十天淺遊－即影即有下的柬埔寨

我上星期都係暹粒

欠欠係咪舊登果位

第二天－甲：



一早起身食早餐，飯廳六百幾呎，自助式，擺出嚟既款式唔算多，不過冷盤、生果、包、果汁、粉麵等等。比較特別佢有個附加菜單，即叫即整，重點叫哂就無錯，認真製作





食飽就出發，先同司機打打招呼，然後買門票
大部份司機英文都唔太好，如果撞正一個有能力身兼導遊既司機就一流，唔係都可以請返個有牌既當地導遊，英法支日語都有。而主流景點都有企街導遊招客，做個別景點介紹



分一／三／七日飛，一日飛除左旅行團應該都好少人會買
，我就買三日飛，好貴。各國都抽唔少水 聽過有人睇日出前買，但太趕時間，建議擺第二／三日。張飛印住你個樣，每日第一次入場都釘個洞，唔好走數偷入去，要罰錢



今日主要玩大圈，行程為：

變身塔
東湄本寺
女王宮
塔遜寺
涅槃寺
聖劍寺
巴肯寺日落

緬甸浦甘既日落日出

用app睇勁f5都冇圖
g持左先

柬埔寨就係好正
西哈努克(Sihanoukville) 仲好玩 有陽光海灘 最重要係貴有貴玩 平有平玩 又唔多大陸人
利申: 去左幾次Cambodia

好多巴打去西哈努克玩女女

第二天－乙：


變身塔

每個遺跡都有佢自己既故事，做咗功課去睇會更加投入，而酒店、手信區都有唔少書作詳細介紹，有興趣可以買本睇。但單以觀光而言，睇多幾個可能會覺得大同少異

吳哥窟遺跡群每個都相隔好遠，大圈去女王宮等坐督督起碼一個鐘，沙塵滾滾，請自備口罩太陽鏡，或者俾多份錢包冷氣車出入。

觀賞方式一般從規模、用途、雕塑入手，有幾百年前既市集，渡船而進既醫院，無數為權貴而建既寺廟。詳細故事可以參考呢個網站，我就唔班門弄斧。

Mr Angkor
https://www.mr-angkor.com/category/travel/scenic/

柬埔寨：我又無財無物，唔好話修複遺跡，連照顧國民都唔掂，既然你班外國人成日吹奏吳哥窟，不如送你地搞，分返少少錢俾我就得。


變身塔

唔同遺跡都有招牌介紹其背景，同邊個國家負責修葺。有啲國家明顯渣流欄，亦有部份認真工作。但好多路段都凹凸不平，一個唔覺意就扭傷，而我就係第二日扭到

唔係得我一個，成個行程見到三個鬼佬扭傷，一個坐埋輪椅
我唔係專業人士，唔識分析到底修複得好定壞，但作為遊客真係要小心，一來路面好崎嶇，二來大部份寺廟又高又鈄，梯級又窄又細，一半都無扶手，一個唔覺意就無敵風火輪



有人話維納斯女神像斷臂係缺陷美，呢件都係缺陷美
而各個遺跡都有大大少少被天災或人為（赤柬）破壞既珍貴古物



最易理解，亦最易欣賞既，相信就係遺跡上既雕塑，精雕細琢，巧奪天工







然後又係賺遊客（白人）錢既地方，有個當地人突然質支香俾兩個鬼妹，叫個鬼妹插係壇上面，隨緣樂助，佢地埋單俾咗十蚊雞美金。


塔遜寺

涅槃寺係其中一個比較特別既景點，以水為題。要經過一條長長既木棧道走入被水池包圍既涅盤寺，棧道兩旁係長滿植物既湖。聽講以為要坐船入，一次打風後先修左條木棧道。或者會令人諗起台灣高美濕地同緬甸U Bein Bridge。

相傳棧道盡頭既水池具療效，當地人稱池水為「聖水」，見有牌寫住唔好偷水，但有當地人一桶桶攞走
就係攞去旁邊拜祭用



涅槃寺旁拜祭的老人和小孩


偷水

涅盤寺 / 龍蟠寺 (NEAK PEAN)


https://www.mr-angkor.com/neak-pean/

中午司機車左我地去一個地方食飯，相信係同餐廳夾定，好多遊客都車左入去，係連日來最唔抵既一餐，唔係唔好食，但真係好貴，兩碗野埋單十幾蚊




不過餐廳有貓貓

巴打幾號去

我打算買一日門票睇細圈， 4日3夜 夜到早走 冇咩時間睇3日

好趕wo

冇計，坐uo 平機票 ，$700好似

同埋我都怕太熱

我記得當年我個司機玩到最尾 講左個爛gag
司機: we are now go to the last temple
我: what? (當時已有d攰)
司機: the golden temple

去Koh Rong 呀嘛 大把好酒店

柬埔寨作為旅遊區雖然無越南發展得咁快，但勝在簽證平一半有多，去多幾次都得

不過越南既大叻係其中一個令我想長住既東南亞城市

簽證差地簽都係差唔多WO

以前去好似750，可能記錯

依家最平好似仲係31美金

第二天－丙：



沿途會發現唔少無頭石像，大部份被外國同赤柬搶走去賣。不過至少唔似某啲國家自己打爆自己啲文物

聖劍寺同因《盜墓者羅拉》而聞名既塔普倫寺一樣有被巨樹纏繞既建築，因石牆有多個手握寶劍既雕塑而得名。聖劍寺主要由多條石柱組成既，層層門框，畫面相當獨特。








寶劍守衛

聖劍寺後就直接去巴肯寺睇日落，大約三點半就到，未見人潮，行左廿分鐘左右就上到頂。係暹粒最高地標，的確係睇日落好地方之一。

但天氣唔算太好，另外環繞周圍既建築太少亦唔起眼，實在唔認為會睇到一個靚日落，所以行到半個鐘就決定落山，雖然陸陸續續好多旅客上山，但都唔少人放棄觀賞日落而落山。






施工中


分好編號準備重新安裝的石磚

講起日落，要寫日落最靚，身為馬鞍山人緊係揀烏溪沙第一

第二就係緬甸蒲甘。蒲甘係一大片叢林中有無數大大少少既塔（Pagoda），樹海同尖身啡黃既寶塔剪影…

四年前





舊登講緬甸：
https://forum.hkgolden.com/view.aspx?type=TR&message=5182781

落返山見到原來有大笨象坐，不了



前面講到我扭親隻腳加舊患，上年係日本重傷無好好照顧…
咁就問酒店有冇冰，佢地即刻好關心問我係唔係扭親，唔知係佢地真係咁細心定真係太多人扭親

佢地叫我返房先，之後有人用幾層袋包好一包冰連毛巾俾我，真係好體貼好感動

撕拉片

https://www.youtube.com/watch?v=_uFtoE70Hj0

夜晚去湄公河邊條酒吧街會淆

雖然冇夜晚嘅馬尼拉市咁恐怖