十天淺遊－即影即有下的柬埔寨

十幾年前去相對落後、貧困嘅東南亞國家旅行，旅遊書都會叫遊客唔好帶糖過去。因為太多遊客派糖俾當地小朋友，引起唔少健康問題。

有次去緬甸，係旅遊區有個小妹妹問我要唔要明信片，不過唔係賣錢，而係換我背囊掛住嘅一個士多啤梨鎖匙扣，佢地好少見玩具飾物，覺得比錢更加特別，反正賣到錢都係俾屋企人。自從嗰次用鎖匙扣換咗包明信片，就開始帶多幾個匙鎖扣去旅行送俾小朋友。直到最近開始玩即影即有，就轉咗送相。


暹粒河旁

呢個Post主要想整理一下自己旅程，後面亦會提及一下緬甸既蒲甘（Bagan），舊登有寫過，資料唔知有冇過時 另外暹粒某間酒店既服務態度亦係我想開Post原因之一

當然都會點評一下美國間接製造既惡魔－赤柬，同商業化下既吳哥古跡群


巴芳寺(Baphuon)

今次旅程為十天，只夠時間去暹粒同金邊，要加西哈努克港、貢布等城市，建議至少多加五日。除咗先預訂頭三晚住宿，基本上無安排任何行程，加上UO改咗兩次航班時間，由早機去變夜機去，可能有遺漏景點、安排不周等，行程如下：

06／11 出發 15／11回程

第一天：暹粒晚飯
第二天：大圈、日落
第三天：日出、細圈
第四天：大吳哥，夜車去金邊
第五天：s21 吐斯廉屠殺博物館，金邊幾個市場
第六天：萬人塚，海邊獨立節煙花
第七天：俄羅斯市場，夜車返暹粒
第八天：洞裡薩湖
第九天：國家博物館，紀念公園
第十天：返香港

最後，介紹返兩部帶去旅行嘅相機

第一部係傻瓜機Fuji Wide 300
用Fuji Instax Wide相紙，主要用嚟送俾人，勝在大張、夠平、夠穩定



第二部係Fuji FP-1
用嘅係已停產撕拉片。撕拉片一面負片、一面彩色、中間夾雜顯影藥水，影完要撕開負片，通常藥水仲係好濕，呢個時候大家都鐘意Fing下佢，而呢個就係Fing即影即有相既由來。上面第一張相就係清洗好既負片




負片

而其他相都係用手提電話影，無帶數碼相機
好喇開始打第一日

Lm

欠欠

第一天－甲：

柬埔寨慢香港一個鐘，差不多晚上六點到達機場。先係機場買咗張十天電話卡，另外有幾個主流社交應用程式任用，幫你入卡開機收到wtsapp先走，唔洗擔心唔識搞。搞完電話卡就開始搵酒店接應人員…

呢個時候講講間酒店。今次旅程其實同老豆去，本來係想叫埋阿媽，但因為連續三個月去旅行，佢話想休息下，就變成兩人行。老豆話阿媽唔跟埋嚟，緊係訂舒適啲 ，係網上揀咗間六百幾一晚，包接送、早午餐同一次全身SPA，叫「Golden Temple Retreat」。

本身係當地一個著名連鎖渡假酒店，另外幾間收費同級數都好高，而因為呢間新張無耐，而細規模比較細，所以以中價位吸引遊客。今次訂既係Premier Double Room，特點係一出門口就係泳池。

搵咗好耐都唔見接應人員，原來接應既係一位比較細粒既姐姐，另外啲酒店都係大大隻既男司機係待客區舉牌，遮住咗佢。



酒店派咗架家庭車，同行仲有一位男司機。上車姐姐第一時間就送咗條絲巾同椰青做見面禮 車程大約30分鐘，沿途先經過好多旅行團住既大酒店，之後幾個商場、酒吧街，再到酒店。姐姐英文唔差，係當地國際學校讀書，另外仲笑得好甜美 第一張相就送咗俾佢



留意返右上角有部電話係酒店提供，但因為驚整唔見，亦買咗電話卡，所以無借到。



到達酒店大堂，換咗個男職員招呼我地，姐姐就幫我地登記入住。男職員係新加波回流，唔知有咩誘因吸引到佢返嚟 。同佢傾咗陣又有人奉上一堆飲品小食同凍毛巾，小食除一大碗無可能食得哂既花生同生果，仲有幾件地道甜品。好快搞完手續，姐姐幫我地攞行李入房，不過堆Welcome Drinks Welcome Food仲未食到一半，但想俾貼士佢，快快手食埋少少野就跟佢入房。


望到大堂幾部Mac，諗起有次去日本想用酒店電腦查啲野，發現鍵盤痴泣泣

房裡頭又有一堆生果，香蕉、龍眼、睪丸等等 。一張大床，一牆之隔後面就係洗手間同企缸，冷氣凍到痴線
洗個面就準備出去行個圈，然後醒起無散紙



有問過朋友，話去柬埔寨唔洗換當地錢，帶美金去會找返當地錢，大約1：4000。因為初到埗唔知物價幾多，身上最細得十蚊美金，打算問下酒店有冇得打散佢。原來佢有少少旅行式外幣，即係1／5／10美金俾住客換（唔多，有機會無哂），咁就直接換咗50USD散紙



小個便，準備出去行街

去過金邊，其實冇想像中咁落後

經過赤柬洗禮後支離破碎，後期大量華人進註投資又抽下水，慢慢愈來愈熱鬧。感覺似早期泰國、台灣，治安以外都有明確方向去處理。有聽過其他巴打講金邊日光日白都有人偷野，暫時今次旅程就未遇過。暹粒明顯比較落後，但民風亦相對純撲，感覺比金邊安全。

呢set icon幾靚

欠欠

房裡頭又有一堆生果，香蕉、龍眼、睪丸等等 。一張大床，一牆之隔後面就係洗手間同企缸，冷氣凍到痴線
洗個面就準備出去行個圈，然後醒起無散紙

Lm

Lm

期待你講s21 5月去覺得好震撼

推，黎緊去暹粒

第一天－乙：



酒店離旺區Pub Street大概10分鐘路程，行路旅行，點對點一個鐘內既路程都會行過去。酒店轉彎有間山寨七仔，酒店對面都有間小型便利店，酒水、零食都有得買。



十分鐘左右行到河東岸既Art Center Night Market，中心旺區。都係一般紀念品區，白人買十蚊，華人買八折，講價五折起跳。不過今晚紀念品唔係主菜。



雖然食咗一堆小食，但去旅行胃口無限大，係河邊有大大小小幾十檔甜品、飲品、熟食推車，可以坐低係一檔叫幾種食物，其他檔會送過嚟俾你，每檔本身都識對方。好快搵咗間光猛既坐低。



睇睇菜牌，價錢都係1－2USD為主，當然份量唔係太多，但味道相當唔錯，口味亦接近香港人。款式似泰越，叫咗碗湯粉、炒粉、同一杯Lemon Shake，埋單5蚊左右。想講講杯Lemon Shake真係唔錯，甜酸適中，唔會酸到麻亦唔會甜到膩，試過幾隻Shake，檸係頭三位。







的確唔係好飽，行多兩步見到班戟又叫咗份，1蚊





最後簡單行下酒吧街等消化，打道回府。
返到去，同酒店姐姐計劃呢幾日點用，就出咗＃1個時間表，酒店方便安排好督督車，Check Out先俾錢。無記錯價錢如下：

大圈：23
細圈：18＋3（日出）

另外訂埋去金邊既車，安排好就結束第一日行程




呢檔唔好食又貴，伏


流浪貓貓

我睇唔到個分別

共匪當然罪大惡極，但美國都責無旁貸。無論派兵、撤兵，都只考慮國內政治因素，視外國人命如草芥

另外去過越南一個戰爭博物館參觀，有一層牆上掛住一幅幅受生化武器毒害既人相片，令人不敢直視，但個陣震撼同憤怒

好快到北韓同中國，人們應當反共

童話巴打

，我怕去到水肚不服

咁多次旅行淨係韓國試過水肚不服

亞洲大國，小便唔洗手

，d 水果好冇味

剛剛去完，睇黎回味下

每次見到呵欠欠都諗起啲圖戰