[DSE 2019] 通識5**考試技巧 完全免費

thanks

早兩日有同學問

For 2015 paper 1Q2B, I heard from some tutorial teacher claiming that we need to evaluate the feasibility and effectiveness of the govt policy, but according to the marking scheme it only states the pros and cons for the policy. I would like to ask which of them is correct.


呢條問題問得好好，因此開多個post同各位同學分享。

一般黎講，就咁抄marking嘅字落去，係無可能拎到滿分。因為呢科考評最重視係合乎邏輯嘅論證過程，而marking通常都係俾個方向老師(／你）睇。事實上，呢科marking唔可能同唔應該寫唒每一個論點係點推論，亦正正係呢科開放俾同學「有規限下自由作答」嘅特點。因此，同學肯主動睇marking緊係值得欣賞，但同時記住果d字係唔夠答。

講返呢題，首先同學諗一諗︰

我改evaluate 做explain先
(如果係evaluate，就一定係另一種答法，會變成俾「準則去衡量立法好唔好」……)

Some tutorial teacher claiming that we need to explain the feasibility and effectiveness of the govt policy....

and

According to the marking scheme it only states the pros and cons for the policy....

有無衝突呢？

或者，試下寫出黎，睇下兩者係答嘅時候有無提到呢？

今晚再寫埋

答埋後半……

睇返呢題題目先
參考所提供的資料及就你所知，香港政府應否立法禁止未滿18歲人士進行「醫療上非必要」的整形外科手術？論證你的立場。

首先係題目分返關鍵字，搵返題目問嘅焦點︰

呢題係論證立場題。即係你揀定立場之後，用多角度嘅論證去支持你嘅立場。

關鍵字︰香港政府、立法禁止、未滿18歲人士(青年人)、「醫療上非必要」的整形外科手術

夾埋marking 劃出呢兩個表


依據政府角色和立法特徵去針對青年人特徵同「醫療上非必要」的整形外科手術，係結合呢幾點之後，如支持禁令第一行，可以寫成︰

「香港政府需要保障社會健康，立法具有強制性的特點。由於青年人未滿１８歲，身體正處於發育成長階段，如果他們受到好奇心的驅使而進行「醫療上非必要」的整形外科手術，對他們可能造成不可逆轉的負面結果。例如︰資料Ａｘｘｘｘｘｘｙｙｙｙｙｙｙ。因此，政府為了維持社會健康，有必要實行禁令。當禁令執行後，配合較高的罰則，公眾和商戶便在法律規限下，不會向青年人提供相關服務，便可以即時防止他們進行有關行為，繼而杜絕有關風險，從而保障社會健康。」

因此，解釋應唔應該進行禁令時，要解釋到禁令嘅成效同可行性，咁係一個恰當嘅做法。但如果，真係話要evaluate禁令嘅成效同可行性，係呢題題目我就好有保留。因為評估係係另一類嘅題目先出現，就唔係呢題重點了。

希望幫到大家，歡迎繼續問

講下概念

可持續發展

呢個概念並不常出現係考題。成個概念咁問嘅，只係2013年卷二題3a，「可持續發展可如何有助改善中國人民的生活素質？」一題出現，但仍然選擇呢個概念黎解釋當然係有更重要嘅原因。

相信同學見到呢個概念，都會講得出「既能滿足當代人的需要，同時又不損害後代滿足其需要的發展模式。」

仲可能會講多句，要兼顧到經濟、環境和社會呢三個向度之間嘅動態平衡發展。

正如之以講過，呢科背個定義落去係無意義嘅。

咁點樣先運用到「可持續發展」呢個概念或者佢背後嘅理念呢？

首先，我地要明白「可持續發展」原則嘅理念。除左上述定義外，當中包含左「需要」同埋「限制」呢兩個基本理念。

「需要」︰簡單黎講，就係要點樣滿足人們基本需要，衣食住行果d。

「限制」︰就係人類係發展時，唔可以無節制咁發展，當超出自然、資源承載力時，就會剝奪下一代使用資源嘅權利。

因此，要解釋可持續發展可如何有助xxx時，就要解到「依家係呢個發展模式下點滿足到依家嘅生活需要」(代內公平)，但無超出到限制，因而將來可以「係呢個發展模式下有好嘅生活」，展示出重視跨代平等，持續享有資源嘅生活情況。當然題目亦要依據中國狀況黎解，最終因為上述咁樣嘅發展狀況，再連繫返去咁就改善到生活素質啦。

環境、社會、經濟就係所提供俾你嘅向度，如平衡經濟同環境，先可以讓後代人的生活得到滿足。依家為左優先發展經濟，過度排污、砍樹等（要跟考嘅議題變），只滿足到現時嘅物質生活，但長遠因損害環境後無法挽救，後代難以過到優質生活，咁明顯唔符合原則。

因此，社會出現左綠色經濟，以至要減少化石燃料，而增加可再生能源應用等嘅方向，從而展示係重視保育呢個考慮下，改變從前發展模式，既可滿足今代人經濟發展，又不損害後代生活。

頭先講雖然考試無咩直接考呢個概念，咁點解仲會用到可持續發展理念呢？盡量聽日打埋後半。

有冇喺書局見過本黑色叫做liberal studies advance 嘅雞精書
吞咗佢有冇用

呢本偏深。如果你本身唔熟個課程，好難知佢入面教緊咩，以及邊個位可以用返佢d pts。
不過，讀得多一定無壞 （但廢話黎）

Lm

前好多日講到

咁多年文憑考試只係2013年卷二3a出過「可持續發展」呢個概念，咁點解會話呢個概念就算題目入面無呢個字，都可以應用到呢？

一般而言，係論證立場、評估、比較等題目，當議題涉及到要判斷社會發展嘅優次考慮時，同學就好可能要考慮到「可持續發展」呢個概念背後嘅理念。

我地睇埋題3b

「就中國目前的發展而言，經濟發展應優先於環境保護。」你是否同意這看法？

當你要就中國現況，去衡量經濟發展是否應優先於環境保護時，就有必要制訂相應嘅準則去判斷，即係係某種理念下，發展經濟重要過環境，所以同意優先；或者係某種理念下，環境保護重要d，所以唔同意。

假如，無俾到準則衡量兩者，就只會流於解釋中國發展經濟和保護環境取得嘅好處，以及造成嘅壞處。然後，有d同學可能會數邊一邊多論點就支持自己嘅立場，咁好明顯做唔到呢一題嘅要求，又或者只係答緊︰

「中國推行經濟和環境政策可改善當地人民的生活素質。」你是否同意這看法？

因此，要解釋呢個命題嘅重點，係要好清楚咁展示點解「A係優先於B」，而要展示優先於就要有準則或理念，去支持自己個立場，而呢個理念就當然係我想係呢度帶出「可持續發展」嘅理念啦﹗

前文提到，係解釋可持續發展時，除左講到環境、經濟、社會三方面嘅動態平衡外，仲要展示「代際公平」下，不可能以持續污染的方式發展、「不可逆轉」嘅考慮下應優先考慮環境多於經濟、「滿足社會訴求」之下犧牲經濟／環境可有限度接受、「在可行性而言」發展綠色經濟可同時滿足經濟和環境等等嘅情況都可以幫助同學衡量兩者。

以上睇到，當你適當地加入呢d原則再討論，就可以係同一個層面之中，討論到是否「A係優先於B」呢個情況。

當然要衡量社會發展議題嘅「準則」仲有好多好多，如常用嘅仲有時效性、影響程度等，不過，同學最終都要考慮返個議題是否適合用呢d準則，而唔係強行套堆字入去就當完成。

仲有唔夠一個月就開考，歡迎同學繼續提問，幫到會盡幫～～

繼續免費改文

不過，唔好再send學校功課黎，然後走黎討論你嘅老師點點點

呢幾個月幫同學改左一堆文，發現大家最常執迷係「題型」，但自己都分到亂唒。事實上，題型愈多、分類愈亂，對你考試愈無幫助。

「題型」在我黎講只係將題目分類，然後判斷基本嘅「框架」，最終「框架」入面寫得到合理、正確的內容，就係視乎你個人嘅知識，絕對唔係因為你熟個「題型」就足夠。不過，淨返兩個星期，都係同大家提返大家最關注嘅「題型」/技巧啦……

建立題型分類嘅目標，只係為左幫你瞬間「從問題關鍵字將題目分類，然後用正確嘅框架起手答題。」因此，如果你習慣用題型黎思考再作答，就絕對唔好記錯題型入面嘅要求，而且你要肯定真係識分類，否則你會失好多分。我舉個例，好多同學交2018年卷一題3b，「xxxxxxxxxxxxxx所引發的兩個爭議」呢題。

「爭議係咩野題型？以前有無出過？以前無出過，咁點算？就係諗返最接近嘅題目同題型（如果你諗唔到，題型分左類，都幫唔到你），最接近就係2016卷二題1a 嘅「持份者之間會有什麼價值衝突」。然後，運用呢題當年嘅考評要求，黎輔助你建立框架，唔好答到離題。

結果呢，交呢題嘅同學一半都無就「兩個持份者之間嘅衝突點黎解釋」，當我問你地咩野係「爭議」時，反而你地會常問，題目都無寫「持份者之間……點解要pair up，咁呢題係咩野題型？」

同學諗一諗咩野係「爭議」，「爭議」係唔會一個持份者就出現到。與此同時，熟讀返past paper都幫到你，呢題個要求同2016年果題一樣，都係要求一組一組咁去解釋。
因此，只用題型分類嘅同學，亦務必注意題目係問緊乜再去答，唔好一見字就起手寫，不坊花睇幾秒睇清楚。

寫完文scan去facebook便可？

係呀

照計時間係幾緊，好少可淨好多時間俾你重check

但要睇下無錯位，不外乎用返檢視論點結構嘅方法。

如果仲有好多時間，咁你立場題寫多兩個pts lol