[DSE 2019] 通識5**考試技巧 完全免費

但愈黎愈多人以為膠背就ok

靠你教同學考

巴打收唔收學生？

曾經有人咁講，將英文同中文嘅5**答案對比過，感覺上認為對英文5**論證嘅要求無咁嚴謹。不過，我唔能夠指為有著數，或者純粹係中英文嘅語意唔一樣，所以望落有唔同感覺。

另外，84.9% 用中文考、15.1% 用英文考。可能見好多用英文考嘅考生考出黎都好好，但請唔好忽視用英文去考通識嘅學校相對中中為叻，亦會導致有錯覺認為英文易考d。 (同學要小心睇數據，並了解影響數據背後嘅因素)

當然，亦有人話寫英文快d多d啦……

所以，無從判斷。打和吧。

最後，唔會睇IES。IES雖然有固定要求，但其實學校入面嘅要求都有少許差異。所以，請同學多d同在校老師互動吧﹗

希望係最後3個月幫到大家。post得上黎，內容緊係全免。

其實有冇著數都係咁考
唔會話英文卷會比中文卷淺
只係比較多名校係用英文讀LS所以出黎高分個數字係多啲

我地d回覆都尚算一致。證明無呃學生。

等陣覆得多俾人以為我係你打手就好笑

留名

最緊要幫到同學就好

歡迎提問，呢度隨機出現5**考生解答

http://www.orangenews.hk/topic/system/2019/01/04/010107174.shtml
通識科太講咬文嚼字
其實同中文閱讀藍色窗簾差唔多

印象你係教緊通識，唔知老師點睇呢

既然老師無意見，我講下自己對呢類文章嘅睇法。
我覺得呢類文章好無謂，如果有留意，其實係定期谷輿論黎廢科。以下隨便抽文章幾點，都好讓同學看得懂呢類文章嘅問題，而做IES嘅過程都唔好犯類似錯誤 ︰
1. 「然而現在的考核，卻聚焦在咬文嚼字，就算面對常見的字眼，亦要求學生處理不同題型的時候，回答出一定的關鍵字。例如有題目要求學生評估一帶一路計劃對中國國力發展的影響，國力二字……」

首先，隨便作一題題目指通識科會咁考，有無學校咁考係無從判斷，或可指為引用不充分的理據。正如早前，立法會議員引述有家長指「有老師教授通識課程時全部都是關於反對特區及內地政府，將個人政治觀點帶入課室。」同樣都有類近情況，即使觀點完全相反，隨便指學科支持政府，都不足以論證。

2. 「這樣的標準學生事前難以知悉，而導致回答題目的時候，根本不清楚有這樣的要求。」
其實不用作題目，「國力」二字可直接引用考評局2014年的題目。「你認為中國要增強國力，政治穩定是否比經濟發展更重要？解釋你的答案。」當時marking都寫得幾清晰，幾乎都係綜合國力呢個概念嘅內容黎，無上面所講嘅情況。事實上，考生不懂要求，係呢個情況明顯係考生自己無讀熟書。

3.「這樣的情況並非特別例子，而是一個普遍現象。」然後引一題2018年嘅考試，就話係好普遍，同學記得做IES唔好咁推論……
文章指「考生事前並不知道回答這類題目有什麼要素，難以掌握題目要求，很多考生以為填寫全人教育這類的關鍵字便可全身而退，卻不知道信念二字要求的，是要包含對教育的期望和成果。」

我之前係度都講過「信念」二字沒有特別高的要求，只係字面要求，亦係從資料C好易歸納到出黎。若如佢所講，考生事前並不知道的要素，都不可以用來出題呢？如果係，唔淨止呢科，幾乎乜科都唔駛考，又或者考返佢自己所反對嘅八股文。又唔俾考新要求，但又話呢科作答好多規範，明顯前後矛盾。

4. 多得我都不想引了……

5. 最後，刊登文章嘅機構背景，作為通識科老師，你又會否教導學生判斷新聞機構背景，然後與同學深入討論呢？

可唔可以交文比樓主改？🙇🏻

可以，有同學交緊了，會陸續回覆。

不過，請認真交

係呢兩個星期講解完成份2012年卷一嘅題目，希望同學掌握到以上題目嘅要求，而之後亦會繼續同大家分析唔同年份嘅文憑試題目，避免同學大意失分。
另外，亦歡迎同學繼續交文，會盡力回覆大家。

收嗲啦，之後想收錢學更多？

上面都叫個學生自己係度免費睇啦

定係⋯⋯免費貼出黎得罪補習佬？係嘅話，你應該展示點解學生值得俾錢補你，唔係鬧我免費wor

又或者一齊係度免費教都得架

又到周末上載 pastpaper 答案。
同學請自行瀏覽

樓主咁勤力

如果操囇d pastpaper，咁仲有咩可以操

你先努力，我hea友黎