(日本史)大日本帝國海海軍政治

ひめたん

多圖呀樓主

好鐘意睇大正昭和時期既相同歷史

到後期美國有火控雷達，其實都幾關鍵下

先多謝好文👏
在下試下refer俾d日本人睇，睇下佢地有咩高見

番外 8

又講番海軍，其實加藤寬治依個人真係好有趣，佢不但係政治、體制上作出重大改變，而係技術上同海軍作戰方式等都作出重大貢獻，可謂十項全能，而最出名就係佢夠大膽。


加藤寬治

加藤寬治早係海軍兵學校已經名列前芧，唔單止係作戰上連海軍科技都係專家。加藤寬治係1907年已經俾山本權兵衛睇中，派左佢去倫敦一年作為技術專家監修金剛號戰艦，係一戰中作為伊吹號重巡洋艦艦長進攻德屬青島，再回國擔任海軍炮術學校校長並制造大量教材。


金剛號戰艦

加藤寬治係一戰後出訪歐洲，咁加藤當然好欣賞德國嘅潛艇科技，膽大包天嘅加藤竟然想引進德國科技而其實引進德國科技係反左當時巴黎和會嘅協定，加藤寬治當然馬上比加藤友三郎阻止，而依項嘗試係日後令有人當係加藤寬治係軍國主義者鐵證。

而係華盛頓海軍會議中，加藤寬治因為加藤友三郎接受10:6比例而多次爭執，而加藤寬治更加多次越過加藤友三郎直接向東京海軍省要求阻止加藤友三郎，而更加要脅係華盛頓切腹自殺 。

而係1927年當加藤寬治成為聯合艦隊司令長官個陣，佢就展開左佢嘅海軍改造大計，目的係為左離補佢係華盛頓海軍會議中嘅失敗。佢提出精神力比一切重要嘅概念，可以話係第一個將精神力去融入去海軍訓練中，目的係利用精神去補足物質上嘅缺乏。

佢當時個花名就係鬼寬治，雖然係伊集院五郎年代，海軍訓練強度已經好高，其中「月月火水木金金」就係形容海軍訓練從不間斷，但係加藤寬治手上可謂更上一層樓，開始以「無限制訓練」去培養海軍夜戰能力，而過度危險嘅訓練亦令美保關事件發生，美保關事件中海軍係夜間訓練中發生了嚴重的衝撞事故，一艘驅逐艦沉沒、兩艘軽巡洋艦及一艘驅逐艦受創，而令海軍共有120人因而死亡，神通艦長水城圭次係軍法會議判決前自殺，引起國內軒然大波但加藤寬治並未被追究責任。


軽巡洋艦神通艦首大破

加藤寬治一生做下無數影響日本海軍嘅決定，而日本海軍夜戰戰力係二戰中的確技驚四座，而加藤所帶出用精神力去克服物質差距亦可以話係神風同回天依啲瘋狂戰術嘅根源，加藤一生可為都波瀾萬丈或者遺禍無窮。

完

雖然對手係美國
但連英德車尾燈都有段距離喎

好似都聽過人講 二戰英國係東南亞算係部署失當
要打既話 皇家海軍係可以打巢日本

冇辦法之中嘅辦法 而且的確成果非凡 但係好易走火入魔

你睇番一航戰橫掃東南亞唔通真係技術同科技問題?一航戰赤城係印度洋空襲中錫蘭一戰做出16投16中簡直係瘋狂

陸軍航母、陸軍潛艇先正

無左飛行員 就傳唔到戰術，經驗比新手
又提供唔到比間廠 零戰有咩要改進同加強後代機設計

所以咪有局限
我上面一直講緊日本早期係贏在訓練同人 而你睇番加藤寬治都係相信艦隊決戰 咁日美戰爭係佢地眼中係短暫而迅速 咁根本不存在消耗問題
係之從班人亂咁將總力戰概念加入去