［26］繼續電單車經驗交流（29)

垃圾翔利
早撚知去泰力

大家去泰力好過
2間價錢一樣 手續仲要多d
翔利拎貨都係要問總代理

想問 如果學牌出二手車，掛住個學牌試車？
另一個問題就係買賣雙方地點距離遠既話，係咪call貨車 車返去？

thx brother 咁個身壓落去定直身好
啊sir教直身但我壓落去先打到

自己揸返去

點樣比你試呀 你無保險喎 叫佢兜個圈 甚至坐佢後座
地點遠你咪加多少叫佢揸去你到交比你

壓落去會有機落腳, 因為車側咗又用埋嗰身壓落去好易瀨

可能係學牌, 上唔到高速同入唔到隧道, 所以先要搵拖車

嘩, 依家買車自己練, 想守法唔行高速/隧道, 原來都要俾人話.....

去學院租車夠唔係唯一途徑囉
況且買車淨係可以練車, 代步唔得?
人地有咁嘅能力, 考慮過覺得可以買, 又守法, 你有咩資格話人?

大個仔 自己衡量啦
我就學牌有出車嘅 因為一早明左工多藝熟呢個道理
又好彩返放工時間夾到係合法時段
不過你第一次揸出街真係要小心

講緊買車拖車呀, 你唔好再拉遠啲, 講埋唔好紅公仔過馬路, 隨街掉垃圾呀

起碼依家講緊個part係守法, 之後佢犯法你可以話, 但都係後話
好似樓上師兄咁, 學牌出車, 合法時段揸, 有咩問題?

依家邊個話要違例泊車 非法改裝車輛?
你自己諗出黎?

我認識既人 如果學牌出車 都無視高速同隧道照揸

又要學牌買車 買完車又唔敢自己揸返屋企叫拖車
老實講 驚就唔好買 買就唔好驚

我覺得你鼓吹人地犯法多啲囉
明明講緊買車拖車, 自己講到其他犯法野黎講, 都on99, 人地呢刻無違例就已經夠啦

算啦
不如你講詳細啲 點解想出車 出左會唔會通勤 幾錢筆值 買咩類型個啲啦 嘈黎無意義

雙腿夾實個油缸就得，順住去

諗野唔好咁狹窄啦, 買車一定純綷為學車?
大把師兄買黎通勤/日常用架啦
咁買車個下, 可以好多原因而要拖車架者

我學院租車由銅鑼灣揸去淺水灣