(日本史)大日本帝國海海軍政治

其實二戰效率最高既潛艇部隊係美國海軍

太平洋戰爭一開始日本已經停咗信濃同第四首大和級既建造
大鳳號就趕工落成
應該話既係日本點解寧願起大和武藏都唔起金剛代艦

德意志既生存空間係東面，航母有乜用?

雖然係馬後砲, 但都要講一下: 美日2邊基礎實力差太遠了, 就算預算在喺正確方向, 都只喺延遲戰敗時間...
一開始就行錯步做錯選擇, 之後點搞都係無補於事, 冇辦法改變大局. 從日本產生有機會戰勝列強的錯覺果陣,就已經決定佐大日本帝國失敗的結果.

某程度上2戰美軍潛艇效率高. 都係拜佢對手日本反潛癈到冇朋友所賜
試下2戰日軍反潛有當年英軍一半效率. 已經唔同哂玩法.

雖然英軍的反潛亦係俾對手德軍的U-boat逼出來

的確收左兩次錢
螺絲方向問題暫時好似冇實質設計圖支持純粹傳聞

同俾斯麥一樣，贏左日俄戰爭反而令成個國家陷入萬劫不復之地
btw 講到昭和維新

CH.10

要講二二六事件同海單嘅關係並不簡單，首先要理解整個日本軍結構同生態。首先係日本陸軍中有兩大派系「皇道派」同 「統制派」。「皇道派」係建基於思想家北一輝嘅理論，主張天皇親政同昭和維新，同海軍中血盟團和櫻會十分相似，並由陸軍中主要人物荒木貞夫、真崎甚三郎等，支持北進論與蘇聯決戰。


北一輝 日本軍國主義先驅


荒木貞夫

而「統制派」係由永田鐵山同東條英機作為代表，「統制派」和「皇道派」相反，主張利用現有制度中加入軍部獨裁成份，維持天皇立憲地位。而永田鐵山係1934年被皇道派的相澤三郎斬殺後更令兩派矛盾加劇，勢成水火。


永田鐵山 譽為日本軍中第一大腦

而本身加藤寬治領導嘅艦隊派一直同堅決反對裁軍嘅「皇道派」關係幾好，加藤寬治本身都成日同北一輝、荒木貞夫、真崎甚三郎依哟人交往。而「皇道派」一直將齋藤實、岡田啟介同鈴木貫太郎一班條約派海軍元老視為最大敵人，因為「皇道派」認為依班人連同民主政府一直妨礙天皇施政而岡田啟介更係時任首相支持裁軍。



岡田啟介 和平派重臣 加藤寬治同鄉兼前輩 少數能克制艦隊派嘅人

二二六詳細唔多講，但係「皇道派」主要目標包括齋藤實(内大臣 被殺)、岡田啟介(首相 冇事但從此退隠)、鈴木貫太郎(侍従長 重傷但從此退隠 直到45年被任首相負責投降)、高橋是清(大蔵大臣 平民政治家 被殺)、牧野伸顕(元老 冇事但從此退隠)、西園寺公望(元老 冇事但從此退隠)、渡辺錠太郎(陸軍教育総監 裁軍支持者 被殺)。



而當「皇道派」進攻條約派海軍元老個陣，係政變一刻加藤寬治本身都呆左，一冷静並馬上同伏見宮博恭王進見天皇去嘗試振壓事件，而且不論艦隊派同條約派都馬上一齊去救人(果然陸海軍矛貭更深)，海軍馬上動員第一第同第二艦隊去東京同大阪連同海軍陸戰隊去保護海軍高層，當時接近40艘戰艦係東京灣，內戰直程一觸即發。

但幸好事件冇惡化，但係岡田啟介已經決定請辭，而條約派所有反抗力量近乎玩完。但艦隊派都唔好得多，因為加藤寬治同「皇道派」關係令艦隊派陷入危機，艦隊派現役重臣山本英輔、中村良三被強制調入預備伇，伏見宮博恭王同加藤寬治亦因二二六而關係決裂，伏見宮博恭王轉投親美米內光正上本五十六一派，加藤寬治亦因二二六未能進昇元帥海軍大将。

由華盛頓海軍會議到二二六事件係一個時代終結，日本十幾年努力加入國際社會努力付諸流水、海軍大量人材被逼害、部內因條約派同艦隊派瓦解而陷入混亂、中下層獨行獨斷而高層無力控制、整個社會瀰漫白色恐怖、軍部獨裁成為事實，由依一刻日本可以話正式踏上軍國主義國家之路。

本編完

之後講下啲海軍無聊野

主要參考書

麻田貞雄 From Mahan to Pearl Harbor: the Imperial Japanese Navy and the United States.(神作 深入淺出 有中文版)

麻田貞雄 両大戦間の日米関係―海軍と政策決定過程 (日文) HKU有

麻田貞雄今年死左

Evans, D and Peattie, M. Kaigun: Strategy, Tactics, and Technology in the Imperial Japanese Navy, 1887-1941 (海軍入門必睇) HKU, UST好似有

野村實 日本海軍の歴史 (日本海軍史專家) HKU好似有

太田久元 戦間期の日本海軍と統帥権 新新地香港冇

番外 1


大家都應該知佢係邊個 西鄉隆盛
但其實銅像個樣係由佢細路西鄉從道個樣作出黎
因為西鄉隆盛並冇相片同畫象流傳後世 真係好怪咁重要人物都冇留低
而西鄉從道就係日本海軍奠基者 日本第一個海軍元帥

日本海軍元帥其實好少 唔計追封只有西鄉從道、伊東祐亨、井上良馨、東鄉平八郎、伊集院五郎、伏見宮博恭王同永野修身

完

螺絲方面
我睇過本書話當時日本國內未有統一公制
即係A廠用美式尺吋
B廠用法式尺吋
C座用德式尺吋
所以好多零件唔兼容

正

即使俾日本當年喺滿州搵到+有能力開採大慶油田
日本贏機會機會都仲喺0, 當時日本開發技術能力+資源都比唔上美國
睇完#85的PO. 就知道日本當年實際技術發展能力同英美相比, 始終差一班. 日本自己做唔出高性能飛機引擎同彈射器, 注定到中後期會比美軍壓著打. 仲未計美國開外掛一樣的工業力.
俾佢有大慶油田做backup都好, 個人認為都係拖長日軍戰敗時間而已.

日本夠石油可以同美國打幾耐

即使俾日本當年喺滿州搵到+有能力開採大慶油田
日本贏機會機會都仲喺0, 當時日本開發技術能力+資源都比唔上美國
睇完#85的PO. 就知道日本當年實際技術發展能力同英美相比, 始終差一班. 日本自己做唔出高性能飛機引擎同彈射器, 注定到中後期會比美軍壓著打. 仲未計美國開外掛一樣的工業力.
俾佢有大慶油田做backup都好, 個人認為都係拖長日軍戰敗時間而已.

不過,如果日本有了大慶油田, 就未必會偷襲珍珠港(因為唔使為佐石油資源侵略東南亞). 咁美國介入太平洋戰爭的時間會延後. 但日本基本的劣勢(科研,整體資源, 工業力) 並冇改變. 只係石油禁運對搵到大油田的日本已經冇意義而已.

正啊，高質！

睇緊啊好正