[重裝出陣] 西裝、皮鞋、皮件討論帖 (29)

鱷魚本身都係養殖場出黎，又唔會野生，亦唔係殘害動物，鱷魚除左啲皮，肉亦有人食，不造成浪費。除左貴好撚多之外，其實哲學上、倫理上同你買牛皮、豬皮野無乜分別。

除非係素食撚，總之食肉、用皮都屌鳩你果啲，否則我唔覺得用鱷魚皮有乜問題。

其實唔建議大家將商業同政治過度掛鉤，俗語講「商人無祖國」，利益在哪商人就去邊係好常見既事咁。

當年霑叔寫《不夠不文集》時有一篇印象深刻，入面話香港有一樣野好寶貴叫言論自由，但有另一樣不顯眼卻又無比珍貴既野叫「不言論自由」，唔好將我地自己變成大陸咁，表態應屬自願，唔應該去被逼。



BTW，整唔整list都好，麻煩唔好將我擺入去，我希望我既客黎買野係因為佢鐘意我鋪出品，而唔係因爲政治立場，Many thanks。

又唔會用野生，打少左隻字

仲要奶共飲屎茶 痴撚線 咁撚多野飲
係要飲呢d

Agger

要整就整抵制 list
手工幾好都好
無良心既仆街都唔撚想俾錢你

我唔知霑叔寫依篇嘢個陣個背景係咩，但我哋依加面對係「大是大非」。當你選擇左唔沉默，某程度上就係助長強權對弱勢嘅打壓。

Martin Niemoller 寫左段好出名嘅念碑銘文：

「起初他們追殺共產主義者，
因為我不是共產主義者，我不說話；

接著他們追殺猶太人，
因為我不是猶太人，我不說話；

後來他們追殺工會成員，
因為我不是工會成員，我繼續不說話；

此後他們追殺天主教徒，
因為我不是天主教徒，我還是不說話；

最後，他們奔向我來，
再也沒有人站起來為我說話了。」

你可以有不言論嘅自由，但不言論到左最後係有代價。

正如我之前所說，你用「家」依個旗號係香港做，你就要對依個「家」多一份感情。我唔會話點解LVHM唔幫香港出聲，因為佢哋只係一個純粹嘅商人，如牛巴所言「商人無祖國」，更何況佢哋真正嘅祖國係法國，唔係香港。

我相信巴打們嘅眼睛係雪亮，幫襯邊間鋪頭你絕對有得揀

我唔同意一定要表態，唔表態唔代表同意/反對，唔表態都可以幫手既

同埋少量既吃喝玩樂係必需既, 如果唔係好容易 depressed

情緒病好危險
大家真係記住做返啲開心野balance一下

買下嘢減下壓

快d去牛sir度幫襯下 利申: 買到無錢

已經買左，mto仲等緊

等緊新一批

終於有開心野！收到通知加人工！

自己找師傅造衫／褲有時都真係幾攪鬼，乜事都可以發生。
話說同個fd一齊去師傅度造褲，我兩條，佢一條。
試身時師傅攪錯咗，用了我兩塊布造了兩條試身。
師傅猛話無問題，可以改番，但我肥個fd咁多，唔好玩啦！
最後我建議個fd，如果佢覺得塊布可以，不如佢要埋佢，唔使改來改去。

造長褲變左造短褲都試過造出黎又幾好睇

In house fabric嘛?自己布真係唔得你死

咁爽

自己既棉布呀

巴打們新手有野想請教
小弟11月結婚想做套MTM既西裝 budget 5K
出去睇過幾間平同貴既
暫時諗住suitsupply買rtw 或者 peter lee mtm
想問下呢個budget大家會點選擇?
suit問題不大反而係條褲 因為屎忽比較大但腳幼 通常rtw買返黎都著得唔好睇

比得5000加少少上DB啦 爭個少少

算罷啦，樓上師兄講A記某位職員點，一黎可能真係要照顧大陸客，二黎都唔排除佢地呢班人都只係港豬一名。
我記得某位巴打講過一句，”put on tailored garments won’t make you a real gentleman.”我好認同

巴打，我明白你既觀點，早在700幾年前，但丁就曾講過：「地獄裏最熾熱之處，是留給那些在出現重大道德危機時，保持中立的人。」

但生而為人，我們應該有選擇的權利，正如你有權去選擇幫襯/不幫襯；他們也應該有權選擇作為或不作為。這是我們所嚮往的自由，康德說：「當一個人論及道德時, 一定要先肯定有自由, 若無自由, 道德便不可能。」他也說：「真正的自由不是你想做什麼就做什麼，而是你不想做什麼就不做什麼。」

去逼迫一個人、一群人去做自己不想做的事情，這本身就是不道德的。我發自內心地覺得不應因為追求「道德」而去做「不道德」的事。

不講其他人，A記對香港男裝發展既貢獻係有目共睹。我們不應因一個人的政治立場/取態，就去抹殺/否定佢地對行業既貢獻，功過是獨立開來的，不應相抵。

康德也說：「真正的自由不是你想做什麼就做什麼，而是你不想做什麼就不做什麼。」
我會說：「真正的自由不是你想做什麼就做什麼，而是你能夠對邪惡說不，即有能力抗拒誘惑，不做邪惡／壊的事。」