[遊記] 土耳其無你想像中咁危險

巴打你玩邊間公司？
你好早book定？

本身係睇日出 但太大風要係office等?

我本身住Sulten Cave Suites,早兩三個月前經佢地報咗butterfly 24號
但之後24，25號都天氣太差取消
最後入咗26號既waiting list先玩到

五點鐘左右就到咗現場 但戈時大風掛緊黃旗

之後成村人係車上面等睇佢決定取唔取消

開個group啦

有無人有興趣聽日/後日一齊包車去鹽湖? 90euro一架車 我地有兩個人

我同個朋友都好想去 但唔知點去
上網睇巴士經 但唔知停唔停
6月11號想由goreme去ankara途經個鹽湖
有無人有興趣join

我之前有問過 但local都話由Goreme最近剩係去到一個city叫Sereflikochisar, 之後段高速公路都係無車去Tuz Gölü
我最後都係包咗車算

依個消息我都聽聞過
如果揾唔到人夾包車都會答巴士去
包車點包法

我同fd就咁喺酒店問
100Euro架車

請問有無人想識土耳其人？

無巴士去到架 一定要包車

Goreme酒店果邊話唔值得去 因為個鹽湖好似話呢排唔係好多鹽 好似係
同埋山長水遠又貴真係淨係望一望個湖
啲錢花係其他地方好似仲抵 所以原本諗住去最後都無
如果你去 去完講黎聽下正唔正

好靚啊 我miss咗升空果朝瞓咗

唔係自己位叉電？點唔比法

叫做影相呃下like囉
但搭兩個鐘車真係唔多值

本身諗住順路先去
點知咁麻煩

不過巴打真係影得好靚！！
最後無去到係因為南美都有個好出名天空之鏡
好似果度出名啲 所以留返有機會去南美先睇

車長行過見到叫你抆返出黎

我去完都覺得要去Bolivia睇先過癮

14/5 Day4
今朝一起身大約8點左右就去咗Antalya既Konyaalti Beach，因為想去完沙灘返埋酒店沖涼先check out。又係搭一架巴士就直到，不過其實都唔肯定邊度落車，見差唔多到就禁鐘。可能時間尚早，個沙灘（正確黎講係石灘）唔係好多人，望到個景真係心曠神怡，最正係下面成30度着晒泳衣黎曬太陽，望就望到上面雪山仲有積雪。啲水好清好藍，個天又無咩雲，可以話係海天一色。


見到好多日流浪貓，第一次見流浪狗，好乖好馴。


好順利check out完就去咗酒店附近行下，個海港都唔差...啲街種滿晒植物好正，最重要係無整到成個地方勁touristic。









行下行下差唔多要食飯，今次唔敢亂入，就google下酒店附近餐廳，有間叫castle cafe&bar，望門口好似伏伏地咁...原來我地去咗後門入。但入面完全無令人失望，有海景之餘啲野食性價比都高！！我碟三文魚意粉45₺啲魚多到唔使錢咁。


食完個靚飯就準備去巴士站搭去Denizli。果度巴士總站叫otogar，如果要搭巴士既就通常去果度，eg. Antalya Otogar, Denizli Otogar etc.

離開酒店果時隔離舖頭呀叔無啦啦撩我地講野，問我地佢戴呢副太陽眼鏡靚唔靚仔，又問我地邊度黎。當佢聽到我係法國exchange就即刻好興奮轉埋法文同我地吹水（佢法文似乎講得好過英文好多），仲發現佢之前有一排住係我exchange個城市，就繼續好興奮咁講佢以前點。但我地差唔多時間要搭巴士啦，諗住同佢say byebye啦，點知佢好好人話帶我地行去巴士站（都要行成15分鐘先到tram果個站再行，然後佢就咁掉低間舖俾第二個呀叔），我地其實話自己去可以，但佢就話一定要帶我地。佢沿途不停講法文（開始聽到有啲辛苦），又話下次帶我地去佢屋企食飯，仲要一齊飲酒跳舞，又係都要同我frd交換whatsapp，好彩佢俾咗土耳其電話佢，之後都聯絡唔到（因為佢都有啲似怪叔叔，都費時keep contact）。

去到巴士站16:15，距離16:30仲有三個字，就諗住搵咗月台先，點知大獲。再check多次張飛，原來係16:00唔係16:30，我地一路都記錯時間，架巴士已經開走咗，gg。我地好彷徨咁周圍問人，好彩各大巴士公司都係巴士站有counter，又好彩17:00有班車，咁我地補返32₺就可以搭下一架（其實原價都只係39₺）。上到車真係wow一聲，無諗過有電視（仲要唔係淨係得bollywood/ 土耳其戲，有spider-man，harry potter果啲。雖然唔係最update，但算係咁啦）啲位都幾闊，闊過flixbus，同埋有得叉電。

最驚訝係搭3個半鐘既巴士，都竟然有人送餐，有蛋糕、百力滋等等既小食，有水茶咖啡同汽水飲。個「地上少爺（唔知點叫地面既空少）」仲好盡責咁派野收垃圾來回好多次，到咗又問我地要去邊指俾的地睇，真係敬業200分，辛苦了。


Denizli都無咩特別好行，所以我地揀咗間係正巴士站隔離既酒店Yildirim Hotel Denizli，方便聽朝去棉堡。兩星酒店但算係咁，間房四四正正，幾大間，有洗頭水同番梘仲包自助早餐都只係hkd$213一晚。Antalya完全無聽過廣東話，係Denizli酒店終於聽到，果然棉堡係港人旅遊熱點～

check in完就是但入咗附近一間好local既餐廳叫咗芝士蛋pide，肉丸同試咗個Lentil soup（豆湯）。成個餐牌都無寫價錢，最後埋單佢都係是但寫40₺。唔緊要既，俾佢賺遊客多少少無所謂，一人20₺都唔貴所以都費時追問啲野幾錢。

咁癲

樓主由Antalya去Denizli答邊間公司嘅巴士？

間餐廳叫咩名？

全部都搭Kamil Koc呀