【歐遊遊記 2018】獨遊瑞士法國德國奧地利 17日童話小鎮雪山風景遊

絲打策馬特住邊間hostel?滿意嗎？而家遊記係咪打到39炸

最後上網見到啲台仔推介間民宿叫hans und karin就book咗了，希望冇伏 另外有冇巴絲知紐倫堡多唔多酒吧睇波？諗住到時搵間bar睇歐聯決賽

我係住Munich 即日來回 (要搭幾個鐘火車)
其實個度好細 幾個鐘行得完加爬埋塔
我係個講刑罰既博物館行左幾個鐘 (因為我好認真睇) 同買聖誕野半個鐘 先啱啱好夠玩一日
除非你想玩夜行 唔係唔一定要住個度既

7日應該會悶死左

比少女峰更精彩既 THE FIRST ＋行山去BACHALPSEE (中)

上篇#818


纜車站係有斟水位置，可以上黎補給，之後就出發啦。

一路都係小小斜既路，但又唔係唔洗用力，其實都要D腳力的，要著運動鞋。

一路行，真係係咁影相
我必須強調，我所有影既相都只有實景既不足4成咁靚，
呢度靚到我完全影唔到佢果種靚既程度出黎！！！


Grindelwald就係下面，真係好靚 果D冰藍色既雪山


我用廣角影既相炒左7成所以唔算好多相剩

草地上有好多小黃花

其實未到戲肉，呢D只係前奏


好似隨時有隻得得B會跳出黎咁


之後開始有段要專心D行既路，呢段無咁輕鬆，而且都幾近懸崖。


靚到痴線

路上唔算多人，絕對有洗滌心靈既感覺。

之後開始會見到D雪塊，好污糟，好多人踩過


融左既就變雪山水，流落去，但我回程時見到個鬼佬係度痾尿，勁多人見到
佢隻狗仲係度飲D溪水 佢一路痾一路叫佢走開唔好飲

係唔會有影完既一日




好想係度影相，可惜我無旅伴
有個外國女人同佢Bb女並排坐係度，然後餵佢食野，個畫面我覺得好sweet

但我無影到，而家咁講但又無人，好似搞到有D靈異






影影下….

彈左個人出黎





呢度D雪山真係要逐個zoom去影，
座座都好有氣勢
絕對有好唔同既感覺。







真係好鬼靚

其實現實睇係好似上面堆相咁大座，用廣角效果我覺得呈現唔到佢地既氣勢。

間中會有路牌話你知仲要行幾耐，上圖話仲有5分鐘路程！


BACHALPSEE 湖

有湖啦！呢度其實有兩個湖
下圖呢個我覺得好搞笑，因為果D雪塊一舊舊咁，不過我覺得咁就唔太靚，
仲要唔知點解影出黎反曬光咁，可能我支鏡壞左。


放心，重點絕對唔係呢度，呢個湖絕對係可以睇到靚景的：

靚好多一定要行到呢度望過去，個景一流，呢度仲靜好多，因為多數人都係係另一個湖影相，唔會行埋黎。




係我懶，無等埋大媽走再影

之後我行近另一個湖影，其實佢地相鄰的


不過其實佢岸邊有D…


呢個時候黎左班行山團，就係頭先班鬼仔，係度玩sir雪


佢地話凍死

回程了



仲用路邊既水潭扮湖咁影


無啦啦有個BB仔掉石仔，變左咁

唔影了

回程既路雖然一樣，但都會忍唔住係咁影






返到The First站附近，就去行埋Cliff Walk啦～

Bahn Hostel
位置滿意 設施都唔錯，
不過我覺得佢D床鋪既安排有D怪
比個睡袋之類既野你lup住自己
而唔係比床單 被袋果D你
會覺得唔係好自在，唔夠乾淨既感覺
到時詳細D講下

我果時世界盃去 都有唔少
果時直頭放曬電視係街
歐聯未必會
但近車站果頭 過左個工匠廣場果條街係有幾間有得睇波既bar之類

用咩相機影？啲相好吸引

Canon 500D

依家發現有個問題由colmar坐去Rothenburg 要成6個鐘 我3點上車成9點先到 好似好晒時間咁
好似去海德堡住一住啲時間好洗啲 但民宿又book咗唔知可唔可以cancel

31/5
Colmar->Riquewihr->colmar->羅騰堡(住)

1/6
羅騰堡->紐倫堡(住)

另外想問啲火車飛係咪要上網買定先？驚到時買又搞唔掂miss咗班車 但買定一陣佢delay又唔知點算

睇你啲相天氣好好我5月尾6月頭都會去瑞士 係咪已經可以帶夏天衫？

想問你wide鏡係幾多mm?
zoom又幾多mm?

瑞士上雪山好貴

我印象中海德堡去羅騰堡火車都要五粒鐘?
如果colmar 六粒鐘去到Rothenburg 咁又幾快
定巴打你係搭巴士/car？不過用晒成個下午嚟搭車就真係有啲浪費

31號係打算一日內3點前玩完colmar riquewhir？如果有私家車OK嘅 巴士就要睇緊D時間 不過我就覺得有啲chur

我長途果啲全部上網買定先因為一般平好多
如果純粹因為火車delay搞到你接唔到下班係可以免費照搭下一班唔洗加錢
自己遲到果啲就無計了

呢幾日係好好彩
我諗春天衫 未去到香港果種夏天衫 見6月頭同我7月頭去都好似有4度差別
不過少女峰上面好鬼凍所以要帶埋厚外套

我全程用呢兩支
10-18mm
40mm 定焦

少女峰真係貴得誇張

本身打算去少女峰影pre wedding 但諗到交通咁貴又要包埋對crew 加埋租車過萬 要轉諗下其他地方

影婚照反而好似唔洗上到少女峰果啲 ？係grindelwald first 呢啲有草既地方好似仲靚 不過個個唔同既

諗住上埋山影呀麻