十天淺遊－即影即有下的柬埔寨

芽莊除咗玩水冇嘢好玩喇喎........

法包真係冇得輸
我喺芽莊坐車去大叻嘅途中都食過件好撚好食

柯士甸有間全港最好食既法包，但已經加價幾倍，亦止於香港最好食，同越南比跌到二線

之前去d餐牌都要US5起跳，點解你咁平既

食過一次
印象中係好食嘅

河邊車仔檔款款都係5蚊內，始終環境比較陽春，但河邊以外正常餐廳5蚊都合理價錢

第三天－戊：



訓左陣行去Made in Cambodia Market，就係Hard Rock旁邊。MICM部份賣既野出面手信店都有，一如全球手信區，減50％唔是問題，但呢到整體定價明顯高啲。





就係MICM旁邊有間餐廳叫The Brothers Plus，有兩層，見環境唔錯，又無酒吧街咁多人就入左去食晚飯。最後一晚都有返嚟飲野。











Carbonara、Pizza、Fish Amok，加一杯Dirty Martini

首先估唔到厚底Pizza，另外估唔到意粉跟蒜蓉包，包到

價錢中等，味道唔錯，份量尤其意粉真係好足，Pizza就唔試都得。

講講地道菜Amok，可以揀唔同肉類，配椰漿同香料做湯底，以椰殼／椰葉盛載。味道似微辛辣既椰汁咖喱。原本擔心浸汁魚會霉爛，但魚質較實，配汁送飯非常開胃。



又係指定時間後酒水有折，飲哂一頁都平過香港開酒
不過注意身體健康啊大家

晚餐結束第三日行程

第四天－甲：

https://youtu.be/DBOQhLPePVU

前兩日基本上玩過一次大細圈，最後一日食完早餐就向酒吧街相反向行下





沿河邊相反方向行，雖然一片黃土，但都係好純撲既鄉村







係個山旯旮地方有間賣古董既鋪頭，件件都幾百年歷史，一千幾百都有交易，可唔可以帶出境就唔知，不過佢仲有DHL送貨服務




河邊圍網捕魚









回程就返酒吧街食午餐

有冇食 大麻pizza

呵欠欠

第四天－乙：



三日票，最後一日就自己係街邊搵車去行多轉大吳哥，一出餐廳問價，開廿蚊 早兩日包車玩足一日包埋日出日落都係廿蚊／日

最後搵到架車講價講到九蚊，雖然最後俾十蚊佢話唔找



今次只有一站，就係十二生肖塔。前兩日都經過過，十二座塔組成既建築群，每座塔上都刻有唔同既動物。

呢邊有啲被冷卻，一般遊客都唔會行過嚟，十二座塔都幾乎無人，係呢邊影左張100c寄俾個朋友











然後行多兩個圈，又見到一個無遊客既遺址，但有一位當地女孩坐係上面讀書



之後再行多個遺跡就離開




定居已久既鬼佬

快D整理好D相之後返過來POST相引人落疊入坑呀

金邊有得玩真槍,火箭炮,有無去

個邊好似多左人買機當聖誕禮物比女女

無，以前係越南試過，無記錯100蚊/Q，聽講仲有火箭炮玩，會車你去老遠，放個有料石油汽罐比你射

我見火箭炮500美金要

我就係見個鬼佬攞住罐野同我say byebye走左去，我諗畫面應該好壯觀

人一世物一世,有幾何揸到火箭炮你射呀

你真係信？

渣ak 手槍 機槍100定200美金 好似有100粒子彈

第四天－丙：

快快手完左佢，下年無機會



經酒店訂左車過金邊，2330開車，0530左右到，晚上慳返晚酒店錢之餘，交通亦比較暢順。都公價寫哂出嚟，國內至越泰都有巴士到。

起程前最後一餐晚餐，揀左係酒店轉角一間燒烤店。因為TripAdvisor推介，日日排長龍。







中高價位，叫左田雞、牛扒、豬肋骨等等，其實食物好普通，牛扒太柴，不過職員好好傾，知我係香港人大家傾左陣中港問題，講到一半有班好似中國人既遊客入左嚟，我地即刻靜左，之後發現係日本人，大家又一齊講港獨 。







食飽返酒店搞退房，職員話我地成身汗坐夜車好辛苦，安排左毛巾同房比我地沖埋涼先走

走既時候送左兩件印有酒店Logo既T Shirt作為紀念品

順帶一提，酒店包接送，去坐長途車都送埋你去車站





揀左Giant Ibis公司既車，後排近洗手間，大床無隔訓兩人，另有單人床。如果單人去請小心揀位。

第五天－甲：



太早到金邊未有房，放低行李係酒店出去行陣，順便搵早餐。
住既係Home Chic Hotel，連稅約125HKD/位，唔包早餐接送。


由長途車站坐到酒店






好快就行左去金邊皇宮，因為近獨立節慶，周圍都佈置得好好








市中心最易認地標一定係金邊獨立紀念碑，旁邊仲有個公園，好多本地人晨運，飲咖啡睇報紙，同鄉郊味重既暹粒有明題分別。







佛教我唔熟，呢隻野係緬甸都見過，個樣好似比人踩親條尾咁，係咩神？



相當多中國人嚟做生意，中菜已經滲入當地。



比較失望係少早餐店選擇，大部份都係Cafe，坐左晚夜車真係唔想食乾包。好在酒店附近有間非常唔錯又抵食既越式餐廳，環境地點都好靚，第二朝都係到食早餐。

牛肉撈檬、豬雜麵等大路野以外，個小食Bánh ít 。糯米粿，包有豬肉乾蝦，煙韌軟糯又香口











份量唔少，豬雜麵仲有隻豬手，幾乎食唔哂。食飽就返酒店攞房，順便補眠。

獨遊係咪唔適合去柬埔寨