[真人真事][校園][純愛]《兩個我加一個妳》(Ⅱ)

叫丁仔出多d添呀

第四十二章
考試冇乜特別所以都唔多講喇

咁就講下之後做咩啦

唔知大家重記唔記得，

芊靈早前提過話去打羽毛球

即係我，佢，michelle同埋佢男朋友

四個去打

考完試但又未放得暑假

好撚得閒嗰啲日期呢

講講下終於成事

我心諗你效率又幾撚高

啱啱先至考完試咁快就卜到場

芊靈:「聽日去打羽毛球呀

之前應承咗冇得唔去呀 」

我:「其實係咪有人走過你數

所以你咁驚甩底

莫非你孤寒唔想無啦啦俾多一個人錢 」

芊靈:「有邊個想無啦啦俾多一個人錢呀 」

我:「頂係喎

今次你啱 」

芊靈:「最緊要係講好咗嘛

同你玩雙打哈哈 」

我:「可能會打隊友 」

芊靈:「無聊鬼

咁都諗到 」

我:「講笑啫

錫你都嚟唔切 」

芊靈:「變態佬無啦啦錫人 」

我:「芊靈bb

準備好未 」

芊靈:「唔係講笑真係起晒雞皮

好核突呀叫到 」

我:「唔甜咩 」

芊靈:「唔甜囉 」

我:「搞錯呀

我見呀邊個邊個(某對喺學校嘅情侶)佢地係咁樣叫對方喎 」

芊靈:「個個唔同架嘛叻仔 」

我:「重諗住你聽完之後你個心甜過豆腐花

咁樣我就可以享用你個心

你知我幾撚鍾意食甜野 」

芊靈:「你唔止口花

重好變態

心都要食 」

我:「唔食咁咪俾我收埋 」

芊靈:「唔俾個心你呀 」

我:「心淡 」

芊靈:「傻仔

係喎

你之前講嗰條iq題呢 」

我:「邊條呀

好多條喎 」

芊靈:「咩兩個我加一個你嗰條呀 」

我:「咁嘅

如果換轉係你問呢，

條問題就係『兩個你加一個我』

但如果我問就兩個我加一個你 」

芊靈:「咩數字嚟架

好難估呀 」

我:「諗多陣先啦 」

芊靈:「會唔會其實係你未諗個答案

所以就一路都唔開估 」

我:「你都傻嘅點會未諗好

諗多陣啦加油啦 」

芊靈:「好啦

但係唔準唔開估呀 」

我:「你放心 」

唔好意思要繼續吊癮，

話晒呢條iq題點都係呢個故嘅標題名

梗係要扮晒野，

懶係遲啲先開估啦

放心絕對唔係好似芊靈咁樣講未諗好答案

結果嗰一晚芊靈已經喺msn搵咗我

聽日幾點幾點，

唔知各位有冇共鳴啦

一個毒撚知道好快可以同女神出街，

其實真係好興奮

但係呢啲野點同人分享啫

人地當我戇鳩仔就唔好啦

所以都係喺度自high

第二朝芊靈再搵我，

佢問一齊去好唔好

因為其實嗰個室內運動場係可以由佢屋企行過去

佢就叫我不如去佢屋企樓下搵佢先

然之後再一齊行過去

老實講第二個我就屌柒佢

因為小弟好鍾意一個人行嘅時間

真係覺得好寧靜好舒服

除非真係好啱傾例如芊靈又或者Cyrus

如果唔係一般都係自己一個行

咁我去到冇幾耐就見到芊靈

今日完全係運動裝束，

粉紅色運動衫同埋黑色短褲

再加一對白色溝粉紅色波鞋

成個感覺好清新

當然髮型都重係標誌性嘅斜陰啦

芊靈:「你著長袖嘅 」

事關小弟好鍾意著長袖運動底衫打底做運動

唔係懶型

就算係夏天三十幾四十度嗰陣，

仍然係屹立不倒

我:「係咪唔撚得 」

芊靈:「搞錯呀問你一句啫使唔使咁樣呀 」

我:「講笑啫唔好嬲啦 」

芊靈:「好彩知你成日亂咁鬧人

先至唔擺喺心度

如果唔係真係以為俾你鬧 」

我:「講笑還講笑我真係冇鬧過你

對住你唔識講啲難聽嘅說話 」

芊靈:「係

不過好假呢 」

我:「你覺得假就假啦

明明咁真誠 」

芊靈:「唔同你爭論

其實我都想著長袖

不過附近體育鋪冇得買 」

我:「你今次問啱人

我知邊度有得買 」

芊靈:「講堅好喎

暑假得閒出去買丫 」

我:「話咗你掛住我啦

暑假都要見我 」

芊靈:「係呀我真係好掛住你呀

你俾唔俾我見呀 」

我:「醒咗喎學到野喎 」

芊靈:「識咗咁耐學唔到就死火啦 」

講完之後重要單一單眼，

佢呢個樣簡直係魔咒

次次見到呢個樣，

即使有咩要求我都係拒絕唔到

芊靈bb

錫啖先

無啦今日？

芊靈bb

你班變態佬

今日冇了
禮拜六日會出多啲

one jai變態啲

求求樓主出快啲

芊靈bb

芊靈肯受壹仔啲咁肉麻嘅嘢
到底係佢玩得先唔介意
定已經對壹仔有好感先唔介意
我就覺得係後者喇

咁又係呀

禮拜六日出多啲
同埋去到12月應該得閒啲

未係時候

都唔知點樣講得出口

希望遲啲答到你

加速

講完之後重要單一單眼，
佢呢個樣簡直係魔咒

見到芊靈bb做應該會神魂顛倒

加速吖樓主

pish