(日本史)大日本帝國海海軍政治

但日海軍唔識轉諗法
二戰中後日海軍將大量預算用係超弩級戰列艦，同預艦可以起4隻以上航母，仲要因為燃油短缺，超弩級唔能夠用最先進既煱爐
就係高層停留係東鄉同主力艦決戰俄艦隊既榮光
南雲忠一係中途島都係以戰列艦做主攻，令航母節損嚴重
其實二戰時期日本既造船技巧可比美國
但製鋼弱同缺少燃油令日本海軍係珍珠港一年後極速收皮

有睇呀！
題材雖然冷門,但係樓主寫得好精彩呀
硬要雞蛋裏挑骨頭嘅話
係偶而有啲錯字喳
之於討論空間
就因為我根本唔熟日本歷史
我講唔出啲咩廢話
btw 樓主加油

寫完本編再同大家分柝下大日本帝國政治奇怪嘅地方

陸海軍唔內鬥會勁好多

CH.9

1935-6年係戰前最重要兩年，因為可以話係日本軍國主義正式形成時期。首先係1935年十二月到36年三月舉行的第二次倫敦海軍裁軍會議。其實係1934年事前會議中，日本決定派出山本五十六但並無成果(緊餘少數一個親美派兼有經驗同能力嘅人)，亦係山本登上國際舞台後開始廣為人認識嘅契機。而係1935年舉行正式會議中山本亦被選中但佢拒絕接受任命(山本應該估到去左都冇用)，而今次係永野修身帶領下，不論政府同條約派都無力反抗，而會議結果係災難性，任由加藤寬治一派係幕後將佢怨恨十幾年嘅裁軍協議打破，而太平洋馬上重新進入軍備競賽，日本正式脫離由美英主導嘅國際體系(華盛頓體系)，美日關係真正開始出現裂痕。


永野修身


到依一刻大家都對條約派問艦隊派有啲認識，但係有啲重點要講番。首先條約派不等於親美而艦隊派不等於反美，條約派不等於愛好和平而艦隊派不等於好戰。

其實加藤寬治本身都唔太反美，但加藤寬治反對嘅係日美之間不平等，點解日本一定要犧牲自己國家安全? 雖然10:7比例都係求求其其計出黎但係點解日本必定要屈服係美國之下?相反加藤友三郎好似好開明，但佢一開始自己一言堂接受裁軍同10:6比例其實並冇通知同諮詢海軍內部意見，用一個獨斷方式去決定整個日本海軍走向係咪真係咁明智?

哟人雖然係佢生前包括加藤寬治都怕左佢冇人敢出聲，所以係佢死後艦隊派先反撲，加藤友三郎自己其實都明白問題，但早在會議中加藤友三郎身體已經唔好，會唔會病情影響左加藤判斷? 如果加藤友三郎處理好哟甚至係將加藤寬治早早排除出海軍核心的話，問題就唔會咁大? 所以本身不論艦隊派同條約派都係有理由同問題，而加藤友三郎嘅死已經令條約派無以為繼。(所以大正真係太不幸，天皇本身精神問題難以監督國家，天皇又不能親手教育昭和天皇，民選重臣被殺、加藤友三郎又早死而一死就有一個大規模天災係首都出現，咁黑真係)

而另一方面，整個日本係有根本制度問題，海陸軍各自為政、議會政府無力控制、皇族從軍而權力過大、海陸軍對自己中下層又屢屢緃容等等都係令整個日本軍部係短短十多年間完全失控，而人民由嚮往西方自由民主而變成一個反其道而行嘅國家。

而係二次倫敦海軍裁軍會議中發生嘅二二六事件正正將日本民主議會時代終結。


二二六事件

下回待續

傳聞德國一款引擎可以賣兩次收兩次錢?
因為海軍比左錢買覺得好用跟住陸軍想用就會再同德國買多次

仲聽講過海陸軍螺絲擰唔同方向

大炮巨艦主義始終係當時既主流
航母戰機主義係美帝都仲係小數
當其時九成國家都未將空軍獨立成軍，依然係各自既陸/海軍航空隊

華盛頓海軍條約幫左日本啦
唔係實比八八艦隊計劃拖冧
居然係率先退出

就算唔內鬥都唔會改變到2戰最後戰敗的結果。

因為2戰對手係開哂外掛的美國

典型勢力範圍內資源決定結果的例子。

呢樣仲未計日軍在美軍參戰後各種失誤。

lm

其實係大戰開始時各國都係，但好多國家都中期轉軚
德國唔夠資源做主力艦，索性發展潛艇，效率仲高

其實咁講全世界海軍都唔識轉諗法

不論日本有一路更新嘅帝國防禦大綱同美帝WAR PLAN ORANGE佢地諗法去到太平洋戰後期都冇變過，冇經過嚴重失敗從而推翻主流，而重新建立一派學說係好難

的確對日本有利 但戰後都美英又何嘗唔厭戰? 而美英關係其實係一戰後都唔係太好 大家各取所需

但注意一點：雖然係少數，但美國亦係最早意識到航母威力的國家，唔會比當時日本慢

早係上世紀20年代尾30年代時期，美國己經開始用saratoga(cv-3)研究各種航母戰術。

當然呢個行為亦係因為華盛頓條約關係，半被迫地去開發一些不受條約規管的戰術。

如果冇華盛頓條約的話，可能航母時代未必有咁早來臨，但遲早也會意識到時代改變。

p.s: 注意近代係各領域帶來革命性變化也主要係美國

第一艘專為航空母艦設計係英國競技神號但落水仲遲過日本鳳翔號

而第一次展現出航空戰力優勢都係英國空襲塔蘭托戰役 但英意雙方都理解唔到

反而係山本天資過人係珍珠港一戰成名

其實係山本帶領下日本已經走得好前

lm

對。其實日軍2戰失敗真係非戰之罪。係佢對手太規格外

美國的工業力實在太恐怖，到而家都係，加上地理上2條護城河（太平洋/大西洋）喺度。

只有痴線佬先會想同美國開片

德國唔玩主力艦仲有個因素
戈林 Göring 唔想海軍坐大，搶好多預算
更加忍受唔到將飛行作戰部隊讓比海軍，所以德軍唔洗旨意玩空母

但邊個估到唔玩主力艦，焗住玩潛艇殺傷力仲大

潛艇係本少利大 但係又攞唔到制海權又支援唔到登陸 冇想像咁勁

英國當年將艦載機俾埋空軍管咪出晒事囉