致年青人：你哋無上街嘅父母根本無愛過你

新奇是非橙 2019-06-23 21:31:36

嗰啲話認同駁唔到嘅
想同你哋講
愛有好多種表達
有啲人可能表達唔好
佢無講出口
或佢無陪你一齊做你想嘅事
但並不能因此而否定佢
因為愛係好虛同抽象
唯有用心你會感受到

但毒打你、跣鳩你、撚狗咁撚、
非禮市民、惺惺作態
成個腦都諗住害人嘅
呢啲唔叫愛
因為呢種所謂愛
會令你精神受傷

自由閪自由鳩 2019-06-23 21:59:51

不愛媽媽,不愛爸爸,只愛國家.
爹親娘親都不及中國共產黨親.
天大地大也不及中國共產黨的恩情大

我係一隻狗 2019-06-23 22:00:25

高級五毛分化技
我地好多人中左招
已經開始善後工作了

挪亞方舟 2019-06-23 22:04:35

邊有人開post會拍片出樣讀埋出黎
太低手喇

我識條春 2019-06-23 22:19:39

屌一係弱智一係鬼

輪廓 2019-06-23 22:25:52

致父母：因謠言而撼動你對子女的信任是最大的傷害
先講一下背景，我有一個幸福嘅家庭，父母雖然學歷好低，但從小到大都死慳死抵關懷備至，將最好嘅畀我。我都好清楚唔係個個家庭都可以完全無憂無慮，但作為一個九十後，我好幸運。
＊但從來無諗過一直都冇嘈過大交嘅我屋企，會因為一個識都唔識嘅人而翻咗面。＊

如果為人父母嘅您都有睇過呢條片，希望你唔好好似我屋企咁畀呢條狐狸精離間哂
https://www.facebook.com/kauyim/posts/2232322696843933

家中兩老偷渡來港，一直不問政事，而我聽過父母講過唔少上面生活嘅慘況，覺得喺香港生活真係一件好幸福嘅事，唔想白白望住佢變壞，所以今次9號12號我都有上街。畀催淚彈包圍嘅時候，我真係以為我要死啦，點解我咁後都會有事？好掛住屋企人，如果可以真係好想好想留喺屋企同爸爸媽媽撒嬌......但當有個媽媽竟然擋係我地面前嘅時候，我先醒返——

原來，為左令我地活得幸福，安全，做人父母嘅可以比任何人都要勇敢。

我從來冇怪過點解擋前面嘅唔係我爸爸媽媽，因為我知道，佢已經為我付出左半生勞力，即使佢未必係全世界最好，但爸爸一定係我最好既爸爸。

但無奈我冇一個解釋嘅機會。

因為呢條片，我今日一返到門口，就畀兩老冷眼相待，佢地一黎就播條片我睇，嘩，我完全唔明點解佢地會有咁充滿仇恨嘅片，更加唔明點解佢要畀我睇呢條片。

播完之後爸爸一句＂原來你地班搞搞震嘅憤青係咁諗嘢＂就走返入房，一句都冇聽我解釋，媽媽都係望一望我，我知道佢地對我好失望。

但我究竟做錯咩？明明今日之前大家都和和睦睦，點解一個街外人講兩句，就可以信，但連仔女嘅一句都聽唔入耳呢？唔通就係因為我去游行，就算我平時幾乖都好，都犯左死罪？

我嘅感覺就好似女朋友發夢我有第三者，然後佢夢醒後嘈住要同我分手咁...我覺得好無奈，明明我根本就唔係咁諗，明明我咁多年來都冇逆過父母意都好，明明只要大家坐低傾一傾問題就可以迎刃而解......

我好傷心，我從來都冇諗過會因為一個唔代表我嘅觀點就畀我最信任嘅人判死刑；我更加諗唔到，原來咁耐嘅親情，都敵唔過人一句閒言閒語。我個心好痛，見親爸爸從未有過咁冷漠嘅樣就好似一條條刺插入我心入面咁，但就喊都喊唔出。點解要咁樣做？

我求下天下父母，係罵你嘅仔女之前，好好聽佢地解釋一次，佢地從來都唔係作惡多端，你亦都冇生咗個惡霸，聽你地話讀書，努力做嘢，就係想盡力成為令你驕傲嘅人。希望大家可以多一點信任，相信咁多年嘅相處係可以互相理解，唔好因為一條片，而令千千萬萬個子女因為你而受傷心痛。

3年cd-rom 2019-06-23 22:32:27

巴打緊貼下最新資訊啦