十天淺遊－即影即有下的柬埔寨

安全方面，暹粒、金邊，我覺得還可以
係洗費唔化算，比如包車玩吳哥窟會重皮，除非外其他獨遊客組隊，不過一夾就三日，咁獨遊有啲麻煩

所以都係要組到隊先去得成

可以試下租電單車，不過出意外就煩，見鬼佬單車玩大圈都踩到死死下

沙塵滾滾就免啦

我下個月一個去，包一日20美金都唔洗 好撚平啦比起日本，酒店$200晚己經係4星級

我都鐘意獨遊，係食方面試唔到太多野

都係果句，比個藉口再黎過

留個藉口下次去

20美金又好似幾抵屌喎

好平架咋

愈來愈少即影即有相呀…

送哂出去
packfilm又就住影

等陣再出

第五天－乙：



訓醒開始長征，治路由吐斯廉屠殺博物館起行、到奧林匹克市場、烏亞西市場、中央市場、最後係車站附近食晚餐，再坐車返酒店。







吐斯廉屠殺博物館前有間日本開既Cafe，可以先醫飽個肚。



吐斯廉屠殺博物館裡面好多地方都唔俾影相，而事實上都無太大心情影相。



吐斯廉屠殺博物館，詳細故事我就唔係到打，一來外面有更多學者有更深入探討，二來希望大家可以租一個導覽語音機，跟住佢一步步探索呢段歷史。本來想話評論下，但＃19都大概講咗諗法



吐斯廉屠殺博物館，亦被稱為S21，前身係一間學校，之後被赤柬用嚟囚禁「犯人」。所謂罪犯，只需冠上一個莫須有罪名，捉一個人，嚴刑逼供供認犯下各種無稽罪名。



赤柬主要想犯人「承認罪行」，所以一般係犯人認罪前盡量吊住佢命，認罪後亦要供出「同黨」，下個被捉就係家屬、朋友。無你既事，就會送去郊外處決，亦即係後期會提到既殺戮戰場（Khmer Rouge Killing Fields）。

裡面太多太多故事，對於生活係中共眼底下既我地可能已經聽到習以為常，對其他國家嚟講亦只係一個未成熟既經濟體，唔好忘記當年歐美國家都有份捧赤柬入聯合國，今日睇返真係貽笑大方。以上故事都變成歷史，有人話歷史係作為人民既警惕同告誡，但事實上人類只會一次又一次跌入思想陷阱，孕育出一個又一個極權。

我記得金邊有賭場...
我人生其中的一個夢想就係去晒全球既賭場..
獨遊去賭場有無危險...好驚被人搶野

最多中國越南客，你香港人又身光頸靚始終有危險
不過我孭住個大背囊，一睇就知唔係賭錢，離開賭場行返酒店條路都好開揚，晚上去都唔係太恐怖

不過都係小心至上

另外華人樣待遇係有唔同，去賭場前有條大馬路好多車，我想行既時候有幾個當地人起左個人肉圍欄幫我擋車

我諗對當地人嚟講呢個賭場都帶比佢地唔少好處，始終唔希望賭客有咩事搞到賭場無生意

老老實實，搶野風險太過高山，除非你囉住錢係手行街，唔係既都好難有人搶

第五天－丙：


在奧林匹克運動場旁的工地玩耍的小孩

今日去既三個市場，奧林匹克市場、烏亞西市場、中央市場，前兩個比較少遊客，但三個市場都以服務本地人為主，賣乾濕貨、日常用品、熟食等，可能我下午去，人山人海，水洩不通，所以基本上輕輕行個圈就走。


好多華人建校

因為全程行小路，經過好多當地人既通道，生活好多姿多采，亦無想像中咁污糟，不過當地人會好好奇望住你，以為你盪失路





無幾耐就到奧林匹克市場，重點做服裝批發，賣女人衫為主其實幾乾淨幾好行，不過真係太多人，好快就離開



無幾遠就係奧林匹克運動場，一個綜合體育場，跑步、踢波、沙排等等，設施完整齊全，最高可以容納八萬人。附近將會有大型高級住宅相繼落成，呢一帶應該係黃金地段

同非常平民化既奧市只係一街之隔，唔知十年廿年後會變成點







離開運動場就去到烏亞西市場（Orussey market），有人會搞錯佢同俄羅斯市場（Russian Market／Tuol Tompoung Market）

烏市貨物就廣啲，衣食住行一應俱全，特別係食方面，由早到晚都有不同小食選擇，不過始於街市，衛生唔太好，我就無試。

但值得嚟參觀下，下面有地圖，其實夾到路線都幾好行

講開，第一日行街有好多督督司機氹你包車玩一轉金邊，應該會去哂幾個市場、景點，不過我衡量過夠時間自己行就無安排車，如果有興趣可以去金邊皇宮附近撞下，當然最方便經酒店訂



附上今日地圖

繼續睇

第五天－丁：

時日無多



離開奧運見到日落，去到中央市場已經入黑，淨係外圍濕貨準備收檔，亦只隱約見到市場奇特既外形



天黑，見前面有座同金邊格格不入既商業大廈，Vattanac Capital Tower。大廈係Vattanac Bank 安暹銀行旗下物業，幾年前開幕，睇wiki佢都算包羅萬有，公寓、零售、寫字樓都有，而地下仲有幾間餐廳，不過對於香港人太「平常」，決定唔係到食晚餐。



附近其實好多中高級餐應同Cafe，經過一番搜索，決定去Labaab Restaurant ，Vattanac Capital對面一檯唔起眼既小建築，再經一道更唔起眼既樓梯上二樓。以柬、越菜為主既餐應，客人以當地工作既外國人為主，價錢亦相對當地中上價位。

https://www.facebook.com/pg/LabaabRestol



過左太耐已經唔太記得每道菜細節唔好意思
比較特別既係碟用米紙包既越式小食，另外仲有份炸豆腐灑上唔辣既辣椒乾碎，最後以椰子無餡湯丸結尾，非常非常滿足 。

第五天－戊：



講漏左，食飽去左對面金邊火車站，主要去機場，另外最近重開往西哈努克港線