圍村土生土長，想同大家分析圍村生態同地勢

那年十七 · 2019-07-24T21:39:34+08:00

我係元朗圍村土生土長仲要係近南邊圍鄉黑範圍想將知道嘅所有野講哂出黎等各位手足判斷727當日行動應該點做俾勇武巴打守護左咁多次今次我一定要做返少少野守護大家光唔光復到元朗對我黎講唔重要最重要係各位手足安全一. 圍村生態 1. 圍村係有鄉黑，但唔代表個個都係鄉黑尤其近西鐵站對出果幾條村，因為交通方便所以好多外人入黎租屋住，甚至好多新起嘅屋都係純粹起黎賣/租俾村外人，或者起三層，自住兩層租一層出去，所以圍村係好多真係無辜嘅人 2. 後生一輩其實對圍村冇乜歸屬感，只係一個住嘅地方，十八鄉年度盛事天后誕巡遊年年都唔係好夠人，好多村都係俾錢請人或者醒獅團黎舞龍舞獅，單靠自己村根本就唔夠人，因為好多後生冇歸屬感，覺得做乜要廿幾三十度同你班鄉下佬出去遊街俾你地攞彩 3. 元朗圍村多中老年藍絲係因為佢地生活無憂，香港地最大民生問題就係住屋，而原居民最唔愁嘅就係住窮極都仲有間屋係到唔洗訓街，唔洗愁加租加管理費，而且元朗物價相對市區黎講比較平，兩大街市都冇俾領展收購，競爭大選擇多所以啲野唔會貴得好離譜，慢慢養成班原居民不理世事與世無爭咁，因為個政府做成點都唔會太影響佢地日常生活。正正就係因為佢地覺得依加生活無憂，先覺得我地搞亂個社會，仲搞到入黎元朗影響佢地日常生活 4. 圍村多藍絲另一個原因，係因為 TVB ! 城市人住樓想睇now睇有線俾完錢幾個步驟就輕輕鬆鬆有得睇，但係圍村要睇收費電視係要搞好多野，又要光纖入屋又要約公司裝依樣裝果樣，好多人懶得搞（或者根本冇得搞）就睇TVB算。 5. 圍村人同鄉黑嘅關係好微妙，所有原居民都知班鄉紳父老有黑社會背景，但佢地唔會點理，因為平時係河水不犯井水，班鄉紳都係選村長選區議員果陣先會出現一兩次逐家逐戶拍下門咁只要你唔主動參與班鄉黑嘅事，佢地就唔會影響到你，所以大家都好似習慣佢地嘅存在咁冇乜點理，談唔上支持/反對班鄉紳。721單野之後，部份圍村人都覺得班鄉黑太過份，好嬲好反感。部分就信係林卓廷帶啲黑衫搞事所以先俾人打不過都係老一輩居多，得把口根本咩都唔會做，可以唔洗理。 6. 雖然721當日班白衫佬係聚集哂係南邊圍，仲入埋南邊圍同班狗講數，但唔代表果日班白衫佬全部係來自南邊圍，其實好多係廈村屏山再加每條村少少咁砌出黎，所以我唔建議727當日針對南邊圍甚至拆佢地祠堂 7. 雖然好多原居民對條村冇乜感覺，但佢地都會認同圍村係私人地方，加埋佢地不問世事嘅姿態，如果真係入村嘅話應該都會引起大部份原居民反感，會覺得有外人入侵佢地地方影響佢地生活同安危，而且入村對我地都冇乜益處，後面地勢果part會再講二. 地勢 1. 睇張地圖，你可以見到元朗站係近鄉村多過近市中心，當日白衫聚集嘅南邊圍空地就係正西鐵站樓下，遵道幼稚園對出果個分叉路係好容易俾人包抄，因為前有南邊圍，後有黃屋村英龍圍，右邊有元朗舊墟，全部都係721班白衫佬集合上旅遊巴嘅地方，如果黑警封埋左邊往大馬路方向嘅話，示威者就會完全被困西鐵站底好難走 2. 西鐵站隔離連住嘅YOHO MALL係新鴻基旗下，有天橋通去雞地，即係放映會公園仔同鄉事委員會果邊，但小心雞地一帶都係黑社會範圍 3. 千祈唔好入村，圍村入面同九龍城寨冇分別，完全冇皇管，溶左你都冇人會知，我住附近都唔會亂行入去，圍村內同舊墟極多橫街窄巷，分分鐘住果到嘅人都記唔哂，何況一班外人，入村真係同送死冇分別，好易走散同俾人埋伏，小心到時班牛屎佬設局引人入村，千祈千祈千祈唔好入村！ 4. 見到有post話去圍南邊圍個牌坊同祠堂村公所，即係入左南邊圍個空地，其實果到已經係圍村範圍，仲要係凹左落去，得兩三個好窄嘅樓梯斜路出口，萬一果幾個出口被圍封，唯一撤退路線就得返入村向村另一邊走，上文已經講過入村有幾危險，唔重複再講。就算佢地唔逼你地入村，打過機都知處於低位等於劣勢，好易俾人係高位掟野甚至圍堵放火，所以我真係唔建議大家入果塊空地。 4. 連登仔成日講連full gear黑警都唔驚，點會驚班牛屎佬，事實係牛屎佬的確係惡過黑警，黑警嘅武器同行動都受限於警隊，就算黑警唔跟足指引都不至於掉低警棍拎刀斬鳩示威者，但黑社會冇光環、冇指引、冇包袱、收錢做野、有黑警包庇、傷左俾人拉左會有安家費，所以佢地可以完全冇底線冇顧慮咁斬鳩示威者。勇武巴打係前線咁耐，應該好清楚我地根本抵擋唔到咁強勢嘅攻擊，就算俾你打到班黑社會雞飛狗走，我地都一定有重大傷亡，而黑社會係會繼續存在。元朗依啲地方唔值得大家犧牲性命，我地727係為左同全世界講我地唔怕白色恐怖，而唔係要清黑社會門戶 5. 經過721，大家應該好清楚元朗警署係隸屬黑社會，727當日有可能再度上演警黑聯手嘅戲碼，如果打起上黎牛屎佬佔上風，黑警一定唔會出手調停，因為難得有人幫佢地清除眼中釘，黑警多謝佢地都黎唔切。如果係我地佔上風，黑警一定會介入保護班牛屎佬，阻止我地衝擊，分分鐘同班牛屎佬夾手夾腳大屠殺，所以請大家認真判斷係唔係一定要同牛屎佬正面交鋒先解決到問題，我地到今時今日都未試過真係打殘黑警防線，最多都係打殘一兩隻落單狗，更何況加埋牛屎佬。所以我絕對唔建議大家同黑社會開戰，就算打得贏，我地都一定有重大傷亡， 727請將手足安全放係第一位 6. 唔好期望附近居民會好似沙田街坊咁出手相助，一黎元朗好多人都係深藍，二黎住得係鄉黑地頭，就算係自己友都未必敢伸出援手，因為怕日後俾人尋仇連累屋企人所以各位一定要做最好嘅準備同最壞嘅打算 7. 個人認為727最好以和理非形式進行，唔主動挑釁，唔主動出擊，但係所有人都要帶齊裝備防範黑社會襲擊，大家要有心理準備遊行中途會有好多人指罵我地廢青搞事，始終係深藍地區，最好嘅處理方法就係咪撚理佢，廢事引起衝突，有耐性嘅就派下文宣俾佢啦。黑社會死個人同死隻蟻冇分別，過兩日又收過班新人補位。但我地唔同，我地每一個手足都好珍貴，一個都不能少我知大家都好嬲，但我求大家冷靜思考下點樣先可以係反抗黑社會嘅同時保障到各位手足嘅安全作為一個元朗人，見到大家咁有心黎救我地社區真係好感動，但對比起光復元朗，我覺得各位手足嘅安全先係最重要作為一個原居民，我都覺得新界圍村傳統文化係值得保留，講緊嘅係添丁點燈、盤菜、舞龍舞獅、祠堂建築特色等等，而唔係黑社會文化，所以我地要強調係反黑而唔係反圍村支持圍村去黑化，還我平靜鄉郊

生生世世又是誰 2019-07-25 08:22:41

Push

班哲明武世 2019-07-25 08:22:57

班牛屎佬交人道歉咪乜事都冇囉

做工程悔終生 2019-07-25 08:23:38

勇武巴打求求你地唔好有事

咖哩雞飯 2019-07-25 08:23:52

樓主好有心
推！

kasumibb 2019-07-25 08:26:37

清新元朗反對恐襲 727元朗見

LKYKJ 2019-07-25 08:27:09

我冇嘢講

大姨媽n到 2019-07-25 08:30:06

推

Oldduck 2019-07-25 08:30:40

我地727係為左同全世界講我地唔怕白色恐怖，而唔係要清黑社會門戶
講得啱

mamamomoabka 2019-07-25 08:30:52

多謝巴打！

隨遇而慌 2019-07-25 08:32:27

推

品學兼優(中產) 2019-07-25 08:34:00

push

能仔餅ᶘᵒᴥᵒᶅ 2019-07-25 08:34:36

[生不如死，慘過死]請支持元朗牛牛，警察狗狗絕育計劃
https://lih.kg/1356978
- 分享自 LIHKG 討論區

PP流鼻水 2019-07-25 08:35:12

推

人生毛毛蟲 2019-07-25 08:36:41

講得好講得正確

心彷彿早已離地 2019-07-25 08:36:58

推

有我撐住 2019-07-25 08:37:24

你地係咪真係支持我要攬炒巴架
https://lih.kg/1359103
- 分享自 LIHKG 討論區

銀髮路人 2019-07-25 08:38:27

推

Ok呀 2019-07-25 08:38:29

黃大仙女 2019-07-25 08:38:33

良心post

華可可 2019-07-25 08:39:09

罷完咪OT做番，無意思
而家最緊要係個畫面，
你叫佢地罷工，佢地敢唔敢露面出黎靜坐抗議先。

醫科生 2019-07-25 08:39:23

如果727 圍村乜事都無發生
班牛屎佬笑鳩示威者無用
牛屎佬發生恐襲都唔駛付出代價
日後肯定再係車站打手足

牛屎佬百幾年都係崇尚武力，
和理非班ON 9

gromit1118 2019-07-25 08:40:08

推

放鬆一點 2019-07-25 08:40:35

有心大推

全部唔計 2019-07-25 08:41:50

辛苦巴打打咁多有用既資訊

樹懶哥 2019-07-25 08:42:04

對，萬大以安全為至上，一個都不能少，不值為牛屎佬流下一滴血

圍村土生土長，想同大家分析圍村生態同地勢

那年十七