(日本史)大日本帝國海海軍政治

日本缺油其實係中後期問題，本身日本石油戰略儲備夠兩年用，係真係石油短缺日本再已無優勢

唔夠人呢個講法之前睇永遠的0有聽過
早期贏曬係因為班兵勁，軍備又未同美國有咁大差距
但係打多幾場班精兵就死曬，剩返班新兵同開掛嘅美國打

其實日本最傷係比美帝斷左航空燃油，有興趣可以睇下編文(日文)


https://oilgas-info.jogmec.go.jp/_res/projects/default_project/_project_/pdf/0/662/200603_071a.pdf

陸軍同海軍馬鹿

日軍一直唔重視人命, 還是以19世紀中期戰列兵的思維把低層士兵甚至中下層骨幹士官當作消耗品, 不論平日訓練至戰術, 後勤, 醫療都反映出這種落後思維, 如日俄戰爭旅順要塞, 到太平洋的瓜島反攻, 逐島戰的死守玉碎, 及緬甸進攻印度均傷亡慘重, 只是在大陸戰場和太平洋開戰初期東南亞遇上了豬對手而打得輕鬆愉快, 連連取勝.

至於軍官就玩少數精英主義, 而空軍機師的陪訓就是過中極至, 開戰前每年只有少數機師能通過過分嚴格的訓練和考試入役, 只是自中途島及瓜島戰役後大量經歷過大陸及東南亞戰場經驗豐富的機師陣亡後, 原有的精英訓練體制根本無法應付戰爭時期的戰機機師需求, 就算日本傾國之力生產上萬架零戰, 根本沒有足夠經驗的機師駕駛, 戰爭後期的年輕機師根本是未滿師便被推上戰場送死, 惡果早在1943年的菲律賓海海戰Turkey shooting反映, 此役日本海軍航空戰力幾乎全消.

日軍高層將現代軍隊中大量需要技術及戰術並同的崗位(如戰機, 坦克, 工兵), 要不視作過去戰艦/戰列步兵隊中的少數指揮作用的校尉來陪訓使用(如戰機機師), 要不便視作為雜兵對待(如後勤中維修保障, 架橋, 爆破的專業工程師最多只是個準尉, 開汽車開坦克的就是雜兵而己), 在戰機和坦克也是消耗品的時代, 在人力資源陪訓和使用上與現代軍事管理脫節, 仍停留在一戰以前日俄戰爭以步兵人海戰術+精神取勝的水平, 保守過時的官僚精英主義加上離地on9的戰略和指揮, 平白浪費了一整代年青人的性命.

至於缺油的問題, 自太平洋戰爭中期, 因為海上補給受到美國海空軍的打擊, 以及Truk Lagoon的陷落, 日本海軍不得已把主力艦隊部署在星加坡而非本土軍港, 以便取得燃料及減少耗用本土珍貴的石油儲備, 在1944年雷伊泰灣海戰時大和等主力艦便是經由南中國海開往菲律賓, 中途多艘戰艦被美國潛艇擊沉.

現代戰爭其實就是資源消耗戰, 戰艦, 戰機都是吃石油的怪獸, 陸軍的摩托化部隊, 坦克, 運輸用的卡車都同樣耗用大量燃油, 二戰時日軍在大陸戰場長期維持有近2百萬陸軍, 廣大的大陸戰場卻不似歐洲只有數條鐵道連接主要城市, 公路建設也十分落後, 內陸交通不能只依靠低效的驢馬, 在發動大規模戰役就只有要靠汽車運輸, 其實日軍在佔領大陸單是維持各地駐軍的補給已白白浪費不少寶貴的燃油, 若只是佔領沿海主要城市而不貿然進軍大陸腹地, 減少據點和依靠更有效率的航運, 戰前儲備的石油資源應可更持久.

其實二戰前日本科研技術並唔差, 如Long Lance魚雷在開戰初期於瓜島的夜戰中大顯身手, 而美軍後來於海空戰制勝用雷達的魚骨天線便是由日本科學家發明, 只是日本軍部至財閥和學術界的精英階層自高自大無視下層的意見和成就, 甚至在前線中下層軍官專業的作戰指揮也經常被上層脫離現實甚至無能的將官和參謀部一條根的亂搞而至失敗戰歿.

77前日本關東軍吞併熱河, 77的目標就是要食埋平津, 國軍開火在先在後也改不了日本進逼吞併華北的步伐, 而當時逐步吞併慢慢消化也是日本政府和軍部的策略, 日本以為這樣一來不會引起烈強的反應, 日本民間也不會有太大的反對, 同時也不會挑起全面的對華戰爭.

當年國軍在華北只有些地方雜牌軍(西北軍), 沒有裝甲, 火炮和空軍的地方軍在華北平原上根本不是現代化的日軍對手, 蔣光頭眼見丟失北京是無法避免難以落台, 便諗計在自己經營已久的華東地盤和只有少量日本海軍陸戰隊駐防的上海日租界以強凌弱, 諗住在上海打仗會如128時引起英美的介入調停, 最好是迫使日本在華北停戰以交換日本保有上海日租界, 點知所謂精銳的德式中央軍打唔過日本的陸戰隊, 卻招來日軍的全面反攻.

當時日本政府原本也是想先吃了北平, 解圍上海也可以增加停戰後屈國民政府的籌碼, 不過日本政府派兵解圍卻給軍部擴大戰事的機會, 後繼發展照舊是軍部暴走, 主導權反而落在日本軍部手上, 雙方逐步升級多次增兵投入共百萬兵力, 比原先華北戰場更多.

結果日本軍部完美配合蔣光頭成功將戰略重心由北平轉到上海, 不過蔣光頭原先引入英美調停的如意算盤沒有打響, 反而平白招來日本全力進擊, 打光了自己老底的中央軍, 丟失了主要財源的上海和首都南京, 並成功使原來北方的地區戰役全面升級成兩國全面戰爭, 以今天連登仔的角度來講蔣光頭算唔算係鬼呢?

番外 5

大家睇完編文，相比起加藤友三郎，加藤寬治會唔會有人種係一個軍國主義推手同壞人嘅感覺? 而的確有人話加藤寬治係法西斯主義者，但我地睇番佢生平感覺又好似有啲唔同。

加藤寬治父親都係海軍，而加藤寬治啊媽更係識英文而加藤係佢教育下英文都極好，而且仲識德文俄文，佢本身曾留守英俄兩國周圍都好多外國fd，外交經驗豐富。

而睇番早期從軍經歷，佢一畢業就跟東鄉平八郎隻船，而佢第一次見世面就係去保護1893年夏威夷革命中日本移民，佢第一身目睹住美國"和平"咁吞併夏威夷，而係1898年再美西戰爭中食埋菲律賓，而美國更係中國推動門戶開放政策，整個美國勢力已經跨過太平洋包圍日本，如果大家係十九世紀末至二十世紀初睇下太平洋，有邊個唔係帝國主義者? 而美國更係華盛頓會議逼日本不論國防外交都受制美國，而且美國排日浪潮時有發生，西方更係巴黎和會中否決左日本提出嘅人種的差別撤廃提案(Racial Equality Proposal)， 難到依啲就係西方所講嘅人人平等、人民精神同民主主義嘅體現?


巴黎和會

而且加藤寬治係華盛頓會議係以技術代表參與，咁佢緊係支持海軍傳統支持10:7比例唔係好正常咩? 作為軍人當然想有一個更全面嘅國防安全又有咩錯? 而且加藤寬治係日本殖民主義潮流下都冇乜話想要侵略其他地方，算相當保守，佢又唔係唔願意同西方合作只係想日本有一個更好嘅比例，而且係佢晚年直程有少少親美傾向，可惜1939年死左冇人知佢對西方開戰嘅真正意願。

如果睇番佢一生，一直活係美國陰影下，大家又會唔會咁親美?

需然歷史冇如果，但係如果加藤寬治係企係加藤友三郎個邊，而加藤寬治又絕對有能力主持大局而再交棒俾米內光正、堀悌吉、山本五十六，咁日本又會點?



完

寫得好好！

巴黎和會真係令世人見到西方文明果種不義之處
協約國戰後用民主粉飾自己，但根本呃唔到亞非人
中國（東亞）人對西方價值既幻滅，巴黎和會似乎係極重要既事件

你又唔可以咁武斷話西方文明不義 西方都好努力改變但係時間唔等人 你好難叫人忍你幾十年

做得樣衰囉 唔講東亞
一戰英國佬策動阿拉伯起義 承諾會比人獨立 結果贏左就當無事發生 Lawrence of Arabia甚至當自己係阿拉伯既英雄事蹟只係一場笑話
二戰既做法都係肉酸、埋左好多炸彈，只起碼無做得咁出面

lm

跟住係第二個post有班傻閪話天皇係神 權力無限大

天皇理論上根據明治憲法的確係無上權力，但問題係天皇本身點理解自己權力，你要明裕仁係冇先例可以參考因為大正身體問題冇能力控制，而且冇元老指點下只能靠自己摸索，而裕仁天皇自我定位好明顯係偏向立憲君主但係事實上佢係無任何限制，依個落差其實係好致命，其實開戰前一刻天皇話唔打真係可以唔打

關係昭和想唔想打，係二戰咩角色，係有好大爭論既

但的而且確，明治基本係比班元老夾住，大正身體唔好，昭和係無咩先例可依。

其實我覺得係開戰一刻大家都等天皇打救 成班高官都十五十六冇把握，但又唔敢講驚俾人話投降主義，大家等天皇聖斷，但天皇明明都怕唔想打但又唔理解自己權力同責任，拖下拖下就玩完

係啊, 大學上過course都有講過, 成個明治以降既國家制度都有bug

天皇不受限制, 但又統而不治, 剩係聽唔做決定, 昭和本身都係模稜兩可
高官/軍頭個個都話係為左天皇, 無人有責任
明治開國之後賭親國運都贏, 中下級軍官慣左冒進搞大件事, 迫東京追認
本身係中央中樞既元老一個一個死
民選政府不成氣候

最後成個國家竟然係無一個核心faction/人物主戰下, 拖左入去打超級大國美國...