[DSE 2019] 通識5**考試技巧 完全免費

4. 一題究竟要寫幾多呀？
同學好多時唔知一題要寫幾多，其實我地可以用返「1. 論點要求」黎判斷自己寫得夠唔夠、好唔好，即係話，如果你自己睇返個段落，都無做齊果幾樣野，咁你就一定答漏野了。

另外，我地可以睇睇呢個表先︰

呢個表列明2017年、2018年卷一各個分題嘅分數，以及所對應嘅行數。行數係指答題簿入面所提供嘅橫線。
當然唔係要求寫唒佢，反而係係呢個範圍內完成。
因此，我地嘅可以用論點要求黎檢視自己寫到幾多，另外亦可以用行數黎限返自己唔會寫過量，避免浪費時間。
(一般黎講，我睇返自己嘅卷，大致寫到行數嘅 80%左右吧﹗)

巴打會唔會有2018年真跡或者答題分析分享下 btw支持支持

會。答案原文見page，答題分析可以晏d打下

lm

為左方便同學，亦開左ig。
但體諒ig更新會比較慢，有問題可以繼續問～

ig: dse_ls_johnyy

通識依科真係垃圾
完全Justify唔到必修科地位

話乜批判性思考 最後咪又背point
然後每邊都打五十板 做中立撚

唔係針對樓主 只不過好憎通識

利申 14 DSE 個grade都叫幾好

巴打係咪用中文考？
我係用英文考，想知中英文LS 有冇乜嘢分別？
英文用唔用得你講嗰啲嘢？
唔該晒

* 全卷共46分，與2017年相約。
* 1a、1b、2a、2b要求與過往相同，3a做法類似2015年卷一題3a。
* 比過往較新的問法︰題2c、3b
* 同學主要失分的題目︰1c、3b
以下主要解釋1c、2c、3b的失分位。

(*版權問題，刪除題目部分字詞)
1c 如果用題型分類，呢題係詮釋資料(論證)，而有關問法係2017年2c已經出過(一個支持和一個反對的論據)，不過呢題要求再多d。

睇睇抽走題目內容後，我地見到「……與其參與……，不如參與……。」利用所提供的資料及就你對公民身份的理解，提出並解釋一個支持和一個反對這項陳述的論據。

我地要注意呢次個命題，明顯比2017年2c果題複雜。答案係論述支持嘅時候，個論點應該係要解釋到點解做後者係好過前者，而係呢個衡量之下，最好最安全嘅做法，當然係訂出一個準則，呢個準則亦會幫到你歸納出論點。例如以下係一個支持論點嘅寫法︰

首先，在參與成效而言，香港人參與本地社會的義工計劃會比參與境外的計劃更大，因而支持有關陳述。香港人對本地社會會比境外更有歸屬感，如市民在提供服務時，會因參與者和受助者使用共同的語言、享有相近的文化背景等，令市民在參與時更加盡力，(引資料C再解說)。相對於境外計劃，部分港人限於其個人能力，在服務時或沒有成果，(引資料B再解說)。因此，香港人在提供本地義工服務時，由於其有更強烈的歸屬感和責任感，以及對社區有更熟悉的程度，便會容易取得成果，而獲取更大的動力，從而令他們更投入有關服務。由此可見，香港人參與本地社會的義工計劃，將能比參與境外的計劃取得更大的參與成效，故我支持有關陳述。

睇完呢段，係度要提一提呢題嘅另一個失分位，就係「公民身份的理解」。唔少考生答完支持和反對陳述的論據後，係段落中完全無解釋個公民身份呢個概念。其實要用到係段落中唔難，你見到段答案入面，歸屬感、共同語言果堆正正展示緊對公民身份的理解。因此，同學要小心問題中每一隻字，分分鐘都成為失分位呀﹗

2c 3b晏d再打～

我用中文考
都曾經同英文marker討論過
技巧嘅應用 / 邏輯地解說 絕無中英之分

2c 就資料……對教育目的所持的一個信念。這個信念在多大程度上反映於資料A和B中？

呢題唔屬於難嘅題目，只係表面複雜，但亦有幾個失分位要注意。過往都有出現過，一個問題有兩個「問題」部分，如2017年卷一題3b，先指出哪兩個要改善的向度，然後再各自針對地提出方法。

當然，考果陣亦可能俾「信念」嚇親，通常未見過就會覺得唔知佢要求。但好多時用字面去理解就可以。事實上，考評局係呢個位要求並不高，答出黎嘅答案亦幾類近「價值觀」嘅做法。如答到「認為教育是幫助青年人在職場上的成功，為未來生活提供保障」，或另一信念是「以教育達致全人發展為目的，重視學生的興趣和天分」等，歸納要求不高，然後再引資料支持。

後半部分係問多大程度上反映於資料中。呢個係考生較常失分嘅位。因為答嘅時候答答下好容易超出左資料範圍，而不斷引用個人知識，結果就會離題。因此，考生答前應小心睇清楚題目要求。過往都有類近限定資料論證嘅題目參考，如2014年卷一2a(風力發電)、2013年卷一1b(肥胖)等。

你undergrad讀咩
第一屆自修就有星星咁堅

Soci
但第一屆先易考

第一屆啲markers亂改
個個markets 評分準則一致
利申 教緊LS 睇呢個post 獲益良多

歡迎老師，都可以一齊交流學生遇到嘅問題

我認為第一屆特別易考嘅原因係
卷一太長，9個分題58分，大部考生又唔知考咩，完到9題已經易高分，太多人墊底了。
而卷二就第3題過易，當年識揀已經好穩陣
同時，唔少學校都仲「探索」緊點教⋯⋯
當然，好多野係第一次之後就會慢慢修正返～

其實通識最重要嘅整合拓展能力係冇得教
佢語文能力決定咗佢通識成績
所以先咁多老師教所謂嘅答題框架
幫學生補2 補3

另外 我有去聽2018個評卷seminar
我覺得近一兩年通識為咗證明唔係考答題框架
就刻意玩弄問題字眼
如2018 q1b 挑戰，我相信有部份學生答困難
2018 q3b 爭議 要咬緊呢個字先合格
我覺得係走火入魔

其實而家自己寶力得lv4左右，學校miss話我而家已經無咩可能上lv5以上，其實係咪真

考生要走去答困難，其實係個考生自己問題bor
而且，通常政府實行xxx就用困難、障礙，個人/青少年用挑戰，仲貼近課程文件嘅用字

3b嘅爭議呢，要求同以前卷二持份者衝突要求一樣，都係要求pair up，再解釋「衝突點/爭議點/矛盾點」吧？

另外，的確好多老師認為，拓展能力、延伸說明無得教，而我都明白日日係學校對住無邏輯思維能力嘅學生要求佢寫，佢又寫極都寫唔好，係令老師好氣餒，但知識就係一步一步咁建構出黎吧？

同埋，通識科成日俾人話語文好就考得好，但忽略左學生整理、判斷資料嘅思維能力。當然語文好係有幫助，但我認為兩者係高度相關，而並非因果關係。（利申：自問語文能力都好差）

我唔暸解你嘅狀況，無從判斷
或者，老師係想鼓勵你再努力d吧

我反而覺得佢咁樣咬先正常
本身佢個syllabus入便就已經成日問
A vs B帶來乜乜挑戰 如何平衡
A->B帶來咩爭議 呢啲
啲人唔捉緊條題目亂咁答
死背框架但求高分
咁對佢個腦無咩幫助

語文好未必考得好
但文科中西史考得好果班 ls都比較易搞

政府實行XXX就用困難，青少年果啲就用挑戰
我覺得就係呢度有問題，點解考評局要學生強行分辨「困難」同「挑戰」有咩分別
例如：政府實行「四電一腦」所面對的困難／政府實行「四電一腦」面對的挑戰
我相信係街求其問幾個人呢兩條問題，不論係邊一條，佢地答的野都係一樣
我想講既係
1. 兩個字眼分別係咪真係咁大
2. 學生學分辨呢啲字眼有乜用? 鬥捉字蝨?

2018 q3b
pair up係基本，不過改卷時　markers對爭議的要求非常之高
不過詳情我都要睇返我上seminar啲notes
另外，我都好贊同你話知識係一步一步建構出嚟，但學校時間太少，人數太多，好難同佢續句續句睇佢個答案可以點改善，結果三年間進步都不大。
至於學生整理、判斷資料嘅思維能力，我相信大部份學生都做到，但根據資料作拓展，我覺得呢個唔係好多學生做得到，分野就係語文能力，導致佢地幾努力温書都好，都唔夠語文根基好既同學高分。