把你的心事留在這裡

除左第一句之外, 我都好認同你, 由其係最尾果句.

希望你地真係可以放低到過去唔開心既野吧.
祝你幸福

我都唔知可以撐得幾耐
每日係度徘徊
想分手 覺得佢只係不斷用大話堆砌
唔想分手 我只係貪婪佢對我嘅好同佢唔會放棄我

我分手可能因為我性格問題，令佢接受唔到，但大家相處都愉快，又有共同嘅喜好，但我一樣唔好就係太小氣，唔鍾意佢follow邊個男仔，又要佢block邊個,久而久之佢頂唔順就分咗手，嗰陣我都講咗好多說話去挽留，但都冇用，後來我unfollow佢，但後來發現咗佢有新仔（某D緣故）不過佢哋好少po相，都唔知佢哋相處成點，後尾佢哋拍左四五個月就分咗手，但隔左幾個禮拜又喺返埋一齊，我完全唔知佢哋之間發生過咩事

如果已經係行到呢一步既話,
已經係距離分手不遠,
希望你地可以真係抹去以前既野啦.

人地可能只係小打小鬧,
但你呢D係性格問題黎, 唔係你話改就改到,
同埋都唔係一朝一夕既事, 其實比你一齊落去,
都只會越黎越多磨擦, 陣間搵交黎嘈架咋

人地分手既原因可能只係過馬路無拖住佢,
咪鬼諗咁多, 自己傷神

咁都係，我開頭都唔知原來係自己有問題，嗰陣佢分手就講咗一件事話因為嗰件事而要分手，嗰陣我仲喺度諗緊件事究竟真唔真，但散咗幾個月之後，
先知原來係自己性格都有幾大嘅問題

因為我呢啲性格之前都嘈過一次，不過佢真係願意為咗我去做呢啲事，順我意，但後尾我再叫多幾次嗰陣，佢就唔肯，跟住我就質疑佢係咪變咗，跟住隔咗一個禮拜左右，佢就話分手，仲講左件事出嚟話因為呢件事迫不得已分手，嗰陣我仲喺度諗緊件事嘅真偽，但其實分手原因根本就係我自己，我仲有幾個月之後自己先發覺

合拼返你兩個留言黎講,
完全係佢容忍你, 但你既要求越黎越多越黎越多,
你控制慾真係有D太過OVER,
而家再諗佢都無用, 佢忍都忍夠,
你下次同下一位唔好再係咁就得

岩岩同朋友出去飲完野 傾左一陣
係舒服左小小
但係番到去屋企自己一個就....
唉 佢影響我真係好多

佢影響你越多, 佢就越係你既動力,
你就要更加努力去追返上去,
唔可以比佢就咁離你越黎越遠

分手前係聖誕節，嗰陣佢好忙，因為佢要表演（佢啲興趣班）加上又生日，所以好多friend搵佢，所以佢都唔係好得閒理我，跟住我又怨左佢幾句，然後又呷佢好多醋，最後差唔多五日入面嘈咗三日，但佢都有氹番我，但係跟住佢就同我分咗手，仲好堅決話唔會再一齊，只可以做朋友，話可以傾吓計談下心，但就一定唔會單獨出街，嗰陣好灰，本身仲決定咗好多同佢一齊出街嘅行程，全部都取消晒，有時喺度諗如果嗰幾日乖乖哋嘅話唔好搞咁多嘢嘅話，會唔會就冇分手呢

唔洗諗會唔會, 雖然我都有左答案
好老實講, 男人老狗呷醋, 仲要女人氹返轉頭, 之後仲要嘈交,
你自己諗下自己做左乜, 都明晒啦

仲有得做朋友咪幾好 唔好再諗咁多啦,
你大個仔啦, 咁樣唔得架

不過做咗朋友之後 ，好多嘢都唔同晒，佢啲語氣態度，同埋本身好親密，而家又搞到好疏遠啲距離，後尾又好似有個男仔追佢，見佢po Story,條仔又買野比佢食，又提佢病咗唔好食炸嘢，雖然冇開名同樣，但我都知咩事，後尾頂唔順睇到都心痛，就直接unfollow所有野

身份唔同左, 呢D轉變先係正常,
唔通分左手仲叫你BB咩
呢樣野睇你自己接唔接受到,
唔好再諗住係佢有咩都會同你講,
你係接受到既, 咪做朋友,
接受唔到既, 咪朋友都唔做

知道 佢講過今次我真係唔會番轉頭 真係好痛
雖然我知佢一定會講得好絕
呢幾日食野都冇咩胃口

一步步追上去,
到你係追得返上去,
佢就唔係叫做返轉頭,
而係去決定揀唔揀呢個努力追返上黎既男人,
真正既有承擔, 加油啦巴打