[7月新番] ヴィンランド・サガ 海盜戰記

無睇漫畫，但跟住學戰鬥技巧，可以唔殺人，唔搞女人架jeh

其實呢套野冷門，我覺得係改太多個中文名

維京戰記
冰海戰記
海盜戰記

維京戰記(部分華語地區), 冰海戰記(大6), 海盜戰記(台)

冰海戰記其實譯得幾型, 海盜又好似over左, 形象都幾負面
同海賊王果種海賊有d唔同, 海賊王入面d海賊唔會殺人or好人黎,
呢套d海賊就真係海賊, 真係會死人/亂殺人, 而主角又唔係要做海賊
維京的話都重西史味可能第1印象會覺得悶而唔會追番
本身個名<Vinland Saga>就咁叫文蘭戰記似乎比維京戰記好

以前改啲名係咁老土
而家改名可能就咁叫文蘭仲吸引

個故事發展方向, 應該係講主角報仇+去文蘭
文蘭=溫暖/安穩/幸福之地, 使人嚮往既理想鄉
就咁睇, 文蘭係會好過叫維京/冰海/海盜, 會比較貼題
因為係文蘭旅程既終點, 甚至應該係戰亂既終點
淨叫文蘭有d寡, 文蘭戰記=正常ok, 文蘭傳說=型d霸氣d

叫真。海賊王

其實都唔怪得啲譯者
鬼叫有排都未去得文蘭
改譯維京/海盜我諗都係跟返佢時代同故事側面寫緊嘅野姐

咁之後都集數係咪都冇可能有漢化

係
因為B站買咗漫畫版權
漢化組又係大陸嗰啲
你明架啦

唉，唯有自己翻譯睇，唔該巴打

https://anime1.me/category/2019年夏季/海盜戰記

呢集真係好心up

個頭起得麻麻 有d牽強

淨係覺得好無奈
有需要變成咁？

為咗打一場走去幫人做壞事
但又講到自己幾光明正大唔偷襲殺父仇人
完全無動力睇落去

幫人做壞事同佢唔偷襲殺人想光明正大殺阿謝拉特係兩回事。要睇落去先了解到個世界觀同維京人既價值觀，唔易代入。呢d燒村搶野殺人同上戰場立戰功就係所謂既維京海賊，睇返頭幾集d後生仔都好嚮往，呢d可以話係個世界好普通常見既事，老實講睇得出班維京戰士係冇咩善惡觀。我建議睇落去，一定會有唔同睇法。

我係唔明點解要聽個殺父仇人命令
話人卑劣但自己又跟住做佢卑劣嘅人 目的就係得到佢認同 然後再光明正大殺返佢
如果成個故事就係圍繞主角咁嘅動機 真心幾狹窄

如果skip咗主角個動機 我會覺得應該好睇
我淨係覺得可以包裝得好少少
可以再返去自己條村 鍛煉完再出海
或者失散咗 比其他嘅海盜收留 再搵反殺父仇人之類
好過跟返個殺父仇人出海 目的係報仇 會有唔少人黑人問號

喂 班維京佬係英格蘭為錢殺全村人又老強
都唔係壞人？

英格蘭史中班對面海既北歐佬
日日剩係燒村殺人老強 （雖然有可能係受史書者仇敵影響到）
直至佢地個死人腦學識左「貿易」比起殺人賺更多先開始唔再亂咁殺
呢班仆街就正正係「叫你個耶穌落黎見我」果啲人
雖然最後都信左耶穌 比人趕翻去日德蘭果邊

自從羅馬人守唔住不列顛島開始，島上嘅羅馬化凱爾特人經常俾北面嘅皮克特凱爾特人侵攻掠奪，島民為咗有安穩嘅日子過，分別聯絡東方歐陸同日他蘭半島嘅日耳曼人登島做僱傭兵

呢啲日耳曼人經後世考古，有四大支，朱特人，盎格魯人，撒克遜人，弗里西人，其實都係維京人嗰系，講類似嘅語言，崇拜日耳曼諸神

結果呢啲日耳曼人喺階段性擊退北佬之後就喺羅馬不列顛人嘅家園做返北佬掠奪者嘅角色，除咗弗里西人搶完錢就返鄉下（現今荷比盧三小國地區）之外，其餘三族就留低喺英倫統治不列顛人，而且喺島上分家為七大國，小國我唔記得

薩克遜人：東、西、南撒克遜
盎格魯人：諾森布里，東盎格利亞，麥西亞
朱特人：肯特王國

英格蘭一詞就係盎格魯人, Anglo,盎格魯薩克遜人就係 Anglo-Saxons，亦即係七大王國同日爾曼移民諸小國所建立嘅「第一代英格蘭人」，要記住佢哋並唔係不列顛嘅原住民

佢哋喺移民國不列顛後，分階段由日爾曼異教信仰（奧丁、泰華茲嗰類，你懂的）改宗為羅馬不列顛遺民所信奉嘅天主教，所以英格蘭人同維京人算係同宗，但係會稱呼呢啲北歐遠親做異教徒

維京侵攻都係日耳曼人第一次要面對嘅恐怖難題，因為維京人喺東岸甚至攞咗兩個王國嘅身份取為己用。。。

之後我唔講住，因為我未睇漫畫，我怕啲歷史真係會劇透

諾曼人真係識玩，由海寇打拼到做埋統治者搞鳩成個某民族

然後其他淆老襯嘅又係靠營商掠唔少水，有啲又喺東羅馬打份優差

所以英格蘭人同維京人算係同宗
唔可以咁講
不列顛列島既人比人N次侵略變到咩人種都有
原住民既Celts
意大利既羅馬佬
日德蘭既北歐佬
Saxony既日耳曼人
William the conqueror果班法國佬

去到十七世紀班Scot都串班英格蘭人係Saxony既「外國人」

我口誤，應該話第一代英格蘭人同維京人同宗


去到十七世紀仲有蘇格蘭人用Saxony稱呼英格蘭人呢個我就未知，不過thx

想了解下維京人
NETFLIX有兩套歐美劇以維京入侵英格蘭為背景既長篇劇集
最後的王國同埋維京傳奇,
有興趣可以睇下, 兩套都係好野

已經唔關壞唔壞人事
重點係 點解要幫殺父仇人