《女朋友全家變咗隻蛋》（２）

宋文德ho ball
如果唔係我諗現階段主角實唔敢郁手 個故就提前大結局

今晚有無機寫到泉叔文德男主3人會議

唔通佢變兔人重生

唔係話井可能係入口咩 咁明顯擺信徒條屍係度好難唔岀事 點解唔搵地方埋左佢

掉佢落海唔係比較make sense 咩

我哋兩個合力將求導者條屍掉入井中。

但無諗過......

宜個行為，

居然會招嚟無法想像嘅後果。


會有咩後果

「淋咗咁多雨，希望唔會病。」宋文德仰望天空。

突然...

井底下有啲動靜。

一聲極長極響亮嘅刺耳聲音，從井下傳出......！

陣陣不祥嘅惡意，爬上我嘅脊椎，令我全身毛髮都豎起。

我認得，呢把係兔人嘅嘶叫聲！但就遠比我以前見過嘅兔人，嘶叫得更為響亮，猶如魔音刺入我嘅耳朵......

「啊嗄......」我好辛苦咁撳住兩隻耳，想隔住聲音。

「唔通佢變咗兔人！？」宋文德即刻拎手機照住井底。

求導者條屍無發生任何改變，但兔子滿懷惡意嘅嘶叫聲就傳遍整個山頭。

倏地，井底下發出慢慢冒出鮮艷嘅紅光，成個山頭都喺到震動......

不明嘅地震引致到草樹欲搖，葉子不停飄散喺空中，再降落到地上，

「發生咩事啊！？」我大喊。

下一秒，井底亮出強烈嘅紅光！

宋文德立即用手掩住視線，離開水井範圍：「我都唔知咩事，不過......依家最好走！」

我捉住仆低嘅宋文德起身，然後一齊逃出鎖羅盆內村。

離海太遠，個地理係山崖咁嘅位置

所以宋文德特登掉入井係諷刺佢，叫佢喺樂園享受極樂，因為佢唔信宜一套

睇到live咗

Diu live jor

兔人王食左祭品 解鎖封印？

墨巴
仲等緊死神故

笑左 笑埋右

跑入叢林前，我回頭望鎖羅盆內村最後一眼......

水井下，亮出赤紅嘅光芒。

「你見到井底啲咩？」我跟實宋文德，因為得佢識路出去。

「我諗......我見到第二個世界。」宋文德喘氣喘得好快。

「咩意思......」

「我諗...就係佢哋所講嘅......」宋文德心有餘悸，吐出宜隻字：「「樂園」。」

「......」我又再回頭多望一眼內村。

山搖地動並無停止，一直持續到我哋跑出草叢，去到外村為止。

途中更因為泥地濕滑，我哋各人都仆咗一兩次，長褲都俾樹枝勾爛。

新讀者留名

F5

好掛住泉叔
幾時可以再見返佢

支持支持