【歐遊遊記 2018】獨遊瑞士法國德國奧地利 17日童話小鎮雪山風景遊

無死圖
我個時行程係住munich, 即日來回國皇湖
第二日即日來回鷹巢

好chur 巴打去得曬兩個湖？

國皇湖去得晒，但趕到仆街
好似朝早7, 8點就出門口
加埋delay個d野，回程返到munich好似成夜晚11點

大長征

推一推 追晒你之前d post 令我開始對黎緊個exchange 有番期待
p.s 本身有d homesick 同埋掛住屋企人同女朋友 一直心掛掛

Homesick一開頭會有，但玩到最後係會唔捨得走

事關之前去澳洲 去左頭一個星期已經有好勁homesick 但今次真係去exchange 我估會好好多
利申去瑞士 希望搵到朋友仔

寫過遊記 知道好煩 加油！！

好ON9
最尾係Berchtesgaden走時等左好耐都無火車, 個時又無上網個D可以CHECK
D德文廣播又聽唔明, 後尾有個超好心香港人走黎話我知頭先個廣播係話班車CANCEL左
最後搞左4, 5個鍾先返到去munich, 奉勸大家千其唔好玩即日來回國皇湖, 至少都stay Berchtesgaden

感謝支持
聽d另一半係香港所以要long d 既exchange朋友講 到左幾個星期後 慣左就ok
識多d朋友有伴玩下有得圍下爐 應該會無咁homesick
不過去到真係要把握機會瘋狂去旅行 exchange真係最開心既時光

感謝支持

火車一delay真係搞勁耐 就算等到有車 架車黎到都行下停下 仲要全場德文 d人行黎行去 得自己唔知發生咩事/有咩變動 真係慌到

感覺Berchtesgarten好值得住下 果帶幾靚同埋多景點 agger munich 國王湖真係太多車要搭同太耐 即日來回真係最盡去到salzburg好了

上回講到我行完成城牆，係呢個位落左黎。

落到去見到既，係一條大街
不過並唔係市中心，所以無咩人。
一條直路行過去，就會到打咭位PLÖNLEIN喇。



一路行過去，都覺得好靚，左右兩邊都係德式小屋。
可惜有時有d車係度，影響景觀。

上圖係頭先城牆落黎既Spitalturm，前面就係Siebersturm：


灰藍色既木骨屋，勁靚。

佢地都好似Amsterdam d屋咁，屋頂有個滑輪，方便吊重物上落間屋。

好可愛

SIEBERSTURM 城門

右邊紅色間屋仔有d似打咭位，不過並唔係果度。呢間紅色屋仔係google map上亦見唔到佢咩名堂。


轉身已經見唔到頭先城牆果邊了。好多車


穿過佢，就去到古城最核心一帶啦。


呢度屋似乎大d。

好彩色。不過有間野整緊，影響曬個景觀。
btw 羅騰堡都係四圍既店都有個好靚既招牌。



個正方形牌個招牌甩左個名，
又係好似被人mit走左張貼紙咁

呢幾間屋好靚，好得意。

上圖橙色牆身，其實就係打咭位見到果間屋仔！

PLÖNLEIN — “LITTLE SQUARE / FLAT SQUARE”
羅騰堡最經典影相位

到喇！比想像中少人好多，我以為呢個位會勁多人係度影相。

呢間屋仔好多人影佢，
但實際上佢係間酒店、餐廳定咩呢？
真係無從判斷
最靚既角度絕對唔係呢度，而係企遠d，
中間d既位置：


呢個角度，睇到曬呢間窄身、長長既橙色木架屋、
前面有個噴泉仔，左邊係Siebersturm城門，
右邊低d既就係Kobolzeller Turm門，
成個景象好豐富、好可愛 。

呢個位的確係好靚，中間呢間屋仔，
加埋左右兩座城塔，感覺好似特登設計過咁擺咁。
我呢個時候係1點幾，覺得有d逆光，
橙色屋仔正面影出黎會比較暗。上面既圖都係tune過既。
有時有d車會經過

企左d，唔會見到d欄杆係正前方，都唔錯

我係度set機影左超耐自拍，不過都無咩邊張好滿意，
唔少路人路過都會問洗唔洗幫你影，
都係遊客黎，不過睇完d相後，都係自己黎好d 。

呢度附近既街道都係好靚，例如屋仔右邊呢條路既色：





遠d睇返Plonlein，都係咁搶眼

上面黃色間屋幾得意，明明係油牆屋，但又有一半有d石磚咁


呢架車既出現，令我覺得呢個世界好假
我係咪玩緊玩具

從遠處用長d既焦距影過去，都唔錯





影完一萬張一樣既相後，就繼續行喇

上圖既右邊有條巷仔，係可以行到城邊睇風景，我就行埋過去啦。



呢度係會見到山景，有d葡萄園咁樣，
無咩好特別既野，


不過外國人似乎好鐘意，
有個人同屋企人講：It’s amazing right?
以Amazing黎形容好似誇張左d
佢地見到d好靚既景都好鐘意好平淡咁講呢句。



右邊個屋頂好高果間就係上面講果間國際青年旅舍，d窗仔真係好似望緊自己咁。



睇完呢度，因為手機真係就黎無電，
於是我打算返左陣旅館hea下叉下電，食下yogurt，
順便拎返個頭先一直叉緊既尿袋，
hea左一粒鐘左右又重新出發。

推

又見返呢個可愛城門

今次我就係呢個西側雷達門直接行入古城，唔上城牆。
發現呢個位入古城好適合，
沿路都好靚 。特別係下面呢個位

馬克斯塔 MARKUSTURM RÖDERBOGEN


痴線去到呢個城門位真係勁靚，真實仲靚
因為前面幾間屋顏色好童話，我影左好耐相 ，



我影到有架好樣衰既車泊係度阻住曬先走。

入去喇。




左邊有絛巷仔好靚


四圍都好靚，但正面先係重點！！！

好熱鬧

同colmar果個情況好似，最盡頭果間木骨屋係度發光


期間會經過呢間店 Diller Schneeballenträume，
見唔少之前黎過既人都會係度買個雪球


據說就係南德呢頭既名產黎，
不過見完全無人試完會話好味，個個都話太甜，
同埋食一啖就食唔到落去，我就唔敢買
不過唔貴既，一般兩、三歐一舊，
而我就一心想繼續搵下有無黑森林蛋糕。



左邊有間賣公仔既屋仔上面有隻識吹泡泡既熊仔公仔，
當時廣場仲有音樂會，係交響音演奏下，
見到咁童話既古城，加上識吹泡泡既熊仔，
成個景超歡樂，好正
不過唔知點解我影到隻熊仔既相

其實呢度就係廣場架啦！呢個廣場好熱鬧，我好鐘意熱鬧既廣場

ALTES RATHAUS 羅騰堡市政廳廣場


廣場四圍既建築都幾特別同靚，係個好既廣場
白色果座係遊客服務中心黎，好似好少旅客中心果橦野會咁靚。
右邊係一排山形屋，我聯想起ck。
呢d屋係高處望落去就會好可愛
所以一定要爬個塔睇。


果時用ig story個filter 拍左條片仔，不過D色怪曬。
https://www.youtube.com/watch?v=E8TVGC_0bpU


左邊最大果座係市政廳 Rathaus，13世紀就已經存在，
而家佢都係好典型既德國市政廳樣，
佢座塔（下圖左邊白色果邊 Rathausturm (Town Hall Tower)）係可以登既，
真係好推薦上去，但我夏天黎5點就關閉左，
所以翌日我先上去。


FLEISCH- UND TANZHAUS (MEAT-AND DANCE HOUSE)

廣場其中一個角落呢兩座建築我都好鐘意
特別黑色果座仲有個凸出黎既窗台仔
佢地而家係藥房，地庫有當地藝術家既作品展覽，
而以前其實係賣肉同舞廳——高層舞廳，地舖就賣肉，


其實個Town Hall Tower 同廣場個旅客中心勁似樣

正面睇個Town Hall Tower 個山形頂原來有d一支支插出黎。


呢個時候睇呢兩間屋都好背光下。



廣場有樂團係度表演，超好氣氛。
好多位坐，我就無坐低，企係度欣賞就算。
係一個著得好Casual既樂團，學生居多。





其實前面果條街一路行就會落返去打咭位Plonplein，
因為都去過，於是我就行另一端。

推

入場無入場券，而係係收銀處度比錢換個硬幣去過個閘機，
所以無入場券飛尾做紀念。


入面唔影得相既，但當時一個人都無，
所以我有時會影幾張。
入面個氣氛同下層超級唔同，以藍色做主調，
有d金色咁，比較高雅，
下面就係好典型既紅、綠色聖誕feel。
我無諗過上到黎係無人，連管理員同CCTV 都唔見
全程得我同另一個女人。


其實呢度有咩睇呢？初頭入到去我以為中伏，
因為見到有馬糟同耶穌果d模型，
以為佢想講聖誕節既聖經故事呢d中學年年都聽到唔想再聽到既野
不過行多一兩間就發現，其實佢唔係一個聖誕歷史館（好彩），
而係講聖誕節周邊飾品演變歷史既博物館，
悶唔悶呢？
我覺得幾有趣既，佢由最初開始講，
講到近代，好多以前既裝飾都好搞野，我睇得幾enjoy。
上面都算大，唔係得一個圈，都有好幾間房咁，
如果你一隻字都唔睇可以好快行完，
但我會建議你睇曬，因為你黎到唔睇字一定會覺得好無聊好伏 ，
唔知睇緊乜，睇埋字既其實幾有意思。

下面係呢個館既劇透
你會見到最初果d可以好頹下，仲會掛d好奇怪既野上樹，
例如一d鹹魚咁款、鴕鳥、龜之類既公仔（下面全部手機相）：


仲有d好creepy


唔知點解日本人都關事


技術未精，於是人面會用相黎貼落去


呢d只係其中一d，而重點當然就唔係呢d野，
而係睇到個技術既進步，以前d裝飾既造法，
同埋例如係電燈發明後，又點樣影響到聖誕裝飾等，
我覺得呢d都幾有意思既。

當中最深刻係有關聖誕老人既故事，
睇完先知原來最初既聖誕老人形象係勁惡死，
因為相傳以前果個派禮物既人身邊總有個超惡死、
拎住籐條打細路既隨從，
所以初時既聖誕老人公仔照住佢地既混合版整出黎，
變成厭世樣，個樣簡直好似被人殺老竇咁，


後來先慢慢演變成今時今日勁慈祥既聖誕老人，
初頭好多代都係無表情或者黑面架

去到尾聲，就會見到聖誕咭既展覽，
發現好多商業化既野都係美國搞出黎
不過佢地又真係令到所有野靚好多、精美好多既。
例如下面呢「張」其實係聖誕咭黎！


仲有初頭既胡桃夾子係咁既，
因為初頭當時既人覺得夾胡桃呢d粗重功夫係要由d下等人做既，
所以個設計係咁，後來先慢慢演變成士兵、國王既樣：


我覺得睇完呢個展，再睇下面既精品店，會更加有意思，
更加覺得現代既聖誕飾品真係超精美，會更加讚嘆。

最後會有棵聖誕樹，可以比你掛上你寫既咭。



相信佢每幾日都會清一次，
因為上面全部寫既日子都係同一日/呢兩日。

睇完館再行店，先發現呢個店好大，
行極都未完，兜到迷宮咁 ，
入面真係有成千上萬款產品，掛飾、擺設、卡、波波等，
剩係星星都起碼百幾款，每件都好貴下，
多數都係起碼10歐一件，有d四、五十歐，
但就只係得一個鎖匙size咁細既掛飾，
如果你要成顆聖誕樹掛滿呢d裝飾，
睇黎起碼要洗成幾千蚊港紙啦
但佢地又真係超精美，
我都忍唔住買左幾樣野返去做紀念，
而d大陸人真係癲，拎住個籃係咁掃，
好似當個價錢唔係歐元係人民幣咁

入面唔影得相，加上好多職員，
我都無影相，係得呢個位似乎可以影：


每間屋仔入面都係唔同類型既精品！


其實真係好靚，睇得好開心，
你當博物館咁睇其實都夠開心！

我就買左一d立體聖誕咭，
可以做咭又可以做擺設
呢個8歐左右一張，我其實買左兩張，
不過另一張送左比男友，無影低
（其實我應該等聖誕先送 ）



外面係水晶雪球咁，雪人、門口同入面都有幾個層次


仲有呢個，其實呢個唔係聖誕市集專有既精品，
係手信店都有，五、六歐左右，係扣針黎，
其實我想要 pin，但呢款無，所以我就自己加左個鍊釘上去我塊板度


其實有d精品真係靚到好鬼想要，不過我睇中果件成50 歐
而且只係大過擦膠少少既精品，所以都係算啦

呢間野真係好好行，
行完真係覺得好似過左聖誕咁
之後我就重返現實世界啦
現實世界都係一個好童話既世界

有冇人同我一樣好鍾意食德國菜
好多人都話唔好食

有
但啲酸菜真係好酸

但係酸菜好好食啵

食幾啖還好 我上次食晒半碟酸到胃痛

我鐘意佢地d薯蓉 算唔算
不過酸菜我真係唔得 對我來講佢會搞到附近d食物都唔好味 一開波就liu走曬

酸嘅薯仔沙律都好正
利申好食得酸