[真人真事][校園][純愛]《兩個我加一個妳》(Ⅱ)

諗住食lunch拎篇文送飯 點知仲未有

食飽飯都未有文

咁壹仔有幾高咖？
壹仔高芊靈唔係好多
可以估到芊靈高度

高芊靈呢個名都幾好聽

其實樓主（/男主）選擇用真名都好大膽
但係芊靈知唔知自己嘅事迹咁樣被人公諸於世咖？

可能男主就係想用呢個故搵返芊靈呢

第五十六章
跟住我地兩個唔係同一班嘅人

就好出奇地咁樣一齊燒緊野食啦

燒燒下嗰陣曾經有條友返過嚟

都係普通同學一個

角色唔係好重要就唔俾個名佢喇

叫佢屎忽鬼就算

屎忽鬼:「芊靈你嚟咗嘅 」

芊靈:「哈佬 」

屎忽鬼:「你兩個唔使咁煙韌呀嘛 」

芊靈:「唔好意思呀

喺度燒咗你地啲野食㖭 」

屎忽鬼:「冇所謂呀

反正都食唔晒

你幫手食重好唔使嘥 」

我:「狗公

可恥 」

屎忽鬼:「你放心啦壹仔

小弟唔會同你爭 」

我:「佢特登過嚟同我兩條友撐枱腳呀

你恨唔到咁多架喇柒頭 」

芊靈:「唔係喎 」

我:「頂你有冇搞錯呀

呢個時候你應該跟劇本講丫嘛

依家搞到我先係柒頭 」

芊靈:「你吹水吹到咁樣好難唔糾正你 」

我:「乜我有吹水咩

唔係事實嚟嘅咩 」

芊靈:「er

唔知喎 」

我:「真係唔知

芊靈:「唔知呀唔知呀唔知呀 」

我:「真係唔知 」

芊靈:「你啲魚蛋燶喇

你就真係唔知 」

我:「屌係喎

仆街喇今次 」

芊靈:「抵死 」

我:「你睇住呀

有口話人冇口話自己就唔笑 」

屎忽鬼:「其實我喺度架

我係一個毒撚啫唔使咁下話

算啦都係唔阻住你地耍花槍 」

呢個時候我地兩個都望住佢

係喎其實佢一路都未走

我:「拜拜 」

跟住再望一望芊靈

佢又開始面紅

呢個時候梗係對住佢偷笑

芊靈:「笑得好衰呀 」

跟住我就喺度笑啦

重對住佢講

我:「對比起你係笑得差啲架喇

我都冇個紅蘋果邊夠你咁吸引 」

芊靈:「你真係扭得少 」

我:「痛呀痛呀

我錯喇停手呀 」

跟住我地就喺度燒啦

因為的確重淨返唔少野食

咁我地本住唔好浪費嘅精神

就幫手清咗佢

燒燒下嗰陣佢無啦啦講

芊靈:「點解你燒嚟燒去都係魚蛋麵包同埋棉花糖 」

我:「鬼叫芝士腸俾人食撚晒咩 」

芊靈:「雞翼牛扒豬扒嗰啲呢 」

我:「燒嗰啲又燒得耐

食又食得快

完全唔抵

嗰啲留返俾你算

你望下啲魚蛋又食得喇 」

芊靈:「你成日就係食咗呢幾樣野 」

我:「係呀係咪唔撚得 」

芊靈:「講下啫使唔使咁串 」

我:「我都係講下啫 」

芊靈:「燒野食未燒過雞翼

重夠膽同人講自己燒野食

笑死呀 」

我:「使唔使咁串 」

芊靈:「我都係講下啫 」

我:「又抄我 」

芊靈:「得鬼閒抄你呀 」

我:「你真係相當唔老實 」

過咗一陣之後

我見到一支燒烤叉，

隊埋嚟我個碗度

上面叉咗兩隻雞翼

我:「做咩 」

芊靈:「隊埋嚟重可以做咩 」

我:「點知你咁多 」

跟住佢嚟手就用叉

將啲雞翼撥落去我個碗度

芊靈:「食啦

唔好話唔益你

費事你又係咁講我特登過嚟就係食你啲野

你知你幾無聊架啦

所以決定收買你先哈哈 」

我:「咁又唔拘喎 」

一食落去

我:「嘩 」

芊靈:「做咩呀唔好食呀 」

我:「好甜喎 」

芊靈:「冇理由架

明明支蜜糖得返好少

我已經搽得唔多喇喎 」

我:「邊度關蜜糖事 」

芊靈:「你講咩呀

又係你話甜嘅 」

我:「芊靈bb燒俾我食喎

點會唔係甜到漏 」

芊靈:「好煩呀你

重有唔好咁叫呀真係好鬼核突 」

我:「好煩你又偷笑 」

芊靈:「冇喎冇喎你睇錯 」

我:「預咗你係咁啦

繼續扮 」

芊靈:「咁點呀好唔好食呀 」

我:「老實講就真係麻撚麻 」

芊靈:「幫你燒埋重咁多野講 」

我:「不過因為係你燒所以搭夠 」

芊靈:「口花花

唔信你呀 」

我:「明明咁真誠

點知你又覺得我吹水 」

芊靈:「太浮誇喇你 」

我:「浮誇同埋可唔可信係兩回事囉 」

芊靈:「唔同你拗

一陣食完出去行好冇 」

我:「出去邊度行 」

芊靈:「附近囉

想去買支野飲 」

我:「自己買啦屌

我好攰呀 」

芊靈:「後生細仔咁易攰

真係冇用 」

我:「激將法對我冇用架

傻豬嚟嘅 」

芊靈:「聽到都打冷震

去啦去啦 」

我:「唔去 」

芊靈:「去啦 」

我:「唔去 」

芊靈:「去啦 」

我:「唔去 」

芊靈:「去啦 」

我:「好喇好喇怕咗你 」

芊靈:「yeah 」

跟住就陪佢去咗買野飲啦，

買完之後再喺度慢慢行，

的而且確秋天咁樣行真係好舒服

又唔會出汗喎

行完之後佢去返自己班，

再喺度燒多陣，

全級同學就返學校解散

中五秋季旅行咁就完咗。

啱啱出咗
今晚繼續

唔方便講啦

唔會響全朵

咁又唔係啲咩衰野

唔知呢

個屎忽鬼毒撚好慘
俾人閃死

耍花槍耍到旁若無人
如入無人之境

纏綿

可能冇心閃佢

係

係咩

好甜

偽毒可恥
我地個心情應該同個毒撚差唔多

燒雞翼

個毒撚醒目即刻走

點解唔方便呀