[真人真事][校園][純愛]《兩個我加一個妳》(Ⅱ)

巴打

唔係話乜
有時一步真係一步
雖然聽落去好廢

早

唔好咁嘅樣啦
笑返

變態佬玩呢啲咁嘅野

咁都過到骨

個女仔真係鐘意個男仔，佢鳩噏都會原諒佢架啦

先唔講中學雞就係咁兒戲
可能大家都有 feel
嬲一陣可能好快無事

話是話
巴打幾時又有文？

無嘅話我哋唔會好似芊靈咁咁順攤
我哋會推到你有為止

個個想睇佢死

可能係啦
心諗芊靈真係好脾氣咁都冇冷戰

晏晝應該有
打緊 dore#

我用旁觀者角度答你因為兩個現實上我都唔識
佢地有樣野好唔同
芊靈心思更加細密
可能你依家唔會明我點解咁講

我覺得晞澄豪爽同神秘d
而芊靈就軟綿綿咁

有把口就搵到食

神秘啲即係
幾新鮮
軟綿綿

咪就係

好似樓主咁有支筆都唔差咖
脷伸小弟兩樣都無

第四十九章
之後我地就會一齊食野啦

芊靈:「真係有著喎 」

我:「屌你當我吹水咩 」

芊靈:「原本我以為真係吹水架 」

我:「點會呢

件衫咁靚

梗係著出街啦 」

芊靈:「都唔知你講真你講笑 」

我:「真係講真 」

芊靈:「當你講真先啦

你知啦，

送生日禮物嗰個最驚就係負責收嘅人唔鍾意

好瘀架嘛 」

我:「你放心

就算真係唔鍾意，

我都會扮到好興奮咁 」

芊靈:「即係你依家扮野啦 」

我:「咁又唔係喎

你見唔到我好真誠咩 」

芊靈:「見唔到 」

我:「睇嚟你要驗眼 」

芊靈:「或者啦哈哈 」
我:「食完冇野做架喇 」

芊靈:「有喎 」

我:「做咩先 」

芊靈:「你個樣好心邪 」

我:「痴線邊度有 」

芊靈:「諗咗去邊

一陣你喺我屋企樓下等我

我上去湊呀bi落嚟

我估佢應該好掛住你哈哈 」

我:「同類果然係同類

特別知佢諗乜野 」

芊靈:「死人頭下下話我係狗 」

我:「我冇講呀你自己講咋 」

芊靈:「你喺附近行住先啦

我應該五分鐘就落到嚟 」

我:「好 」

果然佢好快就落到嚟

呀bi即刻撲埋我嗰度

我:「幾個禮拜冇見喎 」

芊靈:「睇下佢黐你 」

我:「靚仔囉 」

芊靈:「大佬啱啱先食完野咋

你下次講呢啲嗰陣同我講定先丫嘛

咁我咪唔食野囉 」

我:「有冇人話你呢排幽默咗 」

芊靈:「少少啦 」

我:「同得我一齊耐丫嘛 」

芊靈:「邊個同你一齊呀 」

我:「你知嘅 」

跟住特登望住佢，

對望咗一兩眼之後，

佢就擰轉個頭行前

咁我梗係喺後面追佢

我:「行得咁快做咩呀 」

芊靈:「冇特別喎 」

我:「繼續望住丫 」

芊靈:「死變態佬

迫人望住人 」

我:「你唔望我又知我望你 」

芊靈:「唔知呀唔知呀 」

我:「小姐你面紅喎 」

芊靈:「冇喎

你一定係睇錯 」

我:「痴線咁都有睇錯

低能都睇到啦 」

芊靈:「可能

熱囉 」

我:「一定係咁啦 」

芊靈:「唔講呢啲喇

呀bi，

之前呢位變態哥哥講大話咋

你唔使咁熱情喎重大把時間有得見 」

我扮聲講:「知道喇主人 」

芊靈:「低能 」

我:「唔係咁講你點會知佢知呀 」

芊靈:「係喇啱啱先諗到

老老實實你係咪收賣埋Cyrus 」

我:「我話冇你信唔信 」

芊靈:「搞錯呀特登叫佢扮野

咁都俾你諗到 」

我:「呢啲野輕鬆啦 」

跟住佢又扭我耳仔

芊靈:「你呀

以後唔準再同我講呢方面嘅大話 」

我:「縮手先啦 」

芊靈:「唔應承就唔縮

重愈嚟愈大力 」

我:「係喇

以後唔玩以後唔玩 」

芊靈:「生離死別都有得玩嘅咩 」

我:「咁緊張做乜

原來你真係好想我喺度 」

芊靈:「都話太有自信唔係一件好事 」

我:「咁點解咁緊張 」

芊靈:「因為

你走咗我以後冇得扭耳仔囉

冇乜邊個好似你咁傻唔反抗架哈哈 」

我:「重敢玩咩 」

芊靈:「叻仔呀 」

Live

芊靈都好大反應下，唔通







又係sad mode on嘅開始

一起身就有文睇

諗住睇人仆街最開心，點知仲甜過之前

不過咁都正常嘅，否則邊會有呢個故嘅出現