先旨聲明，登報絕非爭取歸英。
登報目的，係要喺我地香港人內部不斷升級既同時，將民間外交戰升級至新高度，直斥中共多次違反《中英聯合聲明》；
從道義、人權、英國利益三方面，令英國政府、大眾認真看待中共違條約問題，繼而推動英國推出措施支援香港人，喺抗爭路上幫助我地：
- 擊退白色恐怖
- 滿足五大訴求
- 重奪參選、言論自由
- 建立真普選
中美貿易戰、送中、立會香港旗、英國黨選 —— 現時多樣因素加埋令中英關係持續升溫，令英國對《中英聯合聲明》產生前所未有既關注。
另一邊廂，美國國會推動緊《香港民主與人權法案》，務求支援香港。
雖然脫歐一方面令英國分神，一方面又令英國嘗試搶救其國際話語權，間接推動英美齊上齊落。依個微妙情況下，英方進一步認真看待跟進《中英聯合聲明》並非天荒夜談。
《中英聯合聲明》係一份國際條約，確保香港人權法治民主50年不變。1997後，聲明多次被中共以行動同言語抵毀，去到送中完全肆無忌憚。
雖然聲明無明確指出英方可以作出邊種行動應付中方違約，但反過黎睇，英方可以採取既手段充滿各種可能性。
過去一個月，成場反送中戰役就係由無數睇落未必有用既努力組成，慢慢由逆境打返上去。
當奇蹟一次又一次被香港人創造，即使可能性有幾微，我地香港人係唔係應該盡力試多一次將《中英聯合聲明》放上國際談判桌？
G7 將會喺8.24-8.26喺法國舉行。G7集團曾經聯手對抗俄羅斯，而2019年既G7會有咩行動，係一個未知之數。
未來會係點，我答唔到。
我只係覺得香港人要盡力，要明知不可為而為之，因為希望同機會往往就係咁創造返黎。
如果你認為香港人應該試多一次，願意出錢支持眾籌登報，請你正評，自發留言討論。
假如你認為依個嘗試係多此一舉，無謂掙扎，請你負評，並加入討論。
無論群眾決定係點，我地都會盡力自行完成研究《中英聯合聲明》同英方可行支援措施，並且會去信相關分析俾英國眾議院各議員、嘗試聯絡彭定康先生同Hong Kong Watch。
依個就係我地豁出去既第八陣攻勢：
《中英聯合聲明》之戰
