【歐遊遊記 2018】獨遊瑞士法國德國奧地利 17日童話小鎮雪山風景遊

因為搵唔倒即日寄車站嘅service同價錢

火車站官網會有

我已經俾你毒左
暑假時布達佩斯入 蘇黎世出

btw, 布拉格係咪好值得去，我見坐車坐成6 7 個鐘頭好耐，而且唔順路

gogogo

應該3-4個鐘就去到
我自己就覺得值 而且覺得我將來會再去
同埋上左去再玩返落黎反而順路 因為可以沿住ck玩落去

4-5hr 講錯

ck 其實姐係邊度

Cesky Krumlov, 捷克一個小鎮

瑞航特價有D想再走返轉

想去就去吧 平成點

樓豬呢個trip 係咪日日都轉地方咁劑

除左grindelwald外，基本上都真係 因為都真係一日玩得曬 colmar可以再玩耐d

【歐遊遊記 2018】獨遊瑞法德奧 童話小鎮仙境遊（二十八）DAY 11 瑞士北部 觀賞萊恩瀑布 RHINEFALL

係Schaffhausen check in後，我就直接出發去睇瀑布，
萊茵瀑布係呢度既一大景點，因為佢係歐洲最大瀑布。
由Schaffhausen搭5分鐘火車就到Neuhausen, Schloss Laufen am Rheinfall站，超級方便。

首先，我係車站好頹地買左個包做午餐，
然後就搭市內火車（S12 / S33）前往Neuhausen, Schloss Laufen am Rheinfall站。

其實萊茵瀑布呢頭有兩個站可以落，分別係瀑布既兩邊岸：
（S12 / S33線）Neuhausen, Schloss Laufen am Rheinfall 站 同
（S/S9線 ）Neuhausen Rheinfall 站，
兩種方法都係30分鐘左右一班，
我幸運地揀中左較好（前者）既落車站做起點，
不過其實我差啲就miss左站，好彩瑞士多好人，
路上都遇到唔少主動幫我、教我野既人。

話說我搭緊火車時，已經見到個瀑布，可能本身份人反應比較浮誇，
我mak大個口得個lone咁勁開心咁睇個瀑布，
搞到坐我附近既人見到我都忍唔住同我介紹話個瀑布好正好出名架，你會唔會去睇，
咁我就答話會呀會呀其實我正正去緊，
而呢個時候其實火車已經停左站，
不過真係停得無聲無息，完全無開門或廣播 又無人落，
出面得D草，我以為佢只係行行下停一下，
四圍d人聽到我講發現原來我係去瀑布，
即刻勁緊張話咁你快d落車啦，呢個站就係個瀑布站！！！
我果下先知原來我已經到左站，即刻係咁多謝佢地，然後狗衝落車。

好驚險，呢個就係完全唔似站既站
（而家咁睇好似站，但當時車內既角度只見到堆草），差d就miss左，

因為我本來以為一定會勁多遊客落車，點知呢程火車似乎得我黎呢度。

呢個站有咩好呢？顧名思義，
佢係係Laufen Schloss （一個城堡）隔離既Rhinefall站，
但重點當然唔係要參觀個城堡，而係呢個懸崖上既城堡，
可以比你從唔同高度去睇萊茵瀑布，
全景、係正堆水隔離睇都一樣得。

我是日路線係咁：

其實落車後我都有d lost，因為無咩人流比我跟，總之見路就行。
我就係記得睇遊記時話呢邊岸有個城堡觀景台，
可以從唔同高度去睇個瀑布，就揀左呢邊落。
兩邊岸都行曬後，的確以呢邊做起點好D，因為：

1）呢度有部Lift比你一野搭到最高，再慢慢行返返落去碼頭，
你會越黎越近個瀑布，個觀感係越黎越震撼同精彩。


2）倒返轉黎行既話要向上行好多樓梯，
重點係我呢個路線去到碼頭有個出口閘口，但果邊唔見有售票機，
感覺好似有出無入咁，我見剛落船既人入唔到黎，
如果好似佢地咁倒轉黎行可能要從閘外個無風景既樓梯路行返上火車站，
再好似我咁搭LIFT上去，再沿路行返落黎碼頭。成件事有D傻，無咁舒服。

上面就係我講既城堡，行行下唔知點解有返人出現
呢度要搭Lift上去，lift外有自助售票機，5CHF，
個人認為好抵玩。

LIFT入面都有景睇下，不過有玻璃

上到去後，見到上面似乎搞緊活動，勁多人著曬西裝social，
我好有誤闖人地party既感覺。

無視佢地，向河果邊行，就會到觀景台入口啦。
呢度要用頭先買果張入場券。


呢度可以從高處睇曬成個景，同瑞士所有湖同河一樣，D水都係好碧綠
睇相可能無咩野，其實幾壯觀

有介紹講呢度既數據 ，

瀑布闊度： 150m；
瀑布高度：23m；
瀑布深度：13m；
瀑布年齡：14000-17000年；
夏天水流速度：600 立方米/秒；
冬天水流速度：250 立方米/秒；
最少水流：1921年；95立方米/秒；
最高水流：1965年；1250立方米/秒。

落去既過程係呢D路，唔係全程都有咩景睇，
但佢有好幾個位係有觀景台，


高有高既好睇，低有低既好睇，不過低當然就震撼D。

上圖個觀景台會見到下圖既景。

今日D相唔知點解硬係好陰沉咁，D色特別怪。
我係度都stay左幾耐下，因為真係好澎湃好好睇，
見住D水力咁大咁衝落去，剩係聽到水聲，感覺好正。
BTW，呢邊岸既水力我覺得勁過果邊岸睇唔少，呢邊高度落差大D。


你見到既就係一堆水花泡泡。

呢個島仔係一個打咭位黎，D人會搭黃色船登島，行到最高影相。

Feel到果度好窄，應該要排隊上去影

係度影相會影黎影去都係咁上下，但身處其中其實係睇好耐都唔會厭，
大自然既威力

好多水氣四圍飄。

仲有得落

下一個位係一個山洞，係入面睇D回音特別大

山洞既騎樓。

係呢度真係接近瀑布既山腳

睇住D水係面前衝，自己覺得有幾分恐懼，但其實所身處既位好安全

好頑強既樹枝

呢度既水流咁勁，但左邊已經變到普通河流咁

之後最後一個觀景台，亦係我覺得最我癲既角度。

呢個位D水真係正面向住你衝埋黎，但又流曬去你腳底，

係呢個位既感覺好爽，真係幾乎零距離感受 震耳欲聾

後面既景觀，D水好快咁湧曬出去。

係度睇船都好過癮，佢地完全係逆流而上，有時被D水推黎推去咁。





呢度我都逗留好耐下，唔知點解好爽，
望住D咁近距離水湧埋黎 （但前提當然係無生命危險咁睇啦）。


向碼頭出發

等船既人們


RHINEFALL 遊船 基本資訊

路線就上圖所見，
1號船：成人 20CHF 可以比你上島仔登頂
2號船：成人 2CHF 過河用
4號船：成人 7CHF 可以比你係瀑布果邊兜下圈
5號船：成人 11CHF 有語音導航 可以比你向瀑布果邊兜下圈＋去埋橋

因為我對登島無特別興趣，我買左2+4 號船票，共9CHF，
覺得個體驗都好足夠。

呢度既水超平靜。



無咩人

咁睇，個觀景台位真係好靚，近到傻。

可以橫向睇到瀑布全景

轉玩4號船

呢度D水平靜過湖，仲有好多魚係度


邊係咁少人呀，後來成船印度佬，狂撞黎撞去

出發


feel到D水花飄埋黎

佢都真係帶得你幾近，佢基本上就係一野爆speed衝埋去個瀑布，
再停油，等D水衝返你走。不過又唔會近到你濕曬。
我無濕過。我聽D去尼加拉瀑布既人講，
佢地個boat trip係會搞到個人濕曬，相都影唔到多張
不過果個真係高大好多既。呢個矮好多，不過睇下D水流都過癮。

呢個角度睇係幾靚。


有瀑布就一定會見到既彩虹


不斷衝埋去再返黎再衝埋去就係呢個boatrip做既野，幾得意既，
不過如果你想感受洪水咁既水流，我覺得最低果個觀景台仲癲。

呢度D水之所以變到咁靜，應該係因為呢D提。

有個牌講呢度有咩魚

開始沿河行啦


呢邊岸，近距週睇既水流只有呢種

都有既，但水量弱好多

呢邊比較多石

但呢度有個觀景台就幾好view


係瀑布既水面

等到有火車到 都幾密，唔洗好耐

睇到曬火車橋、城堡、小島、瀑布，我都影得夠皮了
之後跟GPS咁答去火車站，沿路係無野睇既。

半個鐘一班既車，好彩趕得切，仲有時間買車飛。
（用半價咭就要見到有車都無得上，要同時間競賽咁買飛）

返到Schaffhausen, 本來Plan左上米諾城堡（Munot），就一直行過去，雖然個天都陰曬

其實8點都未到，唔應該咁快黑，不過原來唔係日落，係天陰黎

呢度既屋仔都幾靚


但我去到呢度之後，佢竟然落大雨
大到有遮都會濕曬果隻，根本玩唔到落去，
於是我都逼住係車站超市買D野食就返去了

所以，嚴格黎講，我係無遊到Schaffhausen架

推

個瀑布幾特別，尤其係喺你篇遊記入面，眾多歐洲景之中好突出

好正
想問下成個rheinfall區大概睇左幾耐

Thanks 巴打 底果度真係好震撼

應該唔算好耐 我諗 一兩點玩到六點左右

想問每日嘅budget包唔包酒店同車費

本來係想講爆嘅但係我啱啱再諗多次覺得應該係150-180CHF
因為啲酒店都每人冇咗$400-700 食嘢交通都好貴

想講包既*
貪方便用Google語音

有用咁就好啦 Thanks 巴打
係咪已經plan左會去 gornergrat 同glacier paradise？
我睇D人會係zermatt果度，唔洗搭纜車上去都有D路線可以行山
可以睇到木屋雪景既都應該好正
4月尾應該仲係冬天？可以睇下邊個啱～
https://www.zermatt.ch/en/winter-hiking-snowshoeing/Winter-hiking-trails2
雖然winter行唔曬5湖，但見佢都行到 Blauherd - Fluhalp ，而呢段同個湖係5湖入面最靚既（夏天黎講），可以睇下可唔可行

交通個part真係無敵！
Swiss half fare card買個陣就要簡定2nd class or first class? 簡定左就無得轉架啦？