(日本史)大日本帝國海海軍政治

咁美英咁先進文明又咪係對日本國內十幾年間變化一知半解 講真如果美國有睇開日本新聞一早都覺得有ｄ唔妥掛 所以個個年代唔好太多要求

近排睇返坂上之雲, 戲裡有講到日清開戰前陸軍自把自為, 串同外交部制造有進無退的困局促使戰事擴大, 脅迫首相內閣, 變相捆綁全國上下沽注一擲去做賭撚, 好采打贏屈咗滿清一大筆錢用嚟作為將來發行日元的本位儲備, 打輸就幾十年明治維新的成果一舖清袋任人漁肉.

自此日本軍部就有舖賭撚癮, 嫌民選政府無大志阻住晒, 就搞出兵變, 剌殺民選首相內閣之狀舉, 128, 918, 77, 1938年上海戰線擴大至全面侵華戰爭, 每次都不斷重覆前方部隊不受東京政府節制而至事件失控, 為打而打但沒有長遠戰略目的, 以至最終泥足深陷於大陸戰場, 損兵折將勞民傷財而無所得益, 打贏落後的中國軍隊仲以為自己好勁好威, 後來玩得太大被美國制裁冇石油, 唔借機收手止賺鞏固成果仲去挑美國機, 結果畀人打到七個一皮一舖清袋, 軍方亂嚟搞咗幾十年都唔知為乜?

歷史冇如果, 但如日本打完東三省就收手, 今日D港女都未必有南泡睇

留名

點解明治重有陸奧、伊藤果種政治家、外交家
去到大正就係軍頭控制哂成個政府？
定其實前面果兩個都係一膽膽 不過賭贏左姐？

第二次上海事變明明係蔣光頭搞出黎
國軍本來係打算係華北同日軍決戰，蔣光頭話要係上海打巷戰搞亂晒國軍自己既作戰計劃

仲有77蘆溝橋其實係國軍開火在先

講起依藤博文，南泡政府先好笑

明明依藤係鴿派反對日泡合併，南泡政府仲當殺咗企係佢地果面既人既安重根係英雄

日本政府直情應該資助南泡起幫日本天誅國賊既安重根義士銅像

鴿條閪咩　乙巳條約（韓國放棄外交權、成為日本屬國）係伊藤帶兵入皇官逼韓國人簽既　
佢只唔想咁早合併、溫水煮蛙　憑依野泡菜佬就要多謝佢？發夢啦

番外 4

大家好似都覺得陸軍罪大惡極，海軍比佢拖累先會搞成咁，其實依樣野係日本都有一套理論叫陸軍悪玉論同海軍善玉論。大家覺得海軍比較好其實好多時係因為米内光政，井上成美同山本五十六俗稱親美鐵三角所影響，而且係終戰個陣海軍元老鈴木貫太郎、岡田啟介主持大局先能夠順利投降。的確依班人係相比下比較好同理性，尤其係山本五十六個人魅力幫海軍加左好多分。而且海軍係行精英主義，唔單止係教育上，而且擁有大量留學同出國工作經驗，就好似周不時都出國開下海軍會議又上下國際新聞，相比起班陸軍當然好似表現得有智慧啲又開眀。


東條英機

但係海軍依班人好多只係因為打唔驘美國而行親美路線被免衝突而非真心信奉西方價值，基本上班人多數對侵略其他地方係冇乜反對只要唔影響日美關係，咁其實同陸軍班人本質上又有乜分別，虧佢地又留學又讀書但係有幾多個真係有加藤友三郎咁嘅見識，而連有膽色反抗陸軍嘅人都唔多個。

如果海軍有好似加藤友三郎咁大膽係華盛頓會議後提出軍部大臣文官制同馬上炒左９成海軍將级軍官(好多有日俄海戰戰功)嘅氣魄，而又能夠係現代角度理解國防，就唔會搞成咁，而加藤友三係連英文都唔太識更唔好枉論外交經歷，加藤真係一個天材而海軍真係一代不如一代。


加藤友三郎
完

坂井三郎回憶錄咪話日本海軍軍官同士兵待遇相差好遠，陸軍軍官士兵待遇相差反而無咁大

睇完依篇真心覺得加藤既影響超大

有統帥權民主政府基本無辦法改革, 因為首先天皇統帥權係從《明治憲法》中所保護而天皇權利根本無人敢動, 所以要改革必然係由軍隊由內至外, 要有好似加藤友三郎依種人但現實上邊有咁易

帝國需要佢呢種人
報國報到連兩個仔都無埋
邊度搵

高汁Post留名支持，樓主

Btw如果對日本海軍Tactical野有興趣，最近發現個Youtube Channel講太平洋海戰好Detail
Montemayor
https://www.youtube.com/channel/UCX7katl3DVmch4D7LSvqbVQ
好耐先出一次片，但好高汁，已有片講Pearl Harbour, Coral Sea，岩岩出左Midway，成42分鐘

高質po留名
對海軍有興趣 難得連登有人講
想問吓D唔太關政治嘅嘢
其實有冇一場戰役係真係令IJN由贏變輸
以前歷史書就好鍾意寫中途島
但係有聽過有人講過其他戰役
定係其實成個海軍由開始太平洋戰爭就從內部指揮去到資源軍備都唔可能打得贏?

冇得講，後世人睇盡所有資料解密，每場戰役都知道軍力對比
甚至發燒友連兩邊海軍調動都知埋
咁開外掛法每場戰役都可以隨你喜歡比邊一方打贏
美國太屈機 對比日本
好似打機開祕技咁，對日本黎講同無限資源冇分別
你前面擊沉佢一艘，後面有五艘諗緊改咩名落水

戰場係太平洋，海戰唔係靠單兵素養可以拉得返艦數個差距
我個人認為日本想有得同美國打除非比30年時間消化滿州，華東，台灣既收獲 或者10年 上面+東南亞
但冇可能啦

你唔可以話靠單兵素養冇用，因為就算無論美日都冇諗過佢地之間係一場總力戰，而不論美方WAR PLAN ORANGE定日方帝國防禦大綱都係等一場艦隊決戰後戰事就完結，如果真係如佢地所願日方單兵素養係一場艦隊決戰中必然係決定勝因素，睇番日方早期橫掃太平洋絕對展現出日本實力，但一打唒班精兵就玩完，所以日本與其話唔夠船，不如話唔夠人。

你要企番係個個時代諗，當所有國家視馬漢為尊，當然重視一支決戰海軍，而且之前無論黃海海戰，對馬海戰，日德蘭海戰在前，早期又唔太重視反潛同護航，驅逐艦自然少。日本反而利用驅逐艦夜戰其實已經好突破同創新