[平成最後のお花見] 北陸溫泉賞味之旅

未食和牛就唔似去到日本既

日本人食牛既文化係明治維新開始
為左社會文化發展同西方接軌, 開始學西方人食牛肉, 飲牛奶
當時 d 人就諗點樣將西方既牛肉融入日本既傳統
鋤燒就係其中一樣和洋折衷既料理成為我地今日見到既壽喜燒, sukiyaki

今日去食壽喜燒既餐廳就係當時明治年間已經開門做生意既 - 人形町今半


去左銀座既分店


lunch 有 set 同 full course
如果 order full course 通常都會安排個室


一上黎杯 draught beer 我唔知佢點樣拎入黎可以唔瀉


少少前菜 - 凍牛展


呢個係今日特上 course 既青森產和牛


蔬菜同燒豆腐


今半既壽喜燒係關東 style
佢係落醬汁煮滾左再放牛肉 / 其他配料
成個 course 會由著左和服既女待應幫手整


第一份只係得牛肉
食落去好嫩滑... 肉汁, 蛋汁同油香真係 perfect match
每次食 sukiyaki 都好開心, 和牛就係咁純粹既煮法已經好好味既食材


待應繼續度煮牛肉同其他食材
牛肉 - 大蔥 - 竹荀


牛肉 - 大蔥 - 香菇


燒豆腐 - 皇帝菜 - 甘荀


最後會整一個滑蛋飯



甜品揀左綠茶雪糕


呢度唔止野食好, 服務感覺係 elegant, 去到同安排都好有禮貌
食完之後佢地送我地出門口, 襟好 lift , 鞠躬到閂門先走

多謝支持

樓主影d相幾靚，留名

上次食壽喜燒覺得太甜唔太岩口味

樓主呢個係咸定甜

係銀座午市食呢SET要幾錢?
D FD 都成日話LUNCH 去銀座食野抵好多

Hahaha, 我拎左相機冇用過, 唔係會好少少

咸甜 balance, 呢度個汁預先較好
我之前京都食關西 style sukiyaki 佢 on the spot 溝, 同埋落砂糖, 如果重手左可能有你個情況

大概 8k pp
價錢黎講今半間間 d set 差不多, 揀間就腳 ok

食完飯想行多 d 路

行左去皇居附近 hea
呢附近好多好有特色既景點
次次都想黎行下, 今次終於安排到

首先去到既係皇居正門石橋
好靚仔既眼鏡型設計
上面既西式路燈同後面既伏見櫓雖然黎自2個唔同既世界, 但又好鬼夾 wo
咁呢度門主要係大事先會用
下 2 星期新天皇登基就會見到佢坐車係度出黎啦


皇居同東京既商業區中間有個大公園同護城河做 buffer
經過外苑同埋丸之內, 建築就變返高樓大廈


沿住中間條鋪到好靚既直路(行幸通り)行就到東京站
呢個紅磚建築既歐式建築係東京站既正門


一望落去勁似墨爾本個 Flinder street station
佢係由明治時期既建築大師辰野金吾設計
雖然二戰俾人炸爛左dd, 直到今日都係首都既中央車站


個門口對正皇居, 中間呢個門係天皇專用


跟住就繼續行去日本橋果邊, 天橋下面既係日本橋果條橋


日本橋係東京經濟發展開始既地區
亦都係幾條官道, 包括”東海道”既起點


呢度行到去京都要 503粁 = 503km


好多重要既設施同商店既本店都係呢度


半澤直樹係呢間銀行取景


之後經過日本銀行本店
(日本既央行, 其中一個工作係印銀紙)
又係明治維新果時起既歐洲式既建築,
佢同東京站一樣都係出自建築師辰野金吾既手筆


上空望落去會係一個”円”字 (photo from google map)


本來想 join 見學 tour, 睇下金庫同運作
但時間上安排唔到, 等下次再睇


跟住行左去日本橋三越本店
呢間野係全國第一間百貨公司


本身已經係百年歷史建築


睇埋內攏就更加犀利


4月3日已經整好 "令和" logo 既 sake


當年築地既前身-魚河岸, 就係日本橋附近
東京灣既魚穫係度交收左300年
之後關東大地震, 震爛左就搬左去築地

好睇又夠資訊

想去皇居好耐
不過唔想去東京

呢幾日睇幾個遊記都係去到皇居

皇居外好多人跑步

Thanks
我想寫多少少社會背景同文化
之後一篇會講少少平成就完左東京

今期流行
但呢排佢附近多 function 攪, 未必可以跑足全程

過年排先囉

宮內廳果度有得申請入去睇
但呢半年我諗都唔太方便
登基之後又要起大嘗宮

今個月係平成天皇在位既最後 1 個月
唔同既博物館都攪左 d 展覽去回顧佢在位呢 30 年
我地最後係東京既活動就去左日本橋高島屋本店睇展覽:

御即位30年 御成婚60年記念 特別展
国民とともに歩まれた平成の30年


個展覽係每日新聞社同宮內廳合作攪
主要係回顧天皇同皇后在位30年既生活同工作
高島屋正門擺左架當年結婚同即位用既馬車


(展覽入面唔影得相, 下面所有相係日本既新聞度 capture )
最重要既展品就係天皇同皇后當年"即位礼正殿の儀"既裝束
即係下面幅圖呢件


黎緊10月就會見到新天皇行呢個儀式


入面有好多幅國內既工作, 生活同外訪既相



平成呢 30 年日本都經歷左好多天災
展覽都回顧佢地 2 位對受災地既訪問
係展覽入面, 呢幾幅我印象幾深刻 (下面既圖係網上搵返返黎)


岩岩個 weekend 天皇同皇后都去左參觀, 亦都代表時代準備結束


行完就行返去酒店同東京站搭新幹線去北陸
かがやき號係呢條線最快既列車
由東京到金澤全程400幾公里
我地架車會停上野 大宮 長野 富山4個站


E7 真係好靚仔


晚餐就係日本橋高島屋菊乃井買左便當係火車食
穴子煮到軟綿綿同蛋絲係好有水準
飯就撈左醬汁同有 d 甘荀碎, 有層次感


基本上成車大部分人都係食下便當, 飲下野
前幾行有 2 條友拎埋個木盒仔 (枡) 飲sake
食下野, 吹下水, 2.5個鐘好快就到金澤啦

金澤會係今次去北陸既基地
之後用 pass 做唔同既 day trip
呢幾日會斷斷續續住係金澤車站上面既 via inn


book 左2間單人房
同朋友可以有多少少私人空間


知道金澤都冇咩甜品鋪既關係, 係東京買過去食
呢枝野我買果時以為普通果酒, alc 3%果 d... 點知飲飲下唔似 wo... 原來 1x % alc


最後睇下 Brexit 呢單野柒出國際既笑片就訓


Day 2 完

Push

Day 3 金澤 - 宇奈月溫泉

講左咁耐今日入正題講北陸

今日行程主要分2部分
第1部分係金澤市內"賞櫻"
第2部分會入黑部既宇奈月溫泉一泊二食

金澤之前係加賀藩既主城
因為物產好豐富, 江戶時代果時係最有錢既大名


咁有錢又唔想幕府驚佢造反, 就走左去玩藝術
果時藩主既花園 - 兼六園, 仲係日本既三大名園之一
一入到去就係 iconic 既石燈籠


原本諗住去到滿開
少少可惜既係之前落雪凍左幾日, 開花情況唔太理想


兼六園係迴遊式庭園
入面起左池塘, 假山, 茶室果 d


係入面圍住唔同既景黎行係好 Chill


而個名改做兼六園都其實幾貪心
因為想係一個園包含6款景色
至於邊6款同埋點欣賞我就暫時未有文化去了解


反正入到去都係一個好舒服既園林






兼六園應該係結婚相熱點, 入面有幾 pair couples 影緊


差唔多行完先見到幾棵滿開既櫻花


都叫睇到櫻花既


跟住就去左隔一條橋既金澤城
櫻花又係全部未開…


金澤城大部分舊建築已經燒毀左
E+ 見到既係近年重建既


我地入去”五十五間”長屋



佢重建就唔係好似大阪城咁用鋼筋水泥既現代方法整返出黎
係用返當年既木結構去整返出黎




佢都有介紹點樣用榫卯固定, 所以都值得一睇

thanks

咁兼六園值唔值去?

兼六園冬天雪景靚到痴線

上次十二月去超正

兼六園靚仔既, 做得幾精細, 多 details
我係少少唔好彩冇花睇

我都聽過兼六園睇雪最正
有冇相 share

街市係最直接反映當地既飲食喜好
去左近江町市場行


佢係一個 local 既 market, 唔會一味賣海膽長腳蟹 sell 遊客


因為富山灣地理關係, 呢度好多靚食材 (之後下一篇會講多少少)
入面既野由普通野到高級野都有
能登出既鮑魚


黎到北陸最出名, 最好食既魚
喉黑, のどぐろ
呢種深海白身魚最好係燒黎食, 油香再加肉質細嫩, 黎北陸必食


另一種北陸唔少得既魚係ブリ, 即係油甘魚, 呢度當然全條賣啦
其實金澤附近有個漁港叫冰見, 果度冬天出既頂級油甘魚叫冰見寒鰤, 氷見寒ブリ, 肉質同魚香又係出晒名正
E + 雖然少少過季, 但有機會都想試下佢


呢堆伊勢海老大隻, 生猛仲要三重縣出, 1隻大概6000 yen


游水既鮟鱇魚真係第一次見
係富山灣咁鬼特別既地形先做到
佢個肝一定超好味


另外有幾間賣菜既
影左呢 d 日本香菜, 大部分都唔知咩黎
但食飯周不時都見到


咁遊客野又唔係冇既, 都有 d 刺身同蠔




蟹可能唔岩季, 反而比較少


係近江町排隊食野唔係咁好控制時間, 返左金澤站食


佢前面個鐘係用水柱整出黎


去左都係魚販開既-魚菜屋


咁去金澤成日都聽人話食海鮮丼
通常都好豪華, 閒閒地10幾款刺身, 呢個個 fd 既:


系出名門既 cheap 清酒


我就中意刺身同飯分開
呢 set (枱上面既全部野) 都係 2600 yen


可能因為近白川鄉既關係, 金澤特別多鬼佬
有一段時間餐廳入面好多枱外國人, 同隔離班加拿大鬼吹左陣水
我諗果刻除左店員之外成間鋪都聽得明