近期睇返無間道，發覺真係近廿年冇港產片超越到佢

唔係話留戀過去，但經典就係經典
劇本寫得太好
仲開創左臥底呢個先河，最後攪到去俾cctvb玩到爛

劉健明同陳永仁呢2個角色實在塑做得太好
有曬背景交代曬，再加上無二既出現令到佢地角色更加立體
當中最正就係寫返黃Sir同韓森點解會交惡，而韓森又點解會由忠臣一夜之間變龍頭大佬，亦睇得出倪永孝心計再高都唔及劉健明，唔係佢通風報信Mary唔洗死，韓森亦唔會報仇上到位做大佬。

去到第三集都冇乜野好講，成功做到無間道當中所講既無間地獄呢個境況，劉健明身邊人死曬，死又死唔去，得返最愛佢既Mary，但偏偏佢睇唔到，永遠佢既Mary就係俾佢累死既劉嘉玲Mary姐，不停出現開槍殺佢

依家港產片唔係唔好睇，但劇本同個宇宙觀真係做唔到無間道咁好，尤其係近年咁興呢一種宇宙觀，歐美做得好成功，希望香港之後都會做到，咪再一味痴住大陸拍埋曬啲垃圾CG戲

無間道同古惑仔
超越唔到

槍王

古惑仔返鄉下食屎啦

香港超越唔到舊野所以食老本
正常

喜馬拉雅星

黑社會

無間道同黑社會

兩套都好好睇

巴打可以解釋下點解黃sir同韓琛會交惡嗎？

黃Sir原本好欣賞韓琛雖然係做古惑仔
但唔係大奸大惡，唔會殺人放火
當初韓琛重情義，因為佢講過係倪永孝老豆倪坤救過佢
但倪永孝想洗底，殺曬佢字頭既話事人，仲要好衰唔衰俾佢知道係韓琛老婆搵人隊死佢老豆，所以殺埋韓琛老婆Mary，韓琛係秦國大難死唔去，認識左頭一集個毒品秦國佬做埋兄弟

返到香港，韓琛扮做污點證人
夾計迫黃Sir出手，一來射死左倪永孝
二來泰國佬同時捉走曬倪家既人，黃Sir最後問佢會唔會殺人全家，韓琛當時話唔會，黃Sir信佢
但最後都係殺曬，黃Sir自此知道呢個人已經唔係當初果個韓琛


但其實第二集韓琛一開頭已經安排左EDC去做臥底，所以佢係唔係黃Sir心中既好人，我有保留

呢度冇無間道迷？

唔止劇情

連選角都好屈機
齊哂咁多影帝係度

邊個知呀？

多謝解答

但殺倪家家人唔係泰國佬主意咩？
係車度打電話果陣韓琛有講過：凡事都唔洗去到咁盡？
只係泰國佬堅持要殺，所以都殺左
側面睇到韓琛都唔係完全冷血

同埋為何第一集要嬲到掉黃sir落街？

係泰國佬叫
但黃Sir唔會知得咁詳細，佢只會知昔日既朋友變左一個會殺人放火既人
第一集一開始佢同黃Sir已經講到明玩臥底遊戲邊個輸就邊個死，睇得出當時佢地關係已經誓成水火

我反而覺得最麻麻係第三集既佈局
好似夾硬做出黎咁
又話黎明一早係IA安曬cam
屌咁應該一早起撈拉人啦

無二既倪永孝我覺得香港黑社會電影史最出色既角色

冷酷得黎好重視家人呢個設定好正

個尾收得差姐…黎明根本係格硬寫鳩死佢

其實係
原本黎明可以一槍打低佢
偏偏維持佢串咀性格
真實既差佬點會咁，實叫佢冷靜D之後一槍打落去

無間道係好勁，但係補充返佢唔係第一套講臥底既戲。

第一集係經典，第二集照抄教父（連汽車炸彈炸死條女都照跟）就真係不敢恭維

唯一敗筆係劉華d濕鳩演技

我對套戲既第一個印象就係有日睇報紙見到呢套戲既海報，個感覺係：嘩個個都著晒西裝仲要個個都係巨星，連黃秋生呢d做開爛仔既都著到咁型，個戲名仲要咁特別，咩黎架？！

過多幾日電視賣佢既廣告見到個畫面係有人跌左落架的士度，跟住曾志偉又掃晒d飯落地下，心諗：嘩套野好似好好睇，一定好刺激

之後因為杜汶澤果陣有做電台，係節目度係咁同吳君如講呢套戲，話咩臥底打臥底，又講秋生係入面d演技簡直爆燈，大家一家定要睇之類咁既野，搞到我果陣開始迷上左聽903

仲記得我係係02年聖誕睇呢套野，佢播到d古惑仔上去刮臥底果陣個心跳得勁快，睇咁多戲都未試過

杜汶澤因爲呢套野彈起左，黃秋生終於唔洗再接咁多爛戲，咁就差唔多20年

古惑仔劇本係垃圾