[真人真事][校園][純愛]《兩個我加一個妳》(Ⅱ)

差唔多等多陣就可以

加速

live

曖昧到尾，佢提出分開，明明大家都知大家好愛對方，但係就係差一句，佢好想我講但我又覺得太快 ，當初太多因素影響住令我唔咁快講出口，到最後我同佢既承諾得番我一個on99咁兌現

第四十章
就嚟返到學校門口嗰陣

芊靈:「係喎今日一齊放學喎 」

我:「我知啦

係你話尋日有啲野做先至唔一齊走 」

芊靈:「唔使咁串嘅

我都係講一句啫 」

我:「咁好啦照舊啦 」

芊靈:「知唔知我尋日去咗邊 」

我:「痴線我一定知啦 」

芊靈:「幫一個傻仔拎生日禮物 」

講完之後重要單一單眼

配合佢嘅斜陰髮型，

真係冇得輸

我:「你講真架

有禮物我打死都認傻仔呀 」

芊靈:「似你咩成日講大話 」

我:「講真喎

乜我對住你成日講大話咩 」

芊靈:「你嗰啲誇張野呀重唔係講大話 」

我:「嗰啲全部都係我真心說話

你竟然唔信我 」

芊靈:「太做作喇大佬 」

我:「咩做作

全部都係我個腦諗到乜就講乜

失望呀

不過話時話係咩禮物 」

芊靈:「將就下啦

其實唔係好貴架咋 」

我:「你咁樣諗就錯

只要係你送就已經係無價

貴到有錢都買唔到呀 」

芊靈:「你肯定係成日去街市買餸

把口啷過油

當咗我係街市嗰啲嬸嬸 」

我:「望住我對眼

等你睇下我係咪講大話 」

芊靈:「唔望呀 」

我:「快啲望啦 」

芊靈:「唔望 」

我:「你睇下你丫

我就係知你鍾意聽所以先至講咋 」

芊靈:「冇人話鍾意聽喎 」

我:「我發覺你都幾撚蠱惑

成日都扮晒蟹

明明鍾意又唔認 」

芊靈:「冇呀

唔好喺度黑化我 」

我:「係喇係喇

你話冇就冇啦 」

我估連佢自己都唔知

佢每次開心嗰陣，

個咀都會輕微郁向右邊

動作其實唔係好大

不過我咁重視佢嘅笑容，

自不然格外留意啲小動作啦

如果淨係講呢一點，

我好有信心我係好了解佢。

放咗學之後，

佢照例行過嚟我班房搵我啦

芊靈:「帶齊啲野未

手冊功課筆袋銀包水樽 」

我:「頂你真係記得提喎 」

芊靈:「唔想再陪你行返嚟呀 」

我:「對唔住係我錯 」

芊靈:「帶齊咁就走啦 」

我:「究竟係咩生日禮物啫 」

芊靈:「上到巴士你咪知囉

講明先唔可以話唔鍾意

就算真係唔鍾意都唔好講出嚟呀 」

我:「痴線你送乜我都鍾意 」

芊靈:「識講野喎 」

我:「對住你自自然然識啦 」

芊靈:「啲鞋油落得唔錯 」

跟住我地搭嗰架車好快就嚟到，

上到巴士之後，

芊靈就拎咗件衫出嚟

原來係自己整嘅

即係一件t卹，

但係啲圖案係根據自己嘅諗法加落去

嗰件衫係黑色，

中間寫咗兩行白色字，

「happy birthday to one，

16。」

我:「嘩幾靚喎 」

芊靈:「反應扮得幾好

唔錯 」

我:「梗係識做啦 」

芊靈:「我尋日就係出去我呀姨嗰度拎呢件衫

佢本身係做呢啲嘅，

百零蚊咋唔係好貴呀

希望你鍾意啦

生日快樂壹仔 」

講開生日禮物，

其實我有第二個睇法

事關我本身係唔鍾意生日禮物嘅

好過之前我已經同Cyrus講，

叫佢唔好送生日禮物俾我

因為我覺得萬一件生日禮物唔啱自己嗰陣，

其實真係好尷尬

要又麻煩到自己，

唔要又好似唔俾面

所以識得耐嘅朋友我全部都叫佢地唔好送

不過咁，

每一個人心入面，

都總會特別對待某一個人

男又好女又好啦，

點都會有一個人係突破你思維入面

嗰陣我梗係好開心啦

估唔到芊靈真係送生日禮物俾我

我:「真係幾靚

但係我想問點解係to one 」

芊靈:「你係壹仔嘛

咁咪to one囉 」

我:「幾撚搞笑喎 」

芊靈:「以後你同我放呀bi嗰陣著住佢啦

咁我咪知你冇唔著佢囉哈哈 」

我:「原本我就諗住喺屋企著

不過你講到出口我梗係著出街啦

話之俾人笑戇鳩仔 」

芊靈:「其實唔係好差啫點會笑你呀 」

我:「你著咪唔差囉 」

芊靈:「唔好咁睇小自己 」

呢個時候我當然又扮唔記得落車啦

我:「頂又唔記得落添 」

芊靈:「話咗叫你帶個腦出嚟

係都唔聽 」

我:「又要行返去

仆你個街 」

芊靈:「當做運動啦 」

唔知我啲戲做得好唔好

但睇佢反應，

起碼呃到佢先哈哈

落車嗰陣，

我同佢都向住同一個方向行嘅

係去到某個位就會分開

咁我行行下就口喝，

就喺背脊拎個水樽出嚟啦，

當我擰轉面嗰陣

就見到有架單車衝咗上嚟行人路

嗰陣速度都幾快

又咁啱架單車唔係向住我呢個位行，

而係向住喺我隔離嘅芊靈，

跟住就聽得後面嗰條友講睇車呀

芊靈呢個時候懵然不知

咁我就順勢拉佢埋嚟我嗰度

嗰陣佢個頭喺我膊頭對落少少，

但又未去到胸口嗰度

架車好快就過咗，

芊靈:「唔該晒呀 」

我:「啱啱係咪好型先 」

芊靈:「搞錯呀第一句唔係問我有冇事先 」

我:「我梗係知冇事啦

反應咁快即刻將你拉過嚟 」


芊靈:「咁又真係幾快嘅嘻嘻 」

我:「重使你講 」

芊靈:「唔通生日嘅人真係特別醒 」

我:「不嬲都咁醒 」

芊靈:「自戀狂 」

我:「俾下面我啦

話晒啱啱救咗你 」

芊靈:「咁頭先真係好型囉

滿唔滿意呀呢個答案 」

我:「滿意 」

芊靈:「咁好啦我返屋企喇

拜拜 」

我:「拜拜 」

就係咁，

我第一次同女仔過嘅十六歲生日，

正式落幕

呢個生日締造咗好多第一次，

我又好傻咁樣將呢啲咁無謂嘅第一次，

全部儲存喺個腦度

最傻都唔係咁樣

而係唔肯撳delete。

丁仔唔好掛住睇馬啦，出文呀

Sad mode on

我:「俾下面我啦

話晒啱啱救咗你 」

第一眼睇冇事

再望多眼就諗歪咗

happy birthday to one

通常前面有幾甜 後面就有幾sad
然後又有Surprise Ending

依家係咪冇聯絡

唔到佢唔滿足
呀行結婚大家玩得好開心呀
特別播返以前中學嗰啲片
真係有啲感慨唔呃你

點解呀

你啲思想唔得呀

佢話嗰陣真係呆咗

佢話喺度呀

唔知呢

最尾個兩句

有冇著先

咁好多人都唔敢delete嘅