（愛情少甜） 她是我的青梅竹馬，兼炮友 （重製版+結局篇）

時日如飛。

巧妍就是有這種魔力，能令每一天都變得容易過。

那次看樓盤後已經過了兩個月，我看中一個心儀的單位，很快便和業主簽了約。

業主是已經舉家移民加拿大的退休公務員，基本上不會回來香港，所以很乾脆和我簽了長約。

在業主眼中根本懶得考慮樓市升跌，故不需要在訂一張短期租約待期滿後再考慮調整租金等事宜。

這種爽快和我很合得來，他更同意我替他的單位裝修一番。

反正長住，即使約滿他要收回單位，我也賺了這段時間的舒適度。

我計劃把實用面積六百多呎的單位劃分為兩部分，把原本兩房的設計打通，變為一個用來畫畫的開放式空間，擺放顏料、畫架、畫框等物品。

而另一部份則是睡房和大廳半合體的設計，擺放大電視、音響等等設備。

當然這只是我的意念，雖然擅長畫畫，但卻不擅長設計。

我把這種意念告訴成為了設計師的兆健，其後他向我展示草圖，用料等等……我都一概懶理，讓他全權負責。

最後果然不負我的期望，出來的效果使我嘆為觀止。

「滿唔滿意先？」兆健問我。

「美源髮彩。」

「哈哈哈！雖然唔好笑，不過多謝喎！你執兩件衫就可以搬入嚟架喇！」他假笑三聲並說。

「簡直完美！過一排再請你哋上嚟開檯打牌！」我說。

「擇日不如撞日喇！晉傑off duty呀今日！」他提議。

「世昌條肥鳩呢？」

「佢返埋啲炒散之嘛，射波用乜易！」

「好心佢啦，畢咗業咁耐都唔好地地搵返工，搞咩呀佢。」對於這個老死的前途，我著實有點擔心。

「佢話還掂都買唔到樓架啦，不如自由啲仲好喎。」

「唉。是但佢。」

「咁我call馬上嚟架喇喎！」

「……咪……咪住！」我突然驚醒。

「又點呀渢生？」

「我應承咗一個人，要俾佢第一個作客。」我說的當然是巧妍。

「挑！踢波咩！」

「哈哈哈！唔好笑。」我假笑三聲回敬他。

「囡囡呀？」兆健問。沒錯，我並沒有和他們說我和巧妍交往的事。

「關你q事咩！」

「芷若呀？佢中學好嗒你糖喎！」

「唔好亂講啦，我同佢好耐無聯絡。」

「咁可惜呀！食得唔好嘥呀嘛！你唔食不如彈俾我！」

「聽講你就嚟結婚架喇喎！想我話俾阿嫂聽？」兆健的對象是職場上大他三歲的前輩，以女性的年紀來說，已經到了結婚黃金期。

當初兆健畢業後一入職便對她一見鍾情，並常常在whatsapp群組中請教我們追她的攻略。

在苦苦追求半年後，他們終於開花結果，想不到的是一年半後，更加修成正果。

「你千祈咪呀！絕交呀！我好難先追到個咁高質嘅姐姐架！」

「得喇得喇！快啲返去投入姐姐嘅懷抱啦。」

「佢同咗屋企人去旅行呀！」

「其實……拍得嗰一陣拖就決定結婚，唔會太急咩？」我問出心中的疑惑。

「其實兩個人啱唔啱，夾唔夾，相處一陣就知啦！我同佢返工由朝見到晚，但到咗星期六、日都仲想見到對方，雖然我細佢三年，但大家相處落一啲問題都無，你唔好以為姐姐一定好tough呀，佢對住我不知幾小鳥依人……我覺得無論我同佢一齊幾耐都唔會悶唔會厭，結婚只係一個形式啫，反正佢年紀一早到咗適婚年齡，早啲結婚早啲生仔都係一件好事。有時候，時間並唔係用嚟衡量愛情嘅單位。」兆健罕有地說出自己心聲。

時間並不是用來衡量愛情的單位……

這句說話一直縈繞在我心頭，久久沒法釋懷。

兆健走後沒多久，我向巧妍發送了一個訊息。

加速

推

巧妍gg了

加速

fast

唉巧妍真慘

之前樓主好似話今日完到個故

自膠睇錯

唔好啦

仲有冇

芷若係賤種，冇錯
黃澄渢忘記唔到詩雨，搵人令佢自己有安全感，雖然受到芷若誤導係慘，但佢自己都係一個仆街
因果
已聞到sad end燶味

真
其實男主先係最仆街嗰個

Ching中哂

巧妍巧慘

岩岩去左紙言睇樓主啲文
想問下偷戀最尾點解要去跑馬地
諗咗好耐都耐唔到

畀返時雨我
(時雨做sp嘅部份出咗未？？耐到我懵撚咗）

加速

你真係懵撚咗

詩雨呀...

你可知道對我做過 什麼最殘忍

黃澄渢正仆街

青梅竹馬呢，炮友呢
講到講仆街食完最後bad end

咪即係mk一名

落酒吧撞見舊朋友食完女唔認數

但講到自己幾愛當年果個