咩感受,就係好似每一隻兔人,都代表住一個連環殺人犯。
而呢家,喺一座山入面......
有十幾個連環殺人犯,喺到搵緊你。