[平成最後のお花見] 北陸溫泉賞味之旅

唔係啦 我少去日本玩多少少 ja
其他巴打去得密 d 又玩得勁 d 啦

我今次住山代
行出街係幾靜, 唔多人
但好奇怪架
去到旅館食飯 d 人就唔知邊度出晒黎

一個人對住個主廚好尷尬

温泉旅館同お任せ
兩樣都唔會平，巴打你呢度兩度應該已經貴過我去一次旅行嘅洗費

去旅行最緊要個體驗係開心就夠啦
唔一定貴先好, 平就唔好既

黎緊 plan plan 去北陸啦

你諗多左
人地一個人整10個8個人野食, 邊有時間同你談心

上年去左北陸賞櫻
不過天氣突然變暖 +不停落雨
d櫻花打晒落地

打算遲d會plan去多次，行立山黑部 + 上高地

櫻花呢樣野就係咁 unpredictable
今年個花期算長, 佢開花期一直好天氣

上高地正呀, 你行既意思係行山?
因為我見路牌同 d 人係上高地行上穗高連峰

yup無錯
本身對購物完全無興趣，寧願將d時間放多d係去多d唔同地方，睇多d風景度

正喎,
我果次剩係大正池行去明神池
行上槍岳果 d or 行多幾日果 d 路線?
我見佢 d 配套好足, 風景又靚
加油

我成日都諗佢地係咪長期係自己房

冇咩人, 周不時都獨佔

福井有咁好的櫻花睇

仲要天氣又正 wo
唔坐低 chill 返下對唔住自己啦

飲飽食醉兼跌埋錢就搭車去富山


呢幾日都係將新幹線當 shuttle 咁周圍走


富山市好細下, 櫻花黎講得2個主要景點
分別係北口既環水公園, 同埋南口既松川
個藍天黎到富山就冇左啦


第一站係環水公園
呢個公園之前係運河, 跟住之後圍住個湖起左好多設施


感覺好乾淨舒服, 攪下活動/ 跑步一流


呢個公園入面有間好出名既 Starbuck
至於係咪最靚就個個人睇法唔同啦


前面係湖景, 側邊種滿櫻花, 背景係雪山


櫻花季節係一個 social gathering 既日子
大家都坐晒係湖邊野餐, 有小食車賣下野食, draught beer 咁
我地都好悠閒咁坐左陣


另外都有 d 人就唱下歌, 成件事好 chill


呢班友幾有心, 化晒妝玩傳統樂器


係度見到有人派 d 動漫既 file, 見幾靚就拎左
平時冇睇開唔知咩黎
返黎查返係"我想吃掉你的胰臟", 原來佢既劇情都係富山同高岡呢頭拍既


係環水公園 hea 到就日落就去左松川
呢個景點係日本櫻花百選
成條河好似變左櫻花隧道


佢係一條好窄既河2岸都種滿晒櫻花
中間有 d 觀光船仔行, 幾有 feel


行到咁上下有架貨車仔賣煨蕃薯, 勁香


行多一陣都差唔多天黑
一於 google 下有冇夜櫻先
咦, 又有喎




咁呢度2邊打晒燈都有 d 似目黑
不過少人好多


p.s. 聽日成日有野做, 後日再出 post
下回預告: 天ぷら おまかせ

其實未諗過行程係點
只係聽過同事話果邊d風景好靚
反正都唔會plan今年起行，重有時間

下回預告: Sushi おまかせ

堅係靚架
下面係我上次去 d 相
佢有唔同日數行山路線, 可以行上去 bg 果座山
慢慢 plan 下啦

"我想吃掉你的胰臟"
又多個理由叫自己去北陸

file 入面既 info

主打真係去雨晴海岸踩下單車先
我睇電影版唔知D 聖地係咪一樣既呢