[開心速遞]熊若水龔燁 供水線集中討論區（14）

正面睇:
少食物，所以俾哂士多啤梨阿水。
好似被困嗰次咁…
一開始拎嗰時都落力搶擔心阿水搶唔到。
見多泥又幫手整乾淨，仲去葉

反面睇:
咁污糟點食得落口

係咪喺度懷念嗰晚睇星?

污糟放唔落口可能真係佢即時反應
但見阿水咁開心就落力搶嚟搏紅顏一笑

其實每次阿龔奉獻食物俾水水既時候都會有種陰謀論既feel (但佢個樣又好真誠)
包括上次隻小強同埋今次既士多啤利

今集無論背景定近鏡都勁多互動細節位
可以loop足一個禮拜等主線

463前同463後嘅最大分別係463後兩個人都確認咗心意
尤其係阿水 承認咗自己對阿龔嘅表白係有期待 所以破冰後兩個人相處更進一步都好正常 至少阿水唔會抗拒阿龔接近
始終處境劇好難好細緻咁寫關係嘅轉變
但好明顯每次主線都係一個check point
中間嘅漸變過程就自己ff啦

不過其實唔夠主線去寫佢地關係轉變就冇必要好似463咁去到咁盡
如果話454兩個人唔清楚對方心意估下估下嘅關係係50嘅話 咁463直情降到0
破冰到今集關係應該升翻上80
但由0去到80難免覺得急進突兀
如果由50升到80就自然好多

如果新龔水黨未睇過建議真係可以直接skip咗463
反正秘密國度都同觀眾講咗傑叔係連阿水都唔可以觸碰嘅底線 就算之後有傑叔劇情 冇睇463都冇影響
反而睇咗心傷神傷
咁我都唔否認463有啲價值
但敗筆大到嗰丁丁價值都不值一提

佢每次俾好嘢水水食都係雙手進貢

係咪flag嚟
阿水下次再見佢雙手進貢要小心啲

本來以為463會係龔水關係轉捩點
譬如係由阿龔主導龔水線變咗阿水做主動咁
但係479之後佢哋又返去以前咁嘅相處模式，仲更進一步
463可能想表達阿水係無條件相信阿龔
但作為觀眾我其實有啲唔明阿水呢份信任係嚟自邊度，如果話479阿水知道龔友喺阿龔心目中嘅地位而相信佢真係阿爸有事而走都仲ok，但係哈爾濱project嗰度到宜家我都仲有啲保留（可能係376阿龔講過以後唔害人 ）
我認為阿水對阿龔嘅感情根基仲係打得唔夠穩陣，尤其同阿龔對阿水嘅感情鋪排一對比就好明顯地有不足，宜家直頭跳咗正式沉船呢個step變咗做曖昧，唔知之後主線會唔會補救返呢個位
反正都要拖戲不如用阿水視覺慢慢拖啦

話時話問水水借咗枝channel no. 6未？
今次要連護髮素一齊借，好貴㗎！

佢泵晒阿水隻channel no.6唔係應該買返一箱進貢畀阿水㗎咩
唔洗借啦，直接上門話要用channel no.6然後喺熊家沖涼算啦

水水視覺可能就係下次主線個水與xxx

近排面皮咁厚應該做得出
不過就要泵哂人地枝channel no. 6激下水水先，再進貢返成箱

千呼萬喚嘅阿水視覺
上兩次水的xx都係去占卜，今次水與xx係咪又去汗蒸然後占卜同偶遇kenneth

唔知會唔會又叫人幫佢洗頭呢

佢每次叫阿水洗頭都冇好下場，一次廁所水一次紅藥水

水與真命天子?

阿水本身就容易信人
而且佢對龔燁係有意思嘅
就會算佢點唔承認但心底都想相信佢係好人

阿水到而加都似係俾人講得多
而且生理心理上開始唔抗拒龔燁
所以先慢慢接受佢

夾餸嗰度原來水水主動夾比佢先 直播嗰陣時都睇漏左
Btw潛左水兩三日冇整gif，見到有人接棒太好了

一次生兩次熟三次有結局
今次可以正正經經經洗頭喇

今集關係更進一步嘅大前提係阿水454已經沉船
呢個設定已經夾硬塞咗落454
之後先補救都太奇怪
呢個設定係硬食㗎啦

對呢啲冇特別背景嘅角色編劇根本唔識寫
其實阿水最多係感情路上崎嶇啲
屋企相對大家姐同3e缺愛啲
但阿水睇得開又易滿足
個衝突位唔夠編劇去發揮
相對阿龔陰間面編劇容易去寫對阿龔愛情嘅憧憬(令佢相信世界上有好人嘅天使)同卻步(當關係到阿爸利益時可以凌駕任何人就算係鍾意嘅人)

同樣地好多博香黨要求寫博士著緊多啲Mandy或者表現更愛Mandy嘅一面 但編劇都無動於衷
主要都係博士個角色太平面 唔夠衝突面去寫
博水時期嗰個不求回報默默付出嘅暖男又好難應用到博香到
始終Mandy對博士嘅愛大到博士可以坐享其成
真係可能要出現個第三者先刺激到博士
但而家已經寫到博香結婚好難再出現第三者
如果唔係當初求婚個感動又downgrade晒

至於蓮輝本身兩個人嘅背景就係最大衝突面
邊個角度寫都得
由之前大小姐要放低身份倒追送水輝
到最近兩集送水輝無奈接受自己同大小姐嘅差距
(到之後應該寫送水輝發奮圖強)
兩個角色都相對龔水同博香夠條件比編劇發揮

所以我已經接受現實唔會有阿水視角
最多只會寫佢點樣喺傑叔件事上扶持阿龔
但咁寫最大嘅效果都係阿龔感受到阿水相對其他人嘅特別 其實都係偏阿龔

同意
feel到編劇應該偏重阿龔視覺多d
阿水佢既視覺都有，但相對黎講係真係比較少
佢既沉船步驟其實主要係分散哂係所有集數+過場身上，觀眾要靠佢對阿龔既態度同埋身體語言黎到估
其實阿水之前既每一段感情一向都處於比較被動既一方
就算係綠帽max都好，當初同佢一起既時候都未正式沉船，一起左之後都無真係有一集真正講過佢沉船，都係靠ｄ點點滴滴黎到俾觀眾慢慢察覺。

睇完今集我決定當冇睇過"龔燁的No.1", 如果冇呢集，成件事好Smooth，唔使補腦阿龔諗緊乜，唔使補腦阿水做乜唔嬲，又解開左哈爾濱Project既誤會，感情再升溫。
兩個人自自然然行埋一齊，打情罵俏，曖曖昧昧耍下花槍咁。