[平成最後のお花見] 北陸溫泉賞味之旅

留名G持高質樓主

等你開 post 講關西建築

Push

真係幾HEA~

係 day 4 hea 少少
原本諗住 day 4 下晝去富山, 因為天氣問題改左
day 5 會回復正常

以為你會去咗下呂先添

下呂今次唔順路呀
day 6 會去加賀溫泉
(再俾我 plan 多次我會 replace 宇奈月 做 界.阿爾卑斯)

今晚終於輪到食壽司

今日拜訪既係金澤既乙女壽司
第2次黎食啦
個天仲係光... 唔講以為係 lunch


之前講過近住富山灣同日本海, 大把靚食材
再加埋好既師傳
所以金澤都有唔少高分既壽司鋪
酒肴, 壽司都好高汁


呢間係今次唯一一間同信用卡周旋左一陣既餐廳 (果時仲諗住佢上次坐唔滿, 今次可以唔洗咁煩)
已經係佢開放 booking 就 book
結果想要既日子(聽日) full 晒
想要既時間(1900) 又冇, 得1700
人地 e + 一星 + tabelog 4.1, 照殺啦冇計

大將一如既往既沉穩


飲左幾款當地既 sake
能登譽純米吟醸 - chef recommendation, 清香, 同白身魚好 match
宗玄隧道藏純米 - 呢款清酒我中意, 係已經廢線既能登線隧道低溫儲藏, 味道香氣豐富, 入口圓潤, 之後係百貨公司見到買左枝返香港
天狗舞山廢純米大吟醸 - 之前果2枝太好, 呢枝比左下去


呢度既 omakase, おまかせ, 有2款: sushi only / 酒肴 + sushi

第一個環節係酒肴
魷魚, いか
主廚將一片大既魷魚打橫用2刀片薄做3片


再切絲加炒香既芝麻, 口感同味道都好 match


隻牡丹蝦好生猛, 上枱條尾仲彈緊
食果時係完全感受到果種彈力, 清爽甜美


鮟鱇魚 (あんこう)
尋日係近江町市場介紹過, 今日就有得食
魚肉本身彈牙冇咩味, 用魚肝醬配搭, jeng


小鮪 - 蔥 - 薑


蛤清湯 (はまぐり), 即係大蜆
春天絕對係貝類既世界, 嫩滑鮮甜


北寄貝 (ほっき貝) - 水菜 - 白味增


北陸最 iconic 既魚係喉黒, のどぐろ
炭燒出魚油香味
係呢 d 級數既鋪頭, 味道都唔洗點多講, enjoy


跟住就入壽司環節
主要係北陸同傳統食材既互動
Shari 既溫度係人肌溫

甜蝦 (甘えび)
又大又靚仔, 甘甜澎拜


石斑 （真羽太）(マハタ)
壽司係靚靚仔仔既扇型


水針魚 (さより), 屬於春天既魚, 半透明既魚身, 又甜又脆


拖羅 (トロ)




小肌 (こはだ)
呢件係技術之作


喉黒(のどぐろ)
第2種玩法, 燒霜法處理既喉黒


日本鳳螺, ばい貝, 時令,
用金桔同鹽調味, 又脆又清甜


海膽 (うに)


白身魚味增湯


星鰻 (穴子), 炭燒, 綿密, 入口瞬間化開


鰻魚(うなぎ ) 手卷作結


Overall 係高水準既一餐
local 既時令食材, 魚貨處理, 由手握去到炭燒
選材一流, 配搭又正
但可能土地問題, 客人既袋一齊放晒係後面矮櫃頂
(可能會有少少亂啦, 拎星星就要留意少少呢 d... )

個omakase

拖羅

好野黎, 但我成日覺得 book 位好煩

呢件我拍左片, 佢放落黎, d 飯沉落去果下

正野

餐壽司正到
我一個人從來都唔敢食呢d

點解既?
我識勁少日文都照殺啦
好玩架, 我係 day 5 晚餐 share 多少少呢 d 互動先

食完都係6點半有 d 早
去左附近百貨公司行下
好自然地行2行又跌錢


之前話北陸呢頭出靚米
岩岩係壽司鋪飲果隻清酒, 隧道藏又平又好
行行下見到買左返黎


另外仲買左枝萬歲樂既白山
得閒飲下



另外呢... 近江町個篇 share 過話冰見 d 油甘魚好鬼出名既
今日竟然俾我見到佢
包裝話係今朝係魚市場買, 仲有半價, 冇理由唔買黎做宵夜試下



跟住經過生果 area 就買左 d 生果呢2日食
今晚就食呢盒士多啤梨 - 栃木縣既 skyberry
聽晚既生果就賣個關子先


跟手同 fd 分開行
我返酒店 laundry 洗少少衫同去附近超級市場買零食返香港




Fauchon 竟然 crossover Pocky
買左幾盒開心果返香港做手信


攪掂晒 d 野就食宵夜啦


Day4 完

個omakase 好豐富
樓豬都識好多魚 次次食完都唔知自己食過D 咩

係, 刺身之外佢仲有個炭爐燒野

白身魚果 d 其實好多仲未分得清...
其他就睇季節大概都會 expect 到食咩
去到見到再睇下市場, google 下慢慢累積

士多啤梨當飯食

冇豉油?

為何深夜總是餓

梗係有
食果時唧少少上去
唔係成兜豉油唔係好衛生

Day5: 金澤 - 福井 - 富山 - 金澤

天氣報告話今日係北陸最後1日既晴天
所以要改少少行程
會去附近2個城市睇櫻花
首先搭40分鐘 thunderbird 去福井


福井 local tram, 見到 d 鐵膠長短鏡係咁影
唔知有咩特別, 影左先算


黎到福井我地去左足羽川行
佢係櫻花百選, 沿住條河都種滿晒花
有條靚靚仔仔既櫻花隧道


櫻花真係配藍天先好睇


之前幾日都係去唔同既櫻花地點行行行
咁今日就一於坐低欣賞下
拎左張平時去 wild camp 既地蓆過黎慢慢 hea


櫻花下面 d 草地就係俾人野餐用


而呢個櫻花野餐, 佢地叫 お花見 (hanami)
情侶, 家庭, 同事係櫻花樹下鋪好地蓆
買 d 便當小食大家吹下水
係一個季節既 social gathering


東京果 d 例如上野公園就好混雜
一地都係人, 未必太好坐
呢度氣氛岩岩好, 熱鬧得黎又有少少距離


大家都係買好多野去飲飲食食
我地都係附近百貨公司買左 d 魚生, 燒餅, 零食去河邊賞櫻




當然仲有最重要既 sake
黎到福井有一間酒造一定要提既,就係-黑龍酒造
黑龍呢間野之所以出名, 係皇太子, 即係黎緊既天皇既至愛
之前講過清酒個 formula 係, 好水 + 好米 + 釀造 = 好酒
黑龍近白山融雪既九頭龍川; 加埋附近既山田錦米, 有好好既條件佢做 d 靚酒


當然窮撚就買唔起既天皇飲果款
我地買左2枝黑龍既大吟釀
1枝係度飲, 1枝拎返香港
咩都準備好晒我地就去 - 賞花飲酒


今日滿開, 風和日麗好舒服, 氣溫17,18度到


Cheers
呢隻酒幾 match 野餐, 香得黎飲落又清爽


食完野整返個布甸燒


唔洗去富山既話, 係度坐成個下晝都仲得




福井亦都係係大部分日本手工眼鏡既產地
係市區買左副 masunaga 眼鏡
details 去新黑果 d 睇啦,
做工認真好唔錯


跌完錢就閃人去富山

睇完只係覺得巴打好有錢