上篇講到係Colmar巴士站上左前往Riquewihr既巴士，呢個真係個令人期待既旅程！
（交通攻略太長氣，post 完遊記再貼 ）Riquewihr （里屈埃維）係法國東部Alsace（阿爾薩斯）既一個小鎮，雖然名氣唔夠Colmar大，但佢絕對係個不能錯過既小鎮，甚至可能比Colmar更加靚
。Riquewihr四圍被青綠色既葡萄園包圍住，古鎮城牆內既木骨小屋比Colmar鎮內既更加鮮豔奪目，置身Riquewihr入面，望住中世紀木架屋同葡萄園既景色，真係會有種身處主題公園既錯覺
話說上到車，見到有幾個香港人，係兩姊妹同佢地呀媽，而我第2日轉左城市後又係街上見到佢地，都幾「橋」，不過我地都係無打招呼
。係搭車途中，係會見到一個Colmar「景點」——自由女神像。呢個景點係Colmar市外咁濟，搭車先會見到。點解呢度會有個自由女神？因為美國紐約果個無人唔識既自由神像既設計師Frédéric Auguste Bartholdi其實係係Colmar出世
！不過出現得太突然，我剩係用手機影左。
佢係係個迴璇處既位置度，大家搭車不妨留意下，一定會經過。
離開市區，就開始進入葡萄園區，四圍都係一座座既葡萄園山，真係幾靚
。
半個鐘既車程不知不覺就完左，到左呢個郵局位，就係Riquewihr巴士站。
RIQUEWIHR 里屈埃維
其實我抱住個個鎮都一樣既心態黎，但一落車已經feel到呢度好唔同，鎮外面見到，青綠色既葡萄園就係隔離！
所以成個鎮一路行，都會見到一片青綠色既葡萄園景，葡萄園同木骨屋呢個配搭真係好靚！
呢種景觀係Colmar鎮見唔到既。 未入鎮前四圍影下先
鎮外間唔中都有d木骨屋，但無咁密，同埋佢地係馬路隔離，唔係古城磚，所以無咁有feel。基本上Hunawihr呢個鎮就係好似到達Riquewihr之前，外面果d沿路既環境咁。
Riquewihr比起Colmar仲有個特點係，佢既城鎮係有類似城牆咁既建築包圍住，基本上入面就係一個長方形既鎮，入口呢邊係個Town Hall下既小通道，而未端果邊就係一個好靚既城塔（講到果時再Post相）。
雖然佢個名好似係酒店，其實佢係 Town Hall 市政廳黎。
上圖左下角就見到小鎮既地圖。網上再搵到個版本：
整個城曬結構好簡單，無Colmar咁錯縱複雜，唔會令人迷路，就係中間一條大街，左右邊會有dd「掘頭」小巷或通往城外既門仔，基本上無咩可能會迷路，你自然會一路由入口慢慢向上走，走到未端最靚既城塔。
Town Hall下既小通道。望入去已經要抖定大氣做返心理準備
。
其實一入到黎，我已經覺得呢度真係癲既，靚到太唔真實，我知我影落未必feel到果種靚，但一入到黎第一下，簡直覺得自己好似去左個主題樂園咁 ，呢度既屋仔整體上比Colmar既鮮色，隔離仲要有座令到呢度好有好世外桃園feel既葡萄園山，完全令佢童話感覺再倍增 ，每行一步都「哇…痴線…」Riquewihr完全係一個童話世界，你無辦法相信一個童話世界咁既場境其實一路以黎就係人地每日生活既地方，真係好痴線。相信當地人一早就對呢種景色不以為然，睇到厭曬，而我地呢d遊客suppose係走入鄉村，但反而入到黎我地就變大鄉里，係咁嘩哇哇聲。我覺得我已經吹奏到好台blog口吻
任何地方都有好多好多花花草草。
大樹下乘涼既外國人令呢度多左陣鄉土味
呢間屋被d攀藤植物攀到入曬屋咁
睇落好自然，但應該都有修剪過，總之望落好得意。
因為好曬，即刻買支雪糕
呢個係乳酪味，我指住話要Yoghurt，個法國妹好似想更正我話係yaourt（法文） 於是我第2次黎再買同一隻味時好生硬咁讀 yaourt，佢係度笑（姐係好似你聽到鬼佬講廣東話時既反應） 哇呢支雪糕真係痴線，好味到傻。其實我不嬲都鐘意食乳酪味既雪糕，但呢支係我食過最好味既，係香港會食Haagen Daz既乳酪味雪糕，都好味，但呢支真係完全另一個層次，好癲！ 背景就係間店，一入城直行過左個被好多樹攀住果間屋後轉右就係呢間雪糕店。搵唔返個名 不過唔好叫芒果味，唔好味
真係好童話
睇下d店既招牌、四圍都有既鮮花、葡萄園…所有既細節都感覺好自然地出現
連d街燈都係配合埋。
其實我睇返Riquewihr既相，真係覺得我d相係show唔到呢度有咩咁特別，但其實呢度真係要用瘋狂黎形容
不如數下圖中有幾多個花球
）！！
但我都入到黎，算數，合埋口一野衝過去
發現換曬班女女 
