[真人真事][校園][純愛]《兩個我加一個妳》(Ⅱ)

晏晝

靚女做梗係唔同啲

晏晝有

佢一定會同芊靈開估
不過冇咁快啫

多謝兩位幫推

推

Pish

推

多謝咁多位幫推
等多陣好快出到

第四十三章
去到運動場

就已經見到michelle同埋佢男朋友喺度

Michelle:「原來個特別嘉賓就係壹仔 」

呀宏(Michelle男朋友):「hello 」

係咁咦講下呀宏

我喺學校踢波間唔中都有見到佢

幾好人，

踢波幾君子

即係唔會亂衝亂撞

可能都知唔係比賽

有條底線喺度，

典型運動型男仔樣

老實講我都幾撚葡萄佢

最衰自己踢波冇咁叻

又冇佢咁高

整體嚟講都算啱嘴型

我:「今日兩位睇住細佬

講明淨係識打羽毛唔識打個波 」

Michelle:「唔怪得芊靈話你講野特別誇張啦

原來真係 」

呀宏:「咪係囉點會呀 」

我:「講真冇呃你地 」

芊靈:「我實信你啦 」

我:「痴線有得你唔信咩 」

芊靈:「一陣咪知囉 」

我:「頂你又幾醒目 」

Michelle:「你兩個打住先

我地去買野飲

你地飲咩 」

我:「檸檬茶 」

芊靈:「水得喇 」

跟住我就同芊靈兩個人打

其實講笑啫，

如果真係淨係識打羽毛又點會出嚟

唔驚俾人笑到面黃咩

大家都知，

喺女神面前有邊個想衰先得

個個都想表現自己威水嗰面架啦

芊靈:「原來咁勁嘅

吹到話淨係識打羽毛 」

我:「撞彩啫撞彩啫 」

芊靈:「又唔見我撞到 」

我:「人嘅問題囉哈哈 」

芊靈:「囂張

唔好俾我贏到你呀 」

我:「睇下點 」

由於佢地好快會返嚟，

買野飲啫唔會好耐掛

所以我地都係玩五分就算

最快拎到五分就贏，

咁我當然識做啦

對勝利嘅慾望點會喺度展現出嚟呢

同佢打贏唔贏又有咩所謂

但係如果我擺到明打假波又唔過癮喎

所以就好似做戲咁樣

扮晒好落力打，

但係其實只係扮

俾佢贏但係可以睇佢笑

唔使諗都知係超值啦

我:「頂你ok喎打得

唔係流啵 」

芊靈:「多得你讓我啫 」

我:「唔係講笑真係冇讓 」

芊靈:「總之多謝你啦 」

原來到最後都係呃唔到佢

跟住Michelle同埋呀宏兩個就返咗嚟

咁就雙打啦

其實都係過下癮啫，

但係我地竟然贏到情侶檔

呀宏:「又話淨係識打羽毛嘅 」

我:「好彩啫好彩啫 」

Michelle:「唔怪得芊靈話你係吹水怪 」

我:「搞錯呀你成日喺度黑化我 」

芊靈:「邊度有黑化

乜唔係個個都知嘅咩 」

我:「明明我連大話都唔講多句

不嬲都係有碗話碗有碟話碟

你就屈我話我係吹水怪 」

芊靈:「你都唔係咁冇人係 」

我:「痴線 」

Michelle:「你兩個唔好喺度纏綿喇

開波啦 」

芊靈:「邊度有纏綿 」

我:「講纏綿邊度及得上你地 」

呀宏:「我地光明正大

你地就 」

睇嚟佢已經當我同芊靈係有野

好彩之前已經講過我從來唔驚呢啲咁尷尬嘅問題，

所以冇乜蛛絲馬跡

喺我角度睇俾人傳重好啦

其實曖昧真係唔錯，

嗰種疑幻疑真嘅感覺唔係成日俾到你

講嘅野淨係得你兩個先明

當然啦佢成日以為我周圍撩其他女仔

明明淨係得佢一個，

好彩芊靈都大方，

所以氣氛唔算好尷尬

打咗一陣跟住佢兩個就去唔知邊度

咁我理所當然同芊靈返屋企啦，

我:「其實你同Michelle識咗幾耐 」

芊靈:「你咪問過囉又問 」

我:「唔記得咗嘛 」

芊靈:「中一識到依家

無啦啦做咩咁問呀 」

我:「冇

我覺得你地好似唔係一般好朋友咁樣

一般嗰啲都係糖黐豆

去廁所都一齊 」

芊靈:「你又知我地去廁所唔係一齊

莫非你入女厠 」

我:「冇計啦對你迷戀嘅程度愈來愈高

變態啲都要架啦 」

芊靈:「變態佬呀 」

我:「小心啲呀 」

芊靈:「我覺得好姊妹又唔一定成日一齊嘅

咁大家都有大家嘅空間架嘛

特別佢依家拍拖重係熱戀期

如果我成日喺度煩住佢咪盞搞到佢

上堂我同佢就坐一齊嘅

基本上年年都係咁 」

我:「屌你啦

唔使調位嘅咩 」

芊靈:「郁啲就講粗口

冇呀老師俾我地自己揀

我依家呢個班主任中一同埋中三都係佢教我

上到中四做埋班主任添

第一日入嚟就話已經唔使調 ，

大家鍾意坐邊就坐邊

除非上堂太嘈先再調。」

我:「女神下凡真係女神下凡

講嘅野特別有深度 」

芊靈:「唔係咩

點樣friend嘅都會有自己嘅私人時間

唔通話佢重色輕友咩

同埋咁樣都好正常 」

我:「你又係咪重色輕友 」

芊靈:「冇拍拖又點樣重色輕友呀

莫非你係 」

我:「痴線邊有拍拖 」

芊靈:「快啲講啦睇啱邊個啫

等我幫你試探下 」

我:「咪即係叫你自己試探自己

試條撚咩 」

芊靈:「我冇呀唔好意思幫你唔到 」

我:「低b 」

芊靈:「下次打羽毛球叫埋你 」

我:「好不過唔好叫我卜場 」

芊靈:「知道你啦懶鬼 」

我:「真係聰明呀你 」

跟住佢又扭我耳仔

芊靈:「識你咁耐唔知咩 」

我:「痛呀痛呀 」

芊靈:「唔好扮野根本好細力 」

我唔扮到咁樣，

你點會繼續扭我耳仔丫

自己試探自己

好明顯當佢係玩

明明芊靈bb都暗示，試緊壹仔有冇鍾意人

互相暗示

大家都有好感
係差啲轉捩點令到佢哋走埋齊
次次都係咁

咪就好似行仔周若凝咁

加速加速

知道冇其他就放下心頭大石
講明我都係鳩估

中學雞係咁

轉捩點其實唔係咁易出現

哈哈