首先有人話認得佢曾經係郎屏撕文宣
部分人問有冇證據 冇聽到有
然後呀叔話:“我真係收工咋”
有手足:“佢真係冇撩交打嘅”
然後有人叫佢走 係叫罵下(部分人護送下)佢一路走
有人突然係佢前面爆樽
然後呀叔話隻腳(拖鞋)比玻璃整親 坐下要fa幫 期間一路重複自己冇做 ”比我走啦“
完成救治後佢跑走
蘋果記者:“但的確見到佢係健步如飛“
之後呀叔上左架的士關埋門
過多陣就被開返門
呀叔被手足拉出車 重覆:“我真係冇呀”
冇耐就頭破血流
作為半個勇武 我唔可能反對私了
但大家又真係寧願有殺錯 冇放過?
我唔理佢有冇做過撕紙狗 或者遲d會搵到證據證明佢有添
但即使有 無可否認當刻我地衝動左
打嘅手足可能根本唔知咩事
見咁多人鬧就認定佢一定抵死啦 但係你動武前請謹記你有責任先動腦!
我地唔係暴徒唔係蟑螂 我地係香港人!
如果對方一路否認 而我地亦冇證據
真係唔可以咁輕易妄下判斷
就算佢係撕紙 就算佢係串我地
我地都冇必要冇需要去動武
“私了”係制衡班狗拒絕公平執法下保護手足
唔係用黎洩憤嘅方便工具
最後 希望大家逆境中保持清醒
上面動武嘅手足 下次有改善嘅空間
光復香港 時代革命
現場手足如果我有錯請指正