絲打們求飄/霧眉店推介

遲少少post出黎一定要警惕世人
岩岩今日去左洗 啲飄線佢都話太深色有排洗

你有冇搵過佢溝通？我半年前去整整得幾好窩 仲要黃店

你話事前？有啦
佢主要唔係個形出事
係手勢問題

咁你當時唔講你唔係整到滿意先走既咩

想去整嘅可以睇下 唔知你會唔會係下個不幸者

好多人以為我吹水老屈佢
我整完出黎係唔平衡+勁深色深到發藍+唔自然線條
事前係有畫個型先整，亦都有問咩色
其實畫個陣我都有覺得唔平衡 有反映過
但係佢拎把T字尺出黎堅持話係對稱話我有表情先好似唔平
咁呢到我都有責任當我on9

但重點係深到發藍同埋啲線
如果有紋過就知當下整完係唔會睇到 要等甩焦先見到隻色
而且就算睇到已經無得救整眉淺色左就話有得加深
更何況佢係技術性問題引致咁而唔係用錯色
眉尾啲線一睇就知落得太深所以先會變藍
甚至問埋行內人都話係太深層 溝左血就自然出唔到本身顏色
仲有啲線你老味有冇人啲眉毛會係一條條平行線又長又整齊
但佢緊係打死唔認啦仲叫我去佢到整走佢
係依到奉勸各位想去洗眉嘅一定要小心揀 laser傷左比起整衰眉慘一萬倍
今次真係好慘痛嘅教訓

相慎入

個型就話當下睇到啫
佢係技術性發藍 顏色當下睇唔到

唔係紋好多次唔識睇 咁樣算好藍？

你可以留意下眉頭先應該係隻色乳本身個顏色
但後面已經深到偏藍調

又真係幾唔掂喎

始終而家大家喺呢間舖嘅體驗比較兩極
整得好嗰班難免會諗你係咪惡意中傷，調返轉你又會懷疑其他人係咪打手所以開頭係有少少口同鼻拗

坦白講我未睇相之前都有懷疑過你，你個名仲要咁啱同之前追擊jpro嗰個絲打好似
而家有相就見到佢又真係整衰咗你堂眉
唯有post出嚟等其他追post嘅人自己衡量下啦我個人體驗就好好嘅

我個人體驗都好好窩
千幾蚊 係遠咗啲

你用追故模式就睇到我之前都盛讚佢
但睇上面張相飄嗰幾下又真係怪咗啲

我兩年前係一間IG小店做過，眉形做出黎我已經唔鍾意，所以冇去到補色。兩年後堂眉已經變紅，於是今年的起心肝上網research邊間整眉好。個陣刨完呢個post之後，就好快決定去J Pro整。

上到去J Pro，其實我心裏面好想眉頭飄幾條然後眉尾拉長，偏向歐美而家興個隻。但是老闆娘就有勸我唔好，況且如果真係好想咁樣整，可以係補色時提出。老闆娘大概用咗三十分鐘同我傾眉形，全程整埋眼綫兩個鐘搞掂。

老實講，頭個一個星期真係好實色望落係偏老套，我大概等咗8-9日先變返完全自然，但係個效果真係好好睇，完全符合我心水。加上眉頭做返霧眉效果，出黎效果真係自然d。(因爲如果飄眉頭，唔上全妝會好怪...)咁嘅價錢同手勢，我真係諗唔到有邊間比得上。

今日去咗補色，先知道原來連登有人投訴老闆娘。老闆娘都同我呻咗好耐，亦礙於客人私隱冇辦法完全公開有關同上面指控佢嘅comment嘅對話同相。聽完佢嘅説詞，我又覺得咁，如果一唔滿意就叫人退錢同回水，完全唔願意同店家作出一d有建設性嘅討論，呢種行爲好難唔令人聯想到勒索同威脅。

如果你話一出事，負責人即block加delete呢種不負責任嘅態度處理，擺上網公審係resonable。但係呢個case，老闆娘一直都積極跟進事主嘅問題，而事主原來一直以黎最在乎個part係退錢。係去到後期事主完全冇商量餘地，仲講到明唔退錢就行動升級，老闆娘先完全ignore佢。老闆娘講到明過程有錄影有影相作爲證據，咁請問事主又願唔願意畀個consent老闆娘公開證據還雙方一個公道？

我個人係J Pro體驗就非常好，完全冇事主指控嘅情況出現。係呢個post見到大家對J Pro嘅評價大致上都係正面，真係好難相信事主一面倒嘅批評。

大家選擇之前自己衡量同思考下，唔好一個comment就人格謀殺店家。

Btw, 同老闆娘討論完，我極度建議佢如果再受到不必要滋擾同誹謗，將所有證據留底然後落file。有d野，公道自在人心啦。

如果我係打手，即刻死全家。

講真做10個好 又係咪代表做100個都好先？
你個體驗好 我都鄧你開心
將心比己 如果我上面條眉換左落你到你又會有咩感受？而且當你喺嗰間店舖嘅體驗唔好 你仲會唔會返轉頭搵佢去幫你塊面度做任何動作？
講緊依家仲要分分鐘洗10幾次先洗得甩
我只係將我嘅經驗講出黎俾未做過嘅人自己衡量下
相我都post埋 你體驗好唔代表一定個個都一樣

如果佢覺得我有任何勒索嘅行為歡迎佢馬上報警處理我並唔介意

如果我係打手同誹謗佢我都即刻死全家

都係個句，如果你認為需要大家幫你討個公道
畀個consent老闆娘公開所有對話錄音錄影片段同相片
唔好一味單方面有你講冇人講
我唔會知道你post嘅相係咪J Pro整

我唔需要大家幫我討公道
我只係share出嚟比大家睇
信咪信唔信咪唔信
我冇動機要屈鳩佢
淨係可以正皮？唔可以負皮？
先唔講老闆娘send咗好多個錄音但係delete晒 好彩我keep咗
我亦唔會post任何對話出嚟因為我已經進行緊其他程序去處理呢件事情


你咁鍾意講死全家 如果啲相我有p過有做假去屈任何人我死全家

哇 厲害厲害
一句話唔需要大家討回公道
除咗個兩張相就咩都冇
又唔consent畀人post來龍去脈
但係瘋狂單方面公審店家

我都有同老闆娘了解過件事….
佢比我個講法就係
第一 你本身條眉已經係高低眉 而且有之前紋眉既痕跡 所以佢用咗差唔多一個鐘同你傾條眉點整 最後整到你滿意先離開 全程佢亦都有錄影

第二 係你覺得整衰條眉之後 一直都係要求退錢 而唔係解決條眉上面唔滿意既地方
你講到若然覺得條眉整得差點敢上去再整 但其實你真係唔滿意 咪叫佢洗咗佢自己再去其他鋪整你驚佢整得衰姐 唔會驚佢洗得衰掛

第三就係你放咗幾張圖上黎 但其實係冇證據你係J pro到整而且睇翻

你呢兩張圖條眉係完全唔同
退唔到錢惱羞成怒唱衰人會唔會係比較合理解釋

非打手

如果我去食飯 覺得啲嘢唔好食就要求店家退錢 人地唔肯退我就上網屌鳩間鋪頭啲嘢食難食

仲要人地做完 你照完鏡噏晒頭 轉個頭返嚟話唔滿意要退全數
個個唔洗做生意啦

你地咁熟你咪問下老闆娘係咪佢整架囉
我屈佢有咩好處？
我事後唔滿意個型叫佢退錢就無理取鬧啫
條眉高低就代表咁樣係無問題？
圖一都明顯見到後面完全唔係個個色 貨不對板喎
仲有我問點整走嘅時候佢係答我佢有佢嘅方法
唔知你知唔知啦 但洗眉更講求技術
洗衰左係會有疤痕同永久性傷害
所以咁唔清唔楚嘅情況下唔想去好合理
你可以隨便拎啲相問下其他美容師到底點解後面會變左藍色

繼續話我有咩意思公道自在人心
我只係分享我經歷
好似上面個絲打咁講 口同鼻拗
個post咁唔active都成班「非打手」咁快衝哂出嚟幫老闆娘mon post護航

我覺得最好笑反而係我第一個reply係冇reply to事主，但係佢好似keep住mon住呢個post。畀payme收據我唔知究竟有咩幫助，大可以post張係A整嘅相，然後遞B張receipt上黎，請問prove到d咩

anyway佢嘅username都好鬼詭異，同上次唱衰J Pro個user名好鬼似。反駁佢就話護航，佢一日唔畀老闆娘公開證據，係呢個平台再講呢件事就一d credential都唔會有。