[平成最後のお花見] 北陸溫泉賞味之旅

影多 d 好野返黎

之前睇過一本書, 叫做"料理王國"
講唔同日本美食既觀點
佢個作者係北大路魯山人

酒店隔離就係佢既故居, 一場黎到就梗係參觀下


魯山人係日本近代其中一個最 top 既食家同藝術家
佢好相信食物同藝術對美既追求殊途同歸
影響左日本將藝術融入料理既文化
而當年佢係山代住左一排
所以呢度d 物件, 文化周不時都有佢既影子


一入去送左杯茶俾我睇下片
日文我聽唔明, 畫面就講佢 d 生平, 作品果 d


而呢個茶室係佢當年同山代溫泉班 fd 聚會既地方


魯山人除左係美食家仲係書法家, 作家...
周不時都出散文, 呢度幾間旅館既牌匾都係佢寫


佢個書房, 對住個花園仔, 生活態度


而佢係度愈黎愈出名
唔同溫泉旅館既老闆都黎佢度飲茶聚會


佢好著重食野除左食物本身既”味”, 餐具, 環境擺設既”美”都係飲食既一環
而食物上枱, 最 directly related 就係個 d 器皿
結果佢學整陶瓷, 去整唔同既食器去 match 料理


而且最後做埋陶藝大師, 旅館同呢度都 display 左佢既作品


呢度亦都係日本燒製瓷器既頂級產地

早幾日係金澤 share 過加賀藩中意攪藝術
而其中一樣好有代表性既就係九谷燒
通常 d 用色都好鮮豔, 好多手繪圖案

山代溫泉大街都有1-2間瓷器鋪


幾鬼正, 買左幾個平平地既杯返香港
碟就咪攪啦, 洗碗唔小心跌爛就 gg



p.s. 呢篇可能少少悶, 我對藝術野冇乜 bg, 寫得唔好
但如果對食野有興趣既, 佢本書值得一睇

要睇地區間野有無特色
BTW 樓豬好RICH

你好似記得我講過啲咩咁

我依家先發現

加賀呢間界幾有地區特色
傳統得黎又有現代化既房
野食都唔錯 (下篇會 share)

諗多左
純粹覺得今年唔去富士山可能後年先去得
奧運應該會多人到爆炸

今年去富山士啦
順便睇住細佬

快啲更新

留名學野，八月去北陸，行程條路應該同樓主差不多

記住準備好 d 裝備
行完浸返晚溫泉

盡力啦

多謝巴打支持

路線大概都係咁
但我 skip 左 d 景點同整體有 dd hea
節奏快既可以加返少少

睇下聽日 up 唔 update 到
下幾篇全部都幾長

lm

出去兜完圈就返旅館
我覺得界既其中一個 focus 係溫泉既文化



佢攪左2個 session 既體驗
有 staff 教下 d 伸展, 呼吸果類野

之後就去左浸溫泉
咁細型既旅館既浴場就當然唔會好大
Anyways 其實都冇乜人浸
下面既相係官網 copy 既




溫泉旅館既重要一環就梗係食野啦
呢個亦都係揀旅館其中一個決定因素
界加賀供應既係傳統既懷石料理

一般都係10個8個 course
幾欣賞佢個餐牌日英對照
有時英文未必譯得咁好


起筷啦


先付: 主要係山同海既 local produces
海方面係時令既 ばい貝,
山方面季節感差 dd wo...


お椀:
呢樣係懷石料理最重要既靈魂
係漆器入面既清湯用昆布同木魚整
入面唔同既食材要互相配搭反映季節
去過唔少懷石料理既主廚都好小心試味同擺位, 非常之重視

櫻花 - 糯米 - 蝦丸 - 清湯


呢間 d 碗碗碟碟都好靚仔, 好鮮豔
魯山人有句名言就係”食器就是料理的衣裝”
Enjoy


八寸
前菜既延伸, 主要係唔同既小食配搭
呢味通常都係有好靚既擺盤


刺身係時令既鯛魚同 local既油甘魚
呢間都用幾多食用花, 黃色係醃菊花
粉紫色既係紫蘇花, 加少少配刺身好正


菜同蝦餅既炸物


間場既係白合蒸腐竹


主菜係昆布蒸鮑魚
佢係成個蒸籠咁上枱


最好味當然係鮑魚肝


差唔多埋尾就係白飯, 漬物, 味增湯


最後係蕃薯 mousse + 檸檬 sorbet
好好味, 出奇地夾


我地食得好鬼慢既關係
食完飯就差唔多夠鐘睇旅館安排既表演
等開場整返杯薰衣草茶先


每一間界都會有當地特色既節目
呢度既就係獅子舞, 都幾 dynamic
(同我地香港既其實都有 d 似)


最後當然係宵夜時間
呢隻薯片幾正, 城市超級市場都有得賣


Day 6 完

多謝支持

豪食豪遊好正

暫時冇計劃去日本, 等你 report

Sorry咁我會令你失望

又話去富士山, 出發啦