[真人真事][校園][純愛]《兩個我加一個妳》(Ⅱ)

Pish

其實 壹芊靈壹 嗰條 iq 題係就咁完咗？
好似無再交代？
係我 miss 咗 定 樓主留伏線？

樓主未正式開估

個個都知

你冇miss到呀

係

一個名三個字姐

利申：專一

未問條iq題就已經有巴打諗到呢個term

可能壹仔同芊靈都係高登仔，所以用1001做聯繫

咁巴打你都幾犀利
佢估唔估到

藍斯犀利

芊靈我估未必係
真係估咋

幾時再出啊

又係你

文呀

第三十九章
食完之後我地就一齊返學校

依家回望返轉頭，

其實一齊返學我都講唔出有咩特別，

根本就平凡到冇得再平凡

但係自己又唔捨得或者係唔願意去刪除，

硬係唔夠灑脫

去到學校門口，

大家準備排返自己班嗰條隊嘅時候

芊靈:「係喎今日一齊食lunch喎 」

我:「好

你話點就點囉 」

芊靈:「好似好難為你喎 」

我:「梗係唔係啦邊度係呢

同你共晉午餐簡直係我嘅榮幸 」

芊靈:「吹水王

一陣門口等啦 」

就係咁，

今次應該係我同佢第一次一齊食lunch

我可以同你地講定，

日後我同佢重有大把機會一齊食lunch

不過大家都明啦，

你問我嗰陣有冇好傻咁樣期待

我話冇你都唔信啦

返到去班房，

好彩大把人都有同我呢個毒撚講生日快樂

都未至於真係好慘

有條茂利重請咗粒朱古力我食

跟住我聽到啲野

某同學:「壹仔同x芊靈慶祝咪得囉 」

另一個同學:「佢兩個好熟嘅咩 」

某同學:「係呀之前見過佢地一齊呀 」

跟住就少不免起哄啦

咁樣循例上我都要扮下野話唔係嘅唔係嘅

不過講真當時我又真係冇乜尷尬

可能我自己知道我同佢係咩一回事

有冇暗爽，

梗係有啦

咁樣好似成功插旗宣示主權丫嘛哈哈

之後我就同Cyrus講今日唔同佢食晏

我:「係喎今日唔同你食晏 」

Cyrus:「做乜撚

唔通你俾人罰 」

我:「唔係呀約咗芊靈 」

Cyrus:「死仔進度幾理想喎 」

我:「咁啱生日啫 」

Cyrus:「又唔見佢生日嗰陣同我一齊食晏 」

我:「屌你啦你八月生日使撚返學咩 」

Cyrus:「屌你啦我都係咁講啫 」

我:「今晚打機補數啦 」

Cyrus:「得啦屌 」

我:「咪住先你個樣好撚蠱惑

你想點 」

Cyrus:「可能陣間我同你會咁啱去同一個地方食晏呢 」

我:「頂你唔好呀 」

Cyrus:「唔知呀睇下佢地點樣話事啦 」

我:「好一個變態佬 」

Cyrus:「講笑咋 」

我:「信住先 」

食飯嘅鐘聲響起，

跟住就梗係即刻去學校門口啦

冇幾耐佢就嚟到

芊靈:「咁快嘅 」

我:「你遲啫 」

芊靈:「唔關我事我已經九秒九跑落嚟 」

我:「行啦 」

芊靈:「想食咩呀 」

我:「冇所謂呀你話事啦 」

芊靈:「搞錯呀次次都話無所謂 」

我:「俾你揸弗唔好咩 」

芊靈:「又好啫

不如食邊度邊度

啲雞扒飯好好食 」

我:「好呀冇問題 」

邊度邊度即係一間日式餐廳

當然只係平民野啦，

廿零三十蚊一個飯左右

依家重邊有廿零蚊一個飯丫

入到去我梗係即刻望下Cyrus條變態佬喺唔喺度

芊靈:「望咩呀 」

我:「冇睇下邊個侍應靚女啫 」

芊靈:「你嚟食野定係睇女呀 」

我:「如果我唔係嚟睇女就唔會同你食啦 」

芊靈:「口花花 」

我:「睇下你笑得幾開心 」

芊靈:「冇喎邊有笑呀 」

我:「重唔認 」

芊靈:「叫野食啦 」

女人果然都係鍾意聽門面說話

傾咗一陣啲飯就嚟到，

芊靈:「你塊雞扒好吸引喎 」

我:「咁你想點丫 」

芊靈:「如果有人可以分啲俾我試下就好喇 」

基本上佢每次都係講呢兩句

講完之後我就會俾啲佢食

犧牲少少食物但可以氹女仔開心，

我相信每一個男仔都知點樣做啦

邊使人教

跟住我就切一大塊雞扒俾佢，

芊靈:「唔使咁多呀咁樣你冇得食 」

佢又再切塊雞扒，

俾返大嗰嚿我

芊靈:「係喎今餐我嘅 」

我:「咁多謝呀 」

芊靈:「唔多謝

到我生日嗰陣你識做咪得 」

我:「原來係要回報嘅 」

芊靈:「梗係啦唔係你以為咩呀 」

我:「得喇得喇得喇

你放心我實識做 」

食飽之後佢話想去買糖

即係嗰啲好長嘅可樂軟糖呢，

個面有糖粉嗰種

話一陣上堂食

我:「壞學生上堂偷食 」

芊靈:「我就唔信你未試過 」

我:「你唔好笑呀

我真係未試過呀 」

芊靈:「又講大話 」

我:「不過咁，

整一條嚟丫 」

芊靈:「估到你啦 」

我:「你拎高啲

隻手唔夠長呀 」

芊靈:「咁麻煩架 」

跟住我就直接用個口食，

放心啦我冇掂到佢隻手

咁就成功迫佢餵我食野哈哈

芊靈:「你做咩呀 」

我:「食糖囉 」

芊靈:「懶到手都唔用 」

我:「你直接餵我特別甜丫嘛 」

芊靈:「核突

唔公平呀 」

我:「咩唔公平 」

芊靈:「有咩理由我餵你你唔餵返我 」

我:「原來咁咋話簡單啦 」

跟住就到我拎一條可樂糖出嚟，

佢就做返頭先我個動作

但當佢個口就嚟食到嗰陣，

我就特登玩野拎返開條可樂糖


芊靈:「無聊

好好玩咩 」

我:「少少啦

今次真係唔玩 」

芊靈:「信住先 」

第二次佢真係食到，

芊靈:「真係冇玩喎 」

我:「邊敢玩丫

唔驚你發爛渣咩 」

芊靈:「我咁善良點會呢 」

我:「係你啱你啱 」

好彩嗰陣隔離冇乜人，

如果唔係就水洗都唔清

甜呀 多謝巴打

今晚

點解多謝我呀

加速

大大力一推

大大力一推