今次旅行都係大路既路線: 伊斯坦堡Istanbul-安塔亞Antalya-棉堡Pamukkale-卡帕多奇亞Cappadocia-伊斯坦堡Istanbul
伊斯坦堡Istanbul (11-13 May）
安塔亞Antalya (13-14 May）
棉堡Pamukkale + Denizli（14-15 May）
卡帕多奇亞Cappadocia（16-18 May）
伊斯坦堡Istanbul（18-20 May）
講下機票先， 我係法國exchange，由比利時飛，來回$948hkd（歐洲飛都好多係類似呢個價錢）去伊斯坦堡Sabiha Gocken International Airport (SAW)，一日都有幾班機可以揀，我唔想咁早起身咁辛苦，就揀咗下晝去下晝返輕輕鬆鬆。我frd Emirates由香港飛就要4千幾蚊來回。伊斯坦堡有兩個國際機場，Istanbul Ataturk Airport己經係4月果時搬咗去武雷公咁遠既Istanbul Airport (IST)，如果要去既人記住留意，唔係之前啲blog話好近市區既機場
SAW主要係歐洲同內陸機，IST就係其他國家飛去，所以香港去既大部分都飛IST。
住宿方面， 伊斯坦堡前2晚後2晚都住得幾高級（4星），因為始終有啲驚太細型／太偏僻既酒店，每人~25-30€ 一晚。其他地方住既就唔太貴，~15-20€，遲下再逐間講下。
而洗費方面土耳其係用里拉（Turkish Lira: ₺）既，我就暢咗300€（1987.5₺），夠晒10日唔使慳住咁食野，巴士飛，仲包括咗一個day tour（如果你有好多手信要買就另計啦）。找換店好多無得直接暢港紙，如果唔想煩都可以㩒機，機場有好多atm都接受銀聯 visa mastercard etc. 我去到先暢錢既，google當日匯率 1€:6.72₺（港幣大約$1= 0.77₺）機場找換店例牌匯率差，我係機場見到匯率係 1€: 6.3₺
，我建議暢少少就可以，出市區周街都有找換店，我暢都有 1€:6.62₺，甚至有見過1€:6.70₺交通方面，SAW機場出市區有架Havaist機場巴士，直接去到新城區Taksim Square/ 亞洲區Kadıköy，上網話半個鐘一班，不過成日都有車，要18₺一程，如果之後要轉車就再要俾錢。我住舊城區，反正都係要轉車，就跟google map路線去搭公共交通工具，5-8₺（視乎距離）就一定去到酒店，不過時間就要預多15-30分鐘左右。
伊斯坦堡公共交通工具係google map可以查到既，有tram/ metro/ 巴士/ 火車，條路線都幾準，不過顯示等車到站既時間有少少出入，最好就預鬆時間，因為有啲巴士同火車都未必好密。記住記住一定要買伊斯坦堡卡，因為佢地淨係收呢張卡，唔收credit card同cash（機場巴士Havaist除外，淨係收cash）。安塔亞google map係搵唔到，要用個app叫moovit。佢地都有張安塔亞卡，用法同伊斯坦堡卡一樣，其他城市後面再講。
土耳其的士唔太貴，4₺起錶，之前搭7km大約30₺左右。記住要上車睇起錶價／講定價，有啲會唔係4₺起錶呃遊客錢。大城市交通幾方便，可以搭公共交通工具（2.6₺一程），但小鎮我建議搭的士，因為巴士好多一個鐘先一架，個巴士站又難搵，time cost太高。
而城市與城市之間多數搭飛機／巴士，我本人好推薦Kamil Koc，服務質素一流。飛機就大多數人都搭 Turkish Airlines 既 AnadoluJet/ Pegasus Airlines, 兩間分別就係AnadoluJet有小食野飲同15kg寄艙，Pegasus 無。
如果有人睇／想知，我下篇再講下其他實用資料，唔係就開始遊記
利申：去完呢個trip發覺太好玩先打算寫遊記，唔係樣樣野都有圖，但我會盡量講清楚。第一次寫遊記，有咩寫得唔好／打錯，請見諒同改正小妹
我係你就俾貴少少包架車車曬你去d 景點
