(日本史)大日本帝國海海軍政治

退休提督留名

CH.4(正文開始)

時間一跳就到1920年，係一次大戰後日本係平民引導下積極參與國際政治同西方列強交流， 從而令日本真正係政治、軍事上成為世界列強之一 但日本嘅發展亦引起美國疑慮 而日本係太平洋、夏威夷、美國東岸大量移民亦直接令美國係1907、1913年出現排日潮，而係依段時期日美更發生軍事競賽，日本嘅八六艦隊同八八艦隊方案就係依段時間由加藤友三郎(大家要記住依個人好重要，加藤認為係日本史上最偉大同有實力嘅海軍政治家，而係日俄海戰中任聯合艦隊參謀長，佢戰功係同東鄉同LEVEL，政治方面更遠比東鄉重要) 。

日美係1920年可謂戰雲密佈，兩面都瘋狂建艦以爭取主動權，但係大家最終決定以政治解決，而1921年華盛頓海軍會議就係一切嘅起點，亦係令日本海軍走上不歸路嘅遠因。


華盛頓海軍會議



而加藤友三郎同加藤寬治就係因華盛頓海軍會議及其後左右海軍大局重要人物，加藤友三郎當時任職海軍大臣兼會議全權代理，而加藤寬治係海軍首席技術隨員代表(加藤寬治係海軍被受觸目嘅新星，日俄海戰中擔任東鄉旗艦炮術長，會議當時為海軍大學校校長) 。


中央為東鄉左手面就係加藤友三郎

華盛頓海軍會議對海軍最重要問題就艦隊比例，本身日本要求艦隊主力艦比例係10:7，即係美國有10隻日本要有7隻，日本10:7比例因由其實係從帝國防禦大綱中秋山真之丶佐藤鐵太郎所決定，佢地假定美國艦隊每巡航一千里戰力會下降10% 因為日美之間超過三千里，所以10:7就可以令日本安全(其實好撚求其，佐藤完全忽略科技發展所帶來革命性影響，但日本海軍就從此當聖旨) 。

但係美國都好似醒目，要求美日10:6比例 (其實美日都一樣咁傻 都係痴迷相信馬漢主力艦隊決戰理論 ，美國甚至係中途島之後先醒覺)，華盛頓海軍會議就演變成美日係艦隊比例上一輪大戰 ，而加藤友三郎傾向接受10:6比例， 因為加藤友三郎認為國防應該係外交為首軍事為副，只要大家FD底就冇事，但係加藤寬治就相反，認為10:7係必須，一個國家國防擁有最基本防守力量係必要，依兩個加藤嘅爭吵演變成整個日本海軍之間嘅分裂，其艦隊派以加藤寬治為首而條約派則以加藤友三郎為領導，開展出十幾年海軍內部政治鬥爭 。


中央為加藤友三郎

加藤友三郎作為海軍大臣兼會議全權代理，力排眾議力拒加藤寬治同傳統派挑戰，並聯同民主政府成功以10:6比例簽華盛頓海軍會條約，以四國、五國、九國公約確保日本係國際政治同太平洋嘅平等地位，但係依個結果直接種下禍根，明明一個民主明智嘅選擇反而令日本反而慢慢走上孤立之路。

下回待續

留名

留名支持

巴打我又唔覺乃木垃圾因為本身個個年代根本冇任何有效戰術去攻擊一個現代化要塞 而且係咁緊急情況下必須盡早攻破旅順 咁除左硬併仲有咩方法？ 你睇返克里米亞戰爭同一戰英法又咪咁柒 所以乃木係慘唔係垃圾

陣前易師咪攻得下

支持

有乃木做炮灰打殘守軍士氣力量再由兒玉收割勝利乃木仲唔慘

同意，發揮空間太細
當其時既武器科技始終守法佔大優勢，混凝土建築興建既陣地堡壘
有機槍防守，重型要塞有各梯隊陣地炮同輕重炮

攻方冇空中火力，陸地冇坦克裝甲車掩護，冇榴彈砲火箭筒等等，根本就要靠步兵用人命去填條深坑出黎前進，再睇運氣用炸藥定點引爆攻克，當其時既旅順基本上要只能靠重炮突破，靠海軍戰列艦主炮，陸地運重炮上黎建築營地又需要時間

除左正面強攻，根本冇辦法，換邊個上都係一樣
調返轉，日軍用戰壕搭機槍都夠屠殺哥薩克騎兵，係大屠殺
俄軍咪仲不堪

近代戰史上第一次攻堅要塞
守法實力唔弱，我一直覺得除左日本
任何國家做初攻都唔會贏，靠日本人民族性先成功到
上頭下令明知實死無生都堅決執行衝鋒，大部份軍國主義上腦，為民族共榮感而戰
頭幾次攻堅擺明用人命填

除左日本諗唔到有邊個國家可以成功

CH.5

1922年由依一刻開始，我地要了解下整個日本嘅情況。 首先日本係一戰後，基乎所有國際活動都好積極參加，民主又開始發展，社會又自由，重工業經濟又發達，又冇乜仇家，議會又成熟，又同英美FD底，好似一切都恩恩向榮，但點解又會係1931年發動918事變呢?


當時啲廣告

首先，加藤友三郎係華盛頓海軍會議後受英雄式觀迎，成功帶領日本走進新紀元，並係1922年成為首相推動親美政策，整個國家都穩步發展，佢亦大力改革海軍制度，甚至想將陸海軍大臣武官制變為現代文官制。但現實係殘酷，加藤友三郎健康一直好差而係1923年死去，咁岩就係關東大地震8日前，日本係加藤友三郎同關東大地震雙重打擊下開始出現問題，整個政府同海軍條約派陷入混亂(大正真係好不幸)，而一切改革成果付諸流水，而天秤開始向加藤寬治艦隊派倒下。


關東大地震

加藤寬治係加藤友三郎死後就再冇人政治、能力同威望上有人能夠匹敵，加藤寬治由海軍大學校校長升到第二艦隊司令再到聯合艦隊司令長官(曾經帶長門號出訪香港、亦係長門身為聯合艦隊旗艦唯一一次和平外訪)，之後再升到軍令部部長，近乎君臨整個日本海軍權力核心。


長門號出訪香港，以前香港


當日新聞

而條約派加藤友三郎已死，山梨勝之進(佢好慘身為大將但冇出任過海軍大臣、軍令部部長、聯合艦隊司令長官，情況極少見)、堀悌吉(被山本五十六評為奇材，同山本同期但能力比山本強，如果佢冇出事應該堀悌吉先係聯合艦隊司令而非山本)，同古賀峯一(山本死後接替聯合艦隊司令)成為條約派核心。但係同加藤寬治比較起威望同影響力都差一級，令到條約派係部內改革開始舉步為艱，亦令條約派變得被動，為黎緊1930年嘅倫敦海軍軍備會議帶來暗湧。


堀悌吉

下回待續

乃木想帶埋成個參謀部做肉彈真係幾慘

LM

佢自己都差d上埋去

巴打寫得好好

留名

果然冇乜人睇 係題材太冷門定太無聊 定係冇討論空間?