遊行無用，勇武無用，連儂牆無用，民意開始逆轉，開始攰，好想死，仲唔散係弱智，仲唔衝係嘥氣，條例已經死亡，警察已經內鬨

高學歷廢青 · 2019-07-15T18:59:10+08:00

大家有冇覺得有一班人好鍾意無限loop以下嘅論點呢？遊行無用，靜坐無用，連儂牆無用，佔路無用，衝擊無用，勇武無用。遊行人數減少，勇武令支持者退卻，靜坐好無聊，連儂牆好膠，食飯聽到好多反對聲音，民意開始逆轉。好攰，好悶，好煩，好想死。遊行唔夠激進，激進會入獄抵死，嗌口號係今天我，請願信係打飛機，絕食係自殘，出聲名係嘴炮，街站係柒，演講係無人理，街頭衝突係犯法，射laser係襲擊，圍毆冒警係襲擊，掉嘢係襲擊，撬磚係襲擊。烈士有安家費，立法會死士全部都有絕症，得閒衝擊嘅都係無業人士，班細路仔一定係畀人利用，基督徒唔應該插手政治，一定係成班失敗人士先會想攬抄。香港冇救，做任何嘢都係on9，大多數香港人唔buy你個套，你喺少數，你想做嘅已經做過而且冇用，唔好再發夢。暫緩已經讓咗步，壽終正寢已經讓咗步，警隊已經開始內鬨，親中派政客已經開始內鬨，習派江派已經開始內鬨。有消息指，有消息指，有消息指。香港人係善忘，香港人係膚淺，香港人係自私，香港人係幼稚，香港人係廢，深圳上海已經超越香港，北京已經唔需要香港。撤回條例冇可能，雙普選北京唔會畀，外國登報會激嬲中共，提港獨會激嬲中共，好驚中共，好驚解放軍。雙普選冇可能，港獨冇可能；搵外國嘅話人哋唔會理你，搵台藏合作亦都係人哋唔會理你；講願景就話你無條件，講條件就話你無計劃，講計劃就話你無願景；去外國避難就話你出賣手足，留港就話你弱智，文宣就話你聲明黨，入獄就話你抵死，起義話你有勇無謀，計劃話你有謀無勇，做任何嘢就睇唔到，或者行得太前，或者已經被香港人忘記，或者冇用。要返工不了，好多人不了，好少人不了，天氣熱不了，落雨不了，天氣凍不了，冇錢不了，有錢不了。精人出口，笨人出手。窮撚生仔有害，有錢佬生仔都有害，中國人移民生成竇唔理。老人家係廢老，中年人係廢中，年輕人係廢青，總之成個香港都廢。快啲移民，香港冇救，留喺到係低能，好嚮往外國，人哋有樓你冇，人哋有錢你冇，快啲移民。 ================================ 1970年，蘇聯KGB特工Yuri Bezmenov叛變（無中譯，Google譯做尤里·貝茲諾夫），投靠美國，並公開蘇聯情報部門顛覆敵對國家社會嘅方法。由意志敗壞（demoralisation）開始，令到整個社會感到無助，唔團結，冷感，撕裂，以致崩潰，不戰而敗。呢套理論有學名，叫「顛覆」Subversion，而達到顛覆嘅行爲，就叫做 active measures / активные мероприятия。 2019年，中華人民共和國依舊行使同一套理論，務求不需派兵嘅情況之下，摧毀香港。以下係英文原版， RedDragon1 會員詳盡中文譯本，以及Yuri本人嘅lecture（好詳細，但係暫時未有中文字幕）： PDF link: https://drive.google.com/open?id=1AZBfKokD65LfA7e7g1gil-K_CcSrl0eS https://www.youtube.com/watch?v=SZnkULuWFDg 如果你冇時間睇哂成段lecture，個圖最後兩個顛覆步驟冇講清楚：「危機」係指令到社會運作嘅機器失效，即係銀行停止發票，立法會停止會議，法院不能夠再審判。同時間，另類政府組織會冒起，如人民法院。「危機」未直接入「正常化」之前有可能會走兩條路：國際介入（多國戰爭），or內戰。但係如果冇呢兩樣嘢發生嘅話，就會直接入最後一步：「正常化」，係指「社會動盪被入侵者完全制止」，蘇聯嘅例子係俄羅斯坦克車入城，將原本親蘇聯嘅內奸、政客殺哂（因爲已經冇利用價值），由外來嘅俄羅斯人清洗一切反抗聲音，「正常化」個動盪。 ================================ 大家發唔發覺，其實Yuri講過嘅伎倆其實有好多已經係香港實行咗？其實由1997年開始，已經逐步實行。知己知彼，香港人係時候學下共產情報部門令到敵對社會崩潰嘅手法。雖然情況嚴峻，但係我哋仲未到不可收拾嘅局面。 ================================

天天探索者 2019-09-24 09:17:48

學到野要堅持

卍唵嘛呢叭咪吽卍 2019-09-25 00:03:54

推

我衣美如畫 2019-09-25 00:04:54

push

早抖啦屌你 2019-09-25 00:07:01

只許勝不許敗

我衣美如畫 2019-09-25 00:07:09

push

村上 2019-09-25 00:09:31

Speedstar 2019-09-25 00:12:05

推

我衣美如畫 2019-09-25 00:17:20

push

我衣美如畫 2019-09-25 00:21:24

push

我衣美如畫 2019-09-25 00:25:43

push

腥蕉 2019-09-25 00:41:31

腥蕉 2019-09-25 00:43:56

腥蕉 2019-09-25 00:48:23

天方夜譚 2019-09-25 09:55:13

晨早流流 2019-09-25 10:01:43

呢個post 任何時候都啱用

人生可否重來 2019-09-25 10:02:51

你都幾幽默 2019-09-25 10:06:39

大家可以睇埋呢條片
佢訪問左一個仲在生既KGB叛變特工

呢排好多被自殺既cases
有可能係啲狗特登整出黎浪費大家既心神去考究
變相少左時間去諗點樣抗爭

https://www.youtube.com/watch?v=tR_6dibpDfo

山系詩人 2019-09-25 11:40:08

推返上去！堅持落去！

我衣美如畫 2019-09-25 14:32:28

推

香港人畀啲掙扎 2019-09-25 14:36:50

【自發文宣】新手上路應該點玩Twitter！要人！
https://lihkg.com/thread/1593557/page/1

我衣美如畫 2019-09-25 14:44:00

推

西西里人 2019-09-25 14:45:20

推啊

我衣美如畫 2019-09-25 14:54:13

推

我衣美如畫 2019-09-25 14:56:00

推

遊行無用，勇武無用，連儂牆無用，民意開始逆轉，開始攰，好想死，仲唔散係弱智，仲唔衝係嘥氣，條例已經死亡，警察已經內鬨

高學歷廢青