[真人真事][校園][純愛]《兩個我加一個妳》(Ⅱ)

第五十五章
跟住好快就到秋季旅行

唔知點解個個中學生都好撚鍾意秋季旅行

好似嗰日成班喺度傾緊旅行事宜嗰陣

全部都哈哈哈哈哈

氣氛好到爆

又話點樣期待點樣興奮

燒野食一定要買邊啲邊啲

對於我自己嚟講，

其實我真係唔覺得有乜野咁值得高興

事關可能我冇乜耐性，

真係對燒野食麻撚麻

所以咁多年嚟有啲親戚話搞燒野食，

我從來都唔會出席

即使係朋友搞我都唔會去

除非真係好friend囉

但多數好friend嗰啲都知道我呢條磨碌唔鍾意燒野食

變相就好少搞

如果秋季旅行話打邊爐就正喇

咁我諗自己都好似呢班蛋散咁樣好鬼期待

結果當日放學我就同Cyrus重有幾個同學一齊買野啦

因為我地班分咗三組

每一組大約八至九個人，

自己嗰組買自己嗰啲材料

唔想成班人夾份跟住喺度分

我去到好簡單

淨係同佢講記住買多啲魚蛋牛丸芝士腸棉花糖麵包

全部都係快熟嘅

重要唔難叉

牛扒雞翼豬扒嗰啲就交俾你地

我預咗實俾人話我戇鳩仔

吹呀係咪唔撚得

同埋有第二個原因

就係一開始話，

每人要負責拎自己話要買嗰啲材料

咁我心諗芝士腸魚蛋嗰啲應該唔會重啦

就係咁先叫佢買

事實證明真唔係重

唔係講笑我都覺得自己幾撚醒目

望住啲人喺度拎炭拎野飲

拎到要生要死，

重唔感覺良好咩

第二日返學校

原本我就想著芊靈送俾我嗰件T卹嘅

點知我地班話要著班衫

話乜q野團結喎

咁就冇得著

同埋尋晚同芊靈講開先至發現

原來中五全級係去同一個地方

我原本真係唔知

事關上年中四臨時因為天雨問題取消

再之前喺我間舊校，

全級同學並唔係去同一個地方

睇下一陣見唔見到佢先

一路返學望住啲傻閪拎住啲炭，野飲屌晒老母咁樣

唔係講笑場面真係有啲歡樂

當然唔可以咁大聲笑啦

同埋自己都要扮重扮辛苦

如果唔係俾人踢爆咁輕就死火

去到燒烤場就梗係燒野食啦

講真我覺得啲人嚟都係志在吹水同埋溝女

燒野食其實只係一個掩飾

大約燒咗個幾鐘

好多人已經去咗玩，

包括Cyrus條鹹濕仔

佢話見到自己女神諗住一齊打排球

叫埋我去不過我唔想行

好想安靜咁樣一個坐喺度

要貫徹毒撚形象嘛

所以之後我嗰度全部男仔都去咗打排球溝女

得我一個戇鳩鳩坐喺度

燒嚟燒去就係燒魚蛋牛丸芝士腸棉花糖

燒燒下突然俾人用手喺後面蒙住我對眼

芊靈:「知唔知我係邊個 」

我:「唔知呀x芊靈(x係佢個姓) 」

芊靈:「做乜一個喺度燒野食

頭先見到Cyrus喺嗰邊打波 」

我:「唔想行咪坐喺度

好鬼攰 」

芊靈:「死懶鬼 」

跟住佢就坐落嚟

依家先見到佢原來都係著班衫

都係一以件白色為主嘅衫，

中間有好撚多花紋

下身著條黑色燈芯絨褲

我:「做乜過嚟 」

芊靈:「好唔想我過嚟咩

走囉咁樣 」

我:「阻住我溝女

冇厘醒目 」

點知佢竟然同我講

芊靈:「邊有女仔俾你溝呀

唔好玩啦壹仔 」

我:「頂你可唔可以唔好咁坦白 」

芊靈:「係喇可唔可以喺度燒少少野食 」

我:「抽水 」

芊靈:「哈哈都係啲啲啫 」

我:「到時你俾返佢地抽咪得 」

跟住佢公然喺度扭我耳仔

開始有少少懷疑佢有啲暴力傾向

芊靈:「你真係冇好野講 」

我:「痴線你諗咗去邊

我意思係叫佢地去你嗰度攞返啲野食燒呀 」

芊靈:「唔信 」

頂你即係屈我機啫

好羨慕旅行係成級一齊去

我覺得個iq題冇同芊靈開估
去到結局先開

你地嗰陣係點?

唔知呢

咁誇

聽日再出

一樣咁靚

啱啱出咗

扭你耳仔呀嗱

唔要你扭
唔劇透

我同佢唔同班

正確d講係中四開始唔同班
但係我係大約中五開始先對佢有感覺

好奇怪架我地
明明識左好耐 都叫做少數有計傾既異性朋友
但係真正認識到大家反而係分左班之後

不過我又無後悔揀理科既
識到一班兄弟
只係有陣時會好想係同一班者

承機

其實唔同班係咪好難好似壹仔同芊靈咁?
等各位解答
有得有失

睇樣

唔同班邊有話題
分左班之後本來熟果d女仔都會開始變疏啦
再close實比人傳
鍾意你就話者 大部分都會覺得監介
實避開你

講真我都好少聽到中學曖昧對象係從來未同過一班
佢兩個係幾特別下

啱啱一口氣睇曬前一個 Post 壹芊靈壹個 Comment 好甜好正
追緊呢個 Po 嘅故仔

最近一個月開到 Account 終於唔使做 CD ROM

丁仔唔識芊靈真人

頂甜到漏

係咪要等一千零一日先開估？

頂甜到漏 [/quote]
師兄唔好成段quote

文啊

等聽日啦師兄
睇太多眼糖尿呀