<木曜四超玩> 台灣網上節目真係好高汁 [4]

如果你地真係唔想睇阿部，佢既集數直接無視，應該會容易過木曜放棄阿部。
利申，至少我自己唔覺得阿部有咩問題。。。直播大家扮阿部講普通話都幾搞笑

唔係想引戰, 只係純粹想表達, 木曜陷入用人荒, 阿部的加入未必有大家諗得咁差, 大家要理解一下木曜點解要咁做。

首先，我完全唔相信依家既木曜蝕緊錢，你話成個麥卡貝蝕我信
但木曜係麥卡貝皇牌之中既皇牌，單計木曜佢都蝕錢我覺得麥卡貝可以執

其次，木曜唔應該係培育新人既地方
阿公，kid，坤達唔使講
而泱泱同溫妮入木曜之前雖然人氣唔高
但本身已經係活躍係台綜既人黎
當然木曜一路以黎都有俾新人上黎試水溫，但都係一集起兩集止
當中比阿部更加受歡迎既大把，但都無做固定班底
我更加想既係阿公ft更多唔同人，睇唔同既碰撞
好似白癡公主，蔡桃貴，狠愛演.......拍一日系列之餘又有新既碰撞
但阿部呢？來來去去只係阿公調戲佢，而且更加多時間真係似湊孫，好似要成日照顧佢咁

最後
我自己覺得係題材問題佔大多數
一日系列已經有d拍到唔知拍乜好
話就話360行，但依家已經百幾集，仲有d係有重複性既，肯定會有審美疲勞

所以先會有半年前個新企劃一個屋簷下
拍極都有既民宿系列
仲有黎緊既運動會
其實係睇得出木曜想試新野

一日民宿2真係睇幾次都覺得好好笑
同埋會感受到佢哋係一家人

邰哥又好，百祥又好，已經多次係直播度講木曜仲係蝕錢、木曜運動會無工商找拍 等等，如果你唔信，咁我諗木曜講乜你都唔會信。。。因為木曜最大2個人都講一樣既話

不過我都同意你講既一樣野，阿部未必係適合木曜的。但我既諗法係: 對現在(Kid回來之前)未嘗唔係一個辦法。

點解會覺得木曜係單方面幫阿部? 阿部本身係AKB + 第一代日本過黎既AKB TP成員，本身有一堆fans, 點解唔諗下d fans 見到阿部畢業仲留係台灣，會想睇下佢既新發展而留意到木曜?
至於youtuber合作，正如我上面講，次次女星出場都係泱泱，點解唔諗下呢個問題。因為唔可以成日合作囉，木曜唔係拍YouTube, 蛇丸話拍木曜好辛苦係全部戲言咩，點都有少少真心掛? youtuber間中合拍可以，成日合拍你估個個都想咁chur咩。

其實木曜有得睇咪睇下囉，講真人地阿部肯拍工商，木曜已經值得，其他咪當等價交換。温妮泱泱有時都無咩表現，但木曜係一個家庭，大家都係互相cover，無話邊個長邊個短就唔要，你見有自稱毛怪開始去抖內(donate )就知。

我睇左好多次民宿2
成日聽住黎打機

蛇丸根本說high就high 啲氣氛靠佢炒熱

耶 ～

右二係咪kid得返個logo

泱泱好堅
d小強咁樣爬上身都完全唔驚

真女神

佢真係咩都敢做

原來已經拍好左新一集木曜民宿
有本本博恩
mk孫女+阿公

冇丘涵或者泱泱

https://www.facebook.com/Muyao4/videos/525041758090843/
新運動會預告

好期待

木曜好似去左日本拍野

原來已經冇睇好耐

以前一日真係好好睇，而家冇左期望果種感覺

梗愈來愈唔好笑

無左kid差好遠
以前kid+阿公得閒爭下女, 然後阿公唔敢玩高危野然後kid玩完笑阿公好睇好多
坤達係型 同 見到佢開始玩得, 但始終結左婚同偶像包袱
好多時都要阿公carry

而且溫妮真係可以出多啲
其實佢有時仲好笑過泱泱
可能泱泱真係出得太多

同埋拍左過百個職業
好多新既都有啲重覆性
佢地應該都幾煩下仲有咩可以拍

https://www.nownews.com/news/20191223/3837052/
琴日發生嘅事

其實我最近都有類似感覺，我自己係由第一日開深度會員果陣就Join到依家嘅
開頭果陣因為木曜真係俾左好多感動位我，所以果陣覺得俾25蚊無乜所謂
到最近開始有少少審美疲勞，然後佢個深度會員一直都無俾咩好野出黎
甚至乎佢果個所謂6大金剛直播Q&A，一直都無俾過我地
我自己係佢地做youtube live果陣其實追問過好幾次，或者佢地因我太多留言睇唔到啦
的確有啲失望，依家我間唔中睇youtube見到人地講加入會員果陣，都會下意識拎去同木曜比較
以前果25蚊我當做係支持佢地黎俾錢，覺得無野，依家感動位少左，佢地個會員又無俾好野我睇
原本到我拎左佢課12個月就有果把金扇嘅時候，我有考慮cut左佢
依家有人反映左依件事出黎，木曜岩岩亦都有作出回應

感覺上面兩個回覆都只係救火措施，應該唔止咁掛
仲有5個禮拜左右就一年，即管睇下佢地會做啲咩黎實際回應

等佢地自己開會傾下 佢地都唔係傻既