[真人真事][校園][純愛]《兩個我加一個妳》(Ⅱ)

打緊

新人留名

認得

之前個啲都留過名 今次男主角主動左 好睇左

幾點有呀

新post留名

留名

LM

新post留名

丁仔，好多人等緊你文呀

又扮新人

天久都幾年前

多謝巴打支持

九點零

新post留名

LM

留名

新post留名

多謝咁多位

都係，柏寶都冇係香港騎啦

live

等緊呀

真係有睇喎

呃你做咩

都唔好講咁多費事騎劫

第三十七章
跟住我就好快換定衫落咗去

呢啲野早好過遲啦

萬一到時因為遲咗而錯失良機

咪又係喺度揼春袋

雖然嗰陣天氣開始有啲熱，

不過都寧願一早企喺度

結果等咗一陣之後，

芊靈終於打電話俾我

芊靈:「陣間嗰架就係

就嚟到你嗰個站

見到你喇 」

之後當然上車啦

上到去佢都重係坐緊嗰個位，

架車嘅右手邊由頭數落去第六個位

幾乎次次都係坐呢個位

之前我都講過我地嗰架巴士唔多人搭，

所以上層基本上係好多位


再加上佢係總站，

當然可以揀位啦

芊靈:「早晨呀壽星公

生日快樂 」

我:「頂你又講 」

芊靈:「搞錯呀我同你講生日快樂

你同我講返啲咁嘅野 」

我:「唉對唔住對唔住

係我衰口不擇言

請饒恕 」

芊靈:「你今日最大

我受唔起呀

喂係喇食咗早餐未 」

我:「食咗呀做乜撚？」

芊靈:「冇呀重諗住叫你一齊食添 」

我:「邊個話食完唔可以再食 」

芊靈:「唔好勉強喎師兄 」

我:「你都痴線我使勉強 」

芊靈:「食咩好呀

生日嗰個話事嘻嘻 」

我:「好想食雪菜肉絲

茶記有冇問題 」

芊靈:「識食呀 」

我:「屌

使你講 」

芊靈:「威水啦 」

我心諗梗係識食啦

鬼叫我呢啲無聊人，

已經記低咗嗰次你同我講你鍾意食啲乜

有時有啲野真係好難認真咁樣講出口，

同埋其實嗰日我真係幾飽，

因為不嬲朝早都唔係食好多野

不過既然同佢食早餐機會實在係難逢，

又點可以唔去呢

有啲戇鳩仔就係咁樣，

對住某一個人，

偏偏就係唔識自私啲。

搭緊車嘅途中，

見佢個樣好似有啲攰

我:「做咩呀你

攰到咁樣尋晚冇瞓覺咩 」

芊靈:「特登早起身同你講生日快樂呀

冇瞓覺 」

我:「多謝囉 」

芊靈:「邊個叫你嗰次咁有心機夾好時間講生日快樂

你知女仔鍾意啲心機野

咁咪回禮

但真係有啲眼瞓 」

跟住我就拍一拍我個膊頭

我:「放心我好大隻

一定承受到你個頭個重量 」

芊靈:「你大隻

壹仔你係咪玩我 」

跟住我就用右手，

輕輕撳佢個頭落嚟我個右邊膊頭度(因為我坐喺出邊)

我:「瞓落嚟啦

到嗰陣我會叫你，

講明呀只此一次呀 」

芊靈:「咁

唔該晒 」

依家我都唔知點解嗰陣會咁有勇氣

成個動作係好流暢，

諗到就即刻做

亦都因為我架巴士返學嗰程會比起放學嗰程兜遠啲路，

所以時間上會充裕啲

所以先叫佢瞓落嚟，

你知啦有個女仔喺你膊頭嗰度，

梗係唔敢亂郁啦

驚整到佢，

又擔心佢瞓得唔舒服

不過以我所知佢係冇瞓

我:「瞓唔著呀 」

芊靈:「嗯

不過挨落嚟幾舒服

雖然你唔大隻哈哈 」

我:「你真係有眼不識泰山

你唔覺得好溫暖嘅咩

一個男仔為咗女神獻出佢嘅膊頭，

幾撚浪漫 」

芊靈:「唔好意思唔覺囉哈哈 」

我:「心都噏埋

做咁多野都搏唔到一句讚美嘅說話 」

芊靈:「唉好喇好喇

有啲啲浪漫同埋少少溫暖啦好冇 」

我:「啲啲都好過冇 」

芊靈:「多謝你丫 」

我:「唔使 」

其實我好想講，

呢啲從來都係本份嚟

起碼直至今時今日，

我都係咁樣認為。