十天淺遊－即影即有下的柬埔寨

好鐘意mini，細細張可以放入銀包，又平

講起樹，吳哥睇日出個位有棵樹擋住遺跡，個導覽話個到棵棵樹都千年歷史，全部都唔郁得

第九天－甲：



今日唔需要奔波勞碌，主要參觀博物館同一個義士既紀念公園
食完早餐就出發，團體式酒店早餐真係唔好提 食完就行過去紀念公園


沿路見到賣油檔口





公園為紀念為國家、宗教犧牲既義士，有幾座塔同幾排寫滿義士名字既紀念碑。



園區好細，好快行完，對面療養院旁邊有個當地市場，比金邊幾個市場更地道，好有氣氛可以參觀下，沿路行出去有個未建成既歌劇院。歌劇院我係其中一個柬埔寨最鐘意既建築，雖然仲裝修緊



歌劇院旁邊搞緊一個洋人喪禮，根據當地人講佢係柬埔寨出錢出力起學校、醫院等等，係柬埔寨既邵逸夫








喪禮


劇院

12月去完
唔敢食街邊檔
旅程最後一日先敢食

咁又唔洗咁驚
我去幾次都係日日食街邊檔
又平又好味

好驚d shake
不過尾二果晚試完就餐餐都飲

衛生係麻麻，生水冰 排水渠河魚 收完錢隻手幫你切生果，不過香港街市其實都係咁

第九天－乙：



先講講博物館旁有間細規模一線商場，非常明顯以中國客為主，有當地手信同名牌子，個個都操得一口流利普通話，旁邊仲有間餐廳食點心，基本上旅行團先會帶你去。







講返博物館，入場卷十二蚊美金，酒店可能有一蚊優惠卷送。裡面唔比影相，另外可以租語音導覽，裡面好大好多展品，亦有詳細歷史介紹吳哥遺跡，最特別係一個「千佛展區」，有一千尊大大小小佛像。



要認真睇哂整個博物館，約兩個鐘左右，資料性豐富，但都悶悶地，無互動式展品，好一板一眼既知識性博物館。

原諒我無仔細睇哂咁多個展區，大概一個鐘左右就離開，尾聲有紀念品區，買左一本非常有報既相集，記錄每架柬埔寨馬路上行走、當地人「日常」所駕駛既車。

第九天－丙：


新酒吧街，可惜仍非動搖到舊酒吧街分毫

接住落嚟介紹返兩間餐廳，分別享用午餐、晚餐。



第一間係大街旁既墨西哥餐廳，一般墨西哥菜，酸辣香口惹味。不過叫左份雞翼明明寫六隻，佢俾得五隻，我追問佢，佢話賣哂得返五剩，但錢照收… 我發現呢邊啲餐廳都會陰啲陰啲收多少少錢，無論柬美匯率上，還是食物份量上，不過作為遊客好難分辦到









第二間係TripAdvisor評價相當高既餐廳，主要由一位法國佬，同鬼妹主理。一入面口佢會提醒你呢到淨係賣一款小食，春卷，如果想食飽肚野會介紹你去轉角食柬菜，咁都嚟到當然試試佢。







餐廳好似豪宅花園，一大片草地加木櫈，另外有間樹屋都可以坐，會吊碟春卷上去比你。原本都有少少擔心外國人整春卷，而且天氣又熱食煎炸野都幾辛苦，不過味道相當好。

叫左一款鴨肉、招牌、朱古力、菠蘿。本來心大心細租品揀朱古力定菠蘿，問完鬼妹意見，佢話可以雙拼比我

幾款春卷都鬆化乾身唔油，鴨肉無咩特別，招牌「Wild Wild West」有牛肉、車打芝士、焦糖洋蔥、醃青瓜，醃青瓜酸酸辣辣中和芝士同牛肉既膩。

朱古力醬添混入辣椒，飽滿濃郁，又有少少刺激感點綴。焦糖菠蘿亦配合肉桂中和甜味。兩款甜品驚喜更大



埋單同法國佬傾左陣計，教你同香港人講「你好」，唔好講「nĭ hăo 」，可惜佢學唔掂，唯有叫佢同香港人講返英文


So long as you have food in your mouth, you have solved all questions for the time being. － Franz Kafka

返去之前第三晚間The Brothers Plus飲返杯Fruity雞尾酒，中和返煎炸野，就返酒店訓

等你返來得閒po下去寧靜的攝台　

打到尾聲

第十天：



最後一日，去左經過好幾次既Brown Cafe飲左杯咖啡。由柬埔寨年青一代創立，慢慢開分店去到東南亞其他國家。裝修比得上國內星巴，咖啡我唔在行就唔識評價，但環境好悠閒，兩層幾千尺咖啡廳，數埋唔夠二十張台

估唔到係一個發展中國家，一位年青人花幾年時間可以建立呢種程度既咖啡廳。曾幾何時我都係一個有理想既文青



午餐係一間澳洲伊拉克人開既餐廳，食中東菜，叫Atmosphere。
餐廳門面非常唔起眼，招牌細過韓仔丁，過經兩次先見到間餐廳，老豆同另一個中東人就係大門口食緊大煙

老闆好熱情，食物方面因為好少食中東菜，本來都有擔心，估唔到口味都好夾到香港人。反而去日本、歐洲，好多野都重口味



對所有食物都好新奇，全部都非常出色，尤其甜品，師承法國，款式創新、水準以上。而最鐘意係Baba Ghanouj，燒茄子壓成溶，混上希臘乳酪成醬，表面再淋上一層檻欖油，用Pita Bread沾嚟食，非常開胃，估唔到咁食法都唔會搞肚

雖然食中東菜有少少離題，但絕對值得抽一餐出嚟食







食飽，亦準備去機場，完結十天旅程

完：



就好似一開始講，呢個Post主要作紀錄，最近有朋友想去緬甸，搵得返舊Post資料真係方便好多。唔在狀態，打得有啲悶，原來想入嚟笑下既可能會失望



上年去左好幾個旅行，今年又接住幾個旅行，發現借旅行為自己治療情緒其實係徒然，睇到再震撼既景色或者聽到再動人既故事，都無辦法放鬆心情去接受衝擊



感受變得好短暫，好平淡就完左十日。而旅程中認識既柬埔寨人生活都好平淡，有一晚係酒店捉住個同我差唔多大既職員坐低傾計

「你地週末會去邊到娛樂？」

「一家人去吳哥窟參拜、聚會。」

「假期呢？」

「一家人去吳哥窟參拜、聚會。」

「無其他活動？」

「新年有最大型既節慶，都係吳哥窟！不如你新年嚟探我地。」

柬埔寨人就將一年三百六十五日既快樂濃縮係三日內，準備最好既食物、衣服、同心情，全部奉獻比呢三日。希望大家到生命盡頭，可以數得出人生百份之一最開心滿足既日子。

洗費約五千五百／位，連機票、酒店、簽證等等

好正

有啲走馬看花，想認識多幾個柬埔寨人

支持
樓主一年去幾次旅行左右

睇完你篇遊記,
睇下今年有無 會一個人飛去睇下柬埔寨,特別係S21

上年七月辭職，去左四個旅行，主要陪親戚、屋企人去，心情唔好，想陪多啲佢地

s21曾經囚禁一位女性，亦係紀念館中不幸既主角之一，就好似一套悲劇，長相甜美、冰雪聰明既女主角，同一位男生有段被政治欺壓至粉碎既愛情

樓主啲相睇唔到呢

睇到喎

多口問句欠巴點解富賤部wide好唔好用？
想入返部老母或者富賤 wide玩下